Morgunblaðið - 13.09.2000, Blaðsíða 17

MORGUNBLAÐIÐ
MIÐVIKUDAGUR 13. SEPTEMBER 2000 17
LANDIÐ
Morgunblaðið/Margit Elva
Sigurjdn Rundlfsson og Rafn Þorsteinsson mála oliutankinn.
Olíutankur málaður á
umhverfisvænan hátt
Grímsey - Oliutankur Olíudreifing-
ar ehf. í Grímsey var hreinsaður og
málaður í vikunni sem leið. Rjóma-
blíða hefur verið í eyjunni undan-
farnar vikur og gekk vel að klára
tankinn.
Það voru þeir Sigurjón Runólfs-
son og Rafn Þorsteinsson hjá Sand-
blæstri Sigurjóns ehf. á Akranesi
sem sáu um verkið. Að sögn Sigur-
jóns, eiganda fyrirtækisins, er slík
hreinsun unhverfisvæn því að um
leið og flötur er háþrýstihreinsað-
ur fer málingin beint í sérstakan
tank í stað þess að fara út í um-
hverfið, en Olíudreifing sækist eft-
ir umhverfisvænni hreinsun á sín-
um stöðvum. „Tækið sem við
notum í slíka háþrýstihreinsun er
það eina sinnar tegundar á Islandi
sem hirðir upp eftir sig jafnóðum
eftir hreinsun," sagði Sigurjón.
Fyrirtæki Sigurjóns vinnur orðið
nánast eingöngu fyrir Olíudreif-
ingu ehf. og eftir verkið í Grímsey
halda þeir Rafn til Austfjarða þar
sem þcir ætla að taka til hendinni á
stöðvum Olíudreifingar.
Réttað í
Húnaþingi
vestra
Hvammstanga - Vestur-Húnvetn-
ingar smöluðu heiðarlönd sín nú
fyrir helgina og í framhaldi voru
réttir í Hrútafirði, Miðfirði og í
Víðidal. Gangnamenn hrepptu
kalsaveður, stífa norðanátt með
rigningu og jafnvel slyddu. Töfðust
leitir nokkuð og má búast við að
heimtur hafi ekki orðið nógu góð-
ar.
í Miðfjarðarrétt var fyrsta stóð-
rétt haustsins en þar er hrossum
smalað jafnhliða fénu og réttað
strax að morgni. Nokkur hundruð
hross komu til Miðfjarðarréttar og
var merarkóngur þar Reynir Jóns-
son á Útibleiksstöðum, með á ann-
að hundrað hausa.
Fjárréttir hófust svo um hádegi
og var mikið fjölmenni við réttar-
störf.
Hrútfirðingar rétta fé sitt í
Hrútatungurétt sem oftast er
kennd við Síká og stendur á Sík-
árbökkum. Menn töldu þar réttað
milli 5-6 þúsund fjár og var glatt
yfir réttarmönnum þegar Morgun-
blaðið heimsótti réttina. í Víðidal
var réttað á föstudag í Valdaráss-
rétt og á laugardag í Víðidalstung-
urétt, sem stendur við Litlu-As-
geirsá. Fé virðist koma fremur
vænt af fjalli og horfa bændur já-
kvætt til hauststarfa.
Sú nýlunda var að göngur og
réttarstörf hér eru myndefni er-
lendra sjónvarpsstöðva. I Víðidal
var fólk frá japanskri sjónvarps-
stöð sem myndaði allan ferilinn,
frá undirbúningi fyrir göngur til
réttardansleiks, en í Miðfirði voru
þýskir myndatökumenn í sömu er-
indum.
Göngur og réttir eru í auknum
Frá hrossaréttuin í Miðfjarðarrétt. Reynir Jónsson í hópi hrossa sinna,
en hann átti stærsta hópinn í réttinni.
muiguiiuinuiu/ ivui i oigui gcu sðuu
Réttarstörf í Hrútatungurétt, en hér sjást m.a. Eyjólfur Gunnarsson á
Bálkastöðum og Gísli Magnússon á Stað.
mæli að verða tekjulind ferðaþjón-
ustuaðila á landsbyggðinni, bæði
sem afþreying og einnig með
beinni þátttöku í þessum haust-
verkum sveitafólks.
