Morgunblaðið - 10.09.2000, Side 30

30 SUNNUDAGUR10. SEPTEMBER 2000
MORGUNBLAÐIÐ
iV ( , , f .
ijlj
SlliWÍfilÍÍ
jij || | i
Morgunblaðið/Jónas Erlendsson
F.v. Ivar Páll, Guðmundur Pátur og Sveinn.
STAÐSETNINGIN ER
EKKIVANDAMÁL
eftir Guðmund Guðjónsson
STARFSSVIÐ BVT er víðfeðmt og
uppbygging fyrirtækisins ekki með
þeim hætti sem menn eiga að venj-
ast. Forsprakkarnir eru þrír, Guð-
mundur Pétur Guðgeirsson, sem
starfar sem framkvæmdastjóri og
sinnir bókhaldsþjónustu, sbr. b-ið í
nafninu fyrirtækisins, Sveinn Páls-
son sinnir verðfræðiverkefnum,
sbr. v-ið og ívar Páll Bjartmarsson
sem er tölvumaður fyrirtækisins,
sbr. t-ið. í vor tók BVT síðan við
póstdreifingu í Mýrdalshreppi og
keypti stærra húsnæði undir starf-
semi sína, enda segir Guðmundur
Pétur að starfsemin sé að vinda
upp á sig og velta fyrirtækisins hafi
verið að aukast jafnt og þétt síðan
fyrirtækið var stofnað 26. apríl
1998.
Þeir félagar, Guðmundur Pétur,
Sveinn og Ivar Páll eru allir fæddir
og uppaldir Víkverjar, Guðmundur
fæddur 1962. Hann lauk Samvinnu-
skólaprófi frá Bifröst 1981 og hefur
starfað sem verslunar- og
skrifstofustjóri hjá KS, við eigin
rekstur fjarvinnslustofunar Víst,
sem verslunarstjóri KÁ og aðalbók-
ari hjá sýslumanninum í Vík uns
hann stofnaði BVT með félögum
sínum. Guðmundur Pétur er giftur
Þorgerði Einarsdóttur og eiga þau
3 börn.
Sveinn er fæddur 1961. Hann er
stúdent frá ML 1981, lauk bygging-
artæknifræðinámi frá Tækniskóla
íslands 1987, MSc-byggingarverk-
fræðinámi frá Lunds Tekniska
Högskola í Svíþjóð 1991 og hefur
'síðan starfað sem tæknifræðingur
hjá Byggðarverki, verkfræðingur
hjá Centerlöf & Holmber í Svíþjóð
og sem verkfræðingur og bygging-
arfulltrúi hjá Mýrdalshreppi.
Sveinn er giftur Soffíu Magnús-
dóttur og eiga þau 3 syni.
Tölvukarlinn í hópnum, ívar Páll,
var í upphafi kokkur, lauk námi við
Hótel- og veitingaskóla íslands
VœSHPTlfflVINNUlJF
ÁSUNNUDEGI
►Það er alltaf athyglisvert að hiyóta um fyrirtæki í ðrum vexti úti
á Iandsbyggðinni, ekki síst í byggðarlögum sem eiga undir högg
að sækja vegna skorts á atvinnutækifærum og fólksflótta á mölina
í beinu framhaldi. í Vík í Mýrdal er eitt slíkt fyrirtæki, BVT ehf.
Morgunblaðið/Jónas Erlendsson
Póstdreifingin skipulögð.
1989 og var síðan matreiðslumaður
á Pottinum og pönnunni og víðar
næstu árin. Skrifstofutæknir hjá
Stjórnunarfélaginu og Nýherja um
skeið uns hann hélt aftur til Víkur
og var aðalgjaldkeri hjá sýslu-
manninum í Vík til árisns 1998. Þá
fór hann í alhliða tölvunám hjá
Tölvu- og viðskiptaskólanum vetur-
inn 1998-99, stundaði tölvukennslu
fyrir Tölvufræðslu Akureyrar og
BVT, innheimtufulltrúi hjá Sýslu-
manninum í Kópavogi frá 1999 og
sama ár netumsjónarmaður hjá
Tölvu- og verkfræðiþjónustunni.
Sambýliskona ívars Páls er Sigrún
Lilja Einarsdóttir og eiga þau eina
dóttur.
Samræming
Þremenningarnir voru sum sé
hver í sínu horni, en þar sem þeir
þekktust allir frá gamalli tíð kvikn-
aði áhugi hjá þeim að reyna á nýtt
afbrigði af þekktu fyrirkomulagi.
„Okkur datt í hug hvort við gætum
ekki komið okkur saman, samnýtt
krafta okkar, aðstöðu og búnað. At-
huga hvort við gætum ekki laðað að
aukin verkefni með því að bjóða svo
margþætta þjónustu í sama fyrir-
tækinu," segir Guðmundur Pétur.
En hvernig kemur það út þegar
einn kemur kannski með meiri pen-
ing inn heldur en næsti maður?
„Þetta hefur ekki verið vandamál
hjá okkur. Sjáðu til, að ef við tökum
Svein sem dæmi, þá er hann mjög
virtur í verkfræðigeiranum og fær
næg verkefni. Hann er flinkur í
sínu fagi og er ánægðastur að geta
sökkt sér ofan í verkin. En honum
hefur aldrei þótt varið í að læra
bókhald eða að standa í að rukka
fyrir vinnu sína. Við þekkjum dæmi
um að nokkrir aðilar í sömu grein
samnýta aðbúnað og tæki á sama
hátt og gera það af því að það er
hagstæðara heldur en að stunda
einyrkju. Því skyldi það ekki ganga
upp hjá okkur þótt sviðin séu ólík?
