Morgunblaðið - 13.09.2000, Blaðsíða 4

4 MIÐVIKUDAGUR 13. SEPTEMBER 2000
FRETTIR
MORGUNBLAÐIÐ
Morgunblaðið/Ami Sæberg
Útför Indriða G. Þorsteinssonar
ÚTFÖR Indriða G. Þorsteinsson-
ar, rithöfundar og fyrrverandi
ritstjóra, fór fram frá Dómkirkj-
unni í Reykjavík í gær að við-
stöddu fjölmenni.
Sigurður Sigurðarson
vígslubiskup jarðsöng. Ólöf Kol-
brún Harðardóttir söng við at-
höfnina og Auður Hafsteinsdóttir
lék á fiðlu en organisti var Mar-
teinn Hunger Friðriksson. Kam-
merkór Dómkirkjunnar sá um
kórsöng.
Friðrik Indriðason, Arnaldur
Indriðason, Sveinn Bjarnason, Jón
Hermannsson, Jón Hákon Magn-
ússon, Sigurður Blöndal, Þór
Indriðason og Þorsteinn G. Indr-
iðason báru kistu Indriða úr
kirkju. Jarðsett verður í Goðdala-
kirkjugarði 15. september kl. 14.
Landssímiim kærir til lögreglu skemmdir á Cantat 3
Þrjú skip
voru á
veiðum við
strenginn
LANDSSÍMINN hefur ekki lagt
fram formlega kæru vegna sæ-
strengsins sem skorinn var í sund-
ur 2. ágúst, en það stendur til inn-
an skamms, ekki síst vegna
fordæmisgildis, segir Ólafur Steph-
ensen, forstöðumaður upplýsinga-
og kynningarmála Landssímans.
Ólafur segir þrjú erlend skip
hafa verið stödd á þeim slóðum þar
sem strengurinn fór í sundur, sam-
kvæmt upplýsingum Landhelgis-
gæslunnar.
Skipin, sem voru bresk og þýsk,
voru stödd innan íslenskrar lög-
sögu á karfaveiðum, í samræmi við
EES samninginn, segir Ólafur.
Hann segir málið til skoðunar hjá
ríkislögi-eglustjóra.
„Eins og komið hefur fram þá
benda verksummerki sterklega til
þess að skorið hafi verið á streng-
inn.
Sá sem veldur skemmdum á
honum vísvitandi er skaðabóta-
skyldur.“ Ólafur segir Landssím-
ann miðla upplýsingum til sæfar-
enda um legu sæstrengja þannig
að þeir geti forðast þá.
Alltaf geti komið fyrir að skip
valdi óvart skemmdum á strengn-
um en það beri að tilkynna.
Úrhelli gerði á Patreksfírði
Rjúfa þurfti veg
vegna vatnavaxta
GRÍÐARLEGT úrhelli á Patreks-
flrði síðdegis á mánudag varð til þess
að Vegagerðin neyddist til þess að
rjúfa skarð í Rauðasandsvegveg til
að forða frekari vegskemmdum.
Eiður B. Thoroddsen, rekstrar-
stjóri Vegagerðarinnar á Patreks-
firði, segir að þeir hafi ákveðið að
moka skarð í Rauðasandsveg enda
einsýnt að annars myndi vatns-
flaumurinn rjúfa Barðastrandarveg
en um hann er að jafnaði mun meiri
umferð. Eiður kallaði því til skurð-
gröfu sem gróf í sundur Rauða-
sandsveg um kl. 17 í fyrradag.
Eiður segir að rigning hafi verið
svo mikil að lækjarspræna sem yfir-
leitt er meinlaus bólgnaði út svo veg-
ræsi hafði ekki undan. Hann segir
þetta ekki í fyrsta sinn sem Vega-
gerðin neyðist til að rjúfa veginn
vegna vatnavaxta. Hins vegar vonast
hann til að vegabætur á þessum slóð-
um tryggi það að þetta hafi reynst í
síðasta skipti sem þurfi að rjúfa
Rauðasandsveg.
Goðafoss, nýtt skip Eimskipafélagsins. Myndin er tekin
í Þórshöfn í Færeyjum í fyrradag.
Nýr Goðafoss
til landsins
ANNAÐ af tveimur nýlegum syst-
urskipum Eimskips kom til landsins
seint í gærkvöldi. Skipið ber nafnið
Goðafoss og er þegar komið í áætlun.
Hitt systurskipið er væntanlegt til
landsins seinnipartinn í október.
Þetta eru stærstu og fullkomnustu
skip sem félagið hefur verið með í
rekstri. Burðargeta þeirra er 1.457
gámaeiningar og leysa þau fjögur
skip af hólmi, þar af þrjú leiguskip.
Skipin eru smíðuð í Órskov Værft í
Danmörku árið 1995. Burðargeta
þeirra er nálægt 50% meiri en í
Brúarfossi, sem nú er stærsta skip í
rekstri félagsins. Lengd skipanna er
165,6 metrar og breidd 27,2 metrar.
Skipin geta tekið á þilfari 11 gáma á
breiddina í stað 9 á Brúarfossi og
verður Jakinn, gámakrani félagsins í
Sundahöfn, lengdur til að geta náð til
allra gáma skipanna. Skipin eru t.d.
með um 400 frystigámatengla og á
ýmsan hátt sérhönnuð til frysti-
gámaflutninga og er hægt að fylgjast
með hitastigi og ástandi frystigáma
úr brú skipanna. Skipin rista 8,95
metra fulllestuð, sem er nokkuð
meira en djúprista núverandi skipa
félagsins. Þrátt fyrir það komast þau
auðveldlega að bryggju í Reykjavík
og á öðrum þeim höfnum sem siglt
verður til hér á landi og erlendis. Að-
alvél skipanna er MAN B&W með
um 21.000 hestöfl sem skilar skipun-
um áfram með 20 sjómílna hraða á
klukkustund. Til samanburðar eru
hraðskreiðustu skip félagsins nú
með um 17 sjómflna ganghraða. Gert
er ráð fyrir 14 manna áhöfn á hvoru
skipi en auk þess aðstöðu fyrir a.m.k.
sex farþega.
|. I 1 J
L\m ILLMANN
Aður en J>ú sofnar
Margföld
metsölubók
eftir
Linn UUmann
„Áhugaverð og
skemmtileg
Sigriður Albertsdóttir DV
Mál og menningl
malogmenning.isl
Laugavogi 18 • Síml 515 2500 • Slöumúla 7 • Síml 510 2500
Davíð Oddsson á árþúsundamótaráðstefnu SÞ
*
Atti samtal við for-
sætisráðherra Japans
DAVÍÐ Oddsson forsætisráðherra
hitti m.a. forsætisráðherra Japans,
Yoshiro Mori, á árþúsunda-
ráðstefnu Sameinuðu þjóðanna
(SÞ) sem haldin var í New York í
síðustu viku. Þó var ekki um form-
legan fund að ræða heldur hittust
þeir í boði sem hinn síðarnefndi
hélt á hótelinu Waldorf Astoria.
Kvaðst forsætisráðherra hafa átt
vinsamlegt samtal við Yoshiro Mori
en tekur fram aðspurður að ekki
hafi verið rætt um hvalamál.
„Eg ítrekaði að við vildum eiga
góð samskipti við Japani og við
sögðumst auk þess ánægðir með þá
auknu nálægð sem væri að verða
milli þjóðanna vegna opnunar
sendiráða hjá hvorri þjóðinni," seg-
ir Davíð Oddsson í samtali við
Morgunblaðið. Hann kveðst hafa
hitt fjölmarga aðra þjóðarleiðtoga
við margvísleg tækifæri á ráðstefnu
SÞ þótt ekki hafi verið um formlega
fundi að ræða. Yfir 150 þjóðarleið-
togar tóku þátt í ráðstefnunni sem
stóð yfir dagana 6. til 8. september.
„Þessi fjölmenni hópur var fyrst
og fremst saman kominn til þess að
staðfesta það viðhorf að þrátt fyrir
annmarka SÞ sé ekkert annað vald
hentugra jarðarkringlunni um
þessar mundir en SÞ, þ.e. þegar
hver þjóð er að verða háðari ann-
arri. Það er m.ö.o.ekkert alþjóðlegt
vald sem tekur til allra þjóða með
þeim hætti sem SÞ gera.“
Þá segir ráðherra og að þátttak-
endur hafi verið ánægðir með það
að SÞ sjái annmarka sína í nýju
ljósi og að menn væru viljugir til að
gera starfsemi þeirra skilvirkari og
fljótari.
„Ég held auk þess að almennt
hafi verið ánægja með þær skýrslur
sem aðalritari Sameinuðu þjóð-
anna, Kofi Annan, lagði fram,“ seg-
ir Davíð Oddsson að síðustu.