Dæmið sem ég nefndi sýnir hvað
svona samkrull getur verið hag-
stætt.
Næg verkefni
Guðmundur Pétur segir að hver
um sig hafi nóg á sinni könnu, en
þó ekki meira en svo að þeir vilji
gjarnan fá fleiri verkefni, enda sé
enn svigrúm til viðbóta og svo hafi
þeir félagar augastað á snjöllu fólki
til samstarfs ef tekst að landa fleiri
verkefnum. Sjálfur hefur Guð-
mundur auk framkvæmdastjórnar
fyrirtækisins séð um færslu bók-
halds og gerð ársreikninga fyrir
Víkurprjón hf., Trévík ehf. og Hót-
el Dyrhólaey ehf., gerð ársreikn-
inga fyrir ýmis félagasamtök á
svæðinu og framtalsgerð fyrir ein-
staklinga og aðila í rekstri, m.a. í
samstarfi við KPMG-endurskoðun
á Selfossi.
Sveinn hefur gjarnan fengið
verkefni frá verkfræðistofum á höf-
uðborgarsvæðinu, sérstaklega
Hönnun hf, en fyrir þá hefur hann
m.a. tekið þátt í hönnun stálgrind-
arhúsa fyrir álverið á Grundar-
tanga og inntak fyrir Vatnsfells-
virkjun. Þá hefur hann hannað
burðarvirki stórbyggingar í Portú-
gal fyrir Límtré, stálgrindur í mót-
tökubyggingu Hótel Skaftafells
fyrir Verkfræðiþjónustu Jóns Guð-
mundssonar, burðarvirki undir
verksmiðjubakarí í Mosfellsbæ,
auk hönnunarverkefna og gerð út-
boðsgagna og kostnaðaráætlana
fyrir Skaftárhrepp og fleiri.
Eitt af því sem BVT lagði upp
með í upphafi var kaup á nokkrum
sterkum og notadrjúgum tölvum
sem leigðar hafa verið hreppnum
og notaðar í tölvuveri Víkurskóla
og til námskeiðahalds á svæðinu.
Utan um það hefur ívar Páll haldið,
auk þess að setja upp og hanna vef
Mýrdalshrepps og önnur smærri
verkefni, m.a. vefsíðugerð.
Eru sveitungar ykkar sæmilega
tölvuvæddir?
Guðmundur Pétur brosir að
þessari spurningu og svarar því
þannig að tölvuvæðing í sveitinni sé
með ólíkindum. „Ivar hefur haldið
talsvert af námskeiðum og það er
nóg að gera og tölvur út um allt.
Fólk hér ætlar sér ekki að ein-
angrast í þessum efnum.“
Staðsetningin og
atvinnumálin
Guðmundur Pétur er spurður út í
hvort staðsetning fyrirtækisins
standi því ekki fyrir þrifum og
hann svarar þannig: „Þvert á móti,
nú á dögum skipta fjarlægðir sára-
litlu máli. Tæknin sér til þess. Nú
þegar er mikið af verkefnum fyrir-
tækisins komin frá höfuðborgar-
svæðinu, ekki síst verkfræðiverk-
efnin. Við erum að heita má einir á
stóru svæði hér á miðju Suðurlandi
og það tryggir okkur á heimaslóð-
um og gefur okkur forskot á þá
sem fjær eru staddir. Sóknarfærin
eru úti um allt. Þótt við séum á Vík,
er ekki langt síðan að við vorum
með mann í vinnu fyrir okkur á Ak-
ureyri.
Staðsetning fyrirtækisins gefur
okkur einnig ögrandi möguleika á
því að laða til Víkur fólk með sér-
þekkingu, umfram okkar eigin.
Þannig gæti fyrirtæki á borð við
okkar komið til með að styrkja at-
vinnulífið á staðnum og veitir ekki
af. Við höfum verið að hugsa
stærra að undanförnu og ætlum að
sjá hvaða möguleikar eru í stöð-
unni. Við höfum nóg á okkar könnu,
það er langur vegur frá því að við
séum að drepast úr verkefnaskorti.
En við getum líka auðveldlega bætt
við okkur og stefnum að því.“
Kannski fyrirmynd fyrir aðra í
öðrum byggðarlögum með versn-
andi stöðu í atvinnumúlum?
„Einmitt. Ef þetta er hægt hér
hví þá ekki annars staðar. Reyndar
veit ég vel að atvinnumál á lands-
byggðinni eru ekki alls staðar slök
af sömu ástæðum. Hér í Vík bygg-
ist t.d. allt á landbúnaði á sama
tíma og á Aust- og Vestfjörðum
byggist allt á útgerð. Ef við getum
byggt eitthvað upp í dreifbýlinu þá
er ekki öll von úti. Hér í Vík hefur
ástandið verið erfitt og síðustu
misseri hefur margt fólk flutt burt.
Það hefur eitthvað örlítið hægt á
þessari þróun hin allra síðustu ár,
en mesta blóðtakan kom upp úr