Vatnsnessfjall verður smalað um
næstu helgi og verður þá réttað í
Hamarsrétt og Þverárrétt í Vest-
urhópi. Hrossaréttir verða síðan í
Víðidal í byrjun október.
Morgunblaðið/Gunnlaugur Ámason
Óli Jón Gunnarsson bæjarstjóri fyrir frainan hið nýja hverfi þar sem-
búið er að skipuleggja 30 lóðir. Húseigendum er boðið upp á fallegt út-
sýni yfir Breiðafjörðinn og verður gaman hjá þeim að njóta kvöldsólar-
innar á kyrrum sumarkvöldum.
Ný íbúðabyggð skipu-
lögð í Stykkishólmi
Stykkishólmi - Stykkishólmsbær
hefur látið skipuleggja nýtt hverfi
fyrir íbúðabyggð og nefnist það
Hjallatangi. Svæðið er í útjaðri
bæjarins þar sem komið er inn í
bæinn. Á Hjallatanga hafa verið
skipulagðar 30 lóðir.
Verið er að gera níu lóðir bygg-
ingahæfar. Gatnagerð og holræsi
voru boðin út og samið við lægst-
bjóðanda, Odd Magnússon í Gimnd-
arfirði. Tilboðið hljóðaði upp á um 5
milijónir króna og er það 58 % af
kostnaðaráætlun. Búið er að úthluta
tveimur lóðum í nýja hverfinu og
standa vonir til að byggingafram-
kvæmdir geti hafist í næsta mánuði.
Að sögn Óla Jóns Gunnarssonar-
bæjarstjóra eru lausar lóðir á öðrum
stöðum í bæjarlandinu en þær hafa
ekki þótt spennandi þar sem djúpt
hefur verið niður á fast. Beðið var
efth- að þetta svæði yrði tekið til
skipulags. Hann segir enn fremur að
húsnæðisskortur sé verulegur og
vonar að fleiri hugsi sér til hreyfings
þegar að þessar nýju lóðir bjóðast.
Þær séu vel staðsettar með góðu út-
sýni yfir Breiðafjörð og verði von-
andi eftirsóttar af húsbyggjendum.
GAFFALVOG
• 1000 kg eða 2000 kg
• Fyrir bretti og kör
• Vönduð og vatnsþétt
• Vog á fínu verði
Hafðu samband
9
- vagir cru okkarfag ■■
Síðumúla 13, sími 588 2122
www.eltak.is
Tryggingastofnun
ríkisins
Styrkir til bifreiðakaupa
Tryggingastofnun ríkisins veitir viðtöku umsóknum um
styrki sem veittir eru hreyfihömluðum til bifreiðakaupa og
framfærendum barna sem fá umönnunargreiðslur.
Helstu skilyrði úthlutunar:
• Nauösyn bifreiöar vegna hreyfihömlunar sé ótvíræö.
• Umsækjandi má elstur veröa 70 ára á umsóknarári.
• Umsækjandi hafi ökuréttindi. Þó er heimilt aö víkja frá því
skilyrði tilnefni umsækjandi ökumann.
• Kaup á bifreið eigi sér staö á umsóknarári eöa fyrir 1. júlí 2001.
• Árstekjur séu undir kr. 2.089.260 (hjón kr. 4.178.520).
• Eignir í peningum og verðbréfum séu undir kr. 4.000.000
(hjón kr. 8.000.000).
Fjögur ár þurfa að líða á milli styrkveitinga og undirritar styrkhafi
kvöð um eignarhald bifreiðar á þeim tíma.
Umsóknareyðublöð vegna úthlutunar árið 2001 eru afhent í þjón-
ustumiðstöð Tryggingastofnunar rikisins og hjá umboðsmönnum
hennar um land allt. Einnig er hægt að fá eyðublöð send.
Læknisvottorð á þar til gerðu eyðublaði skal fylgja umsókn.
Umsóknarfrestur er til 1. október 2000.
Frekari upplýsingar eru veittar í síma 560 4460 og
á heimasíðu Tryggingastofnunar www.tr.is.
AFGREIÐSLUNEFND BIFREIÐAKAUPASTYRKJA
AUGLÝSINGAOEILD
Sími: 569 1111, Bréfsimi: 569 1110
Netfang: augl@mbl.is
vBi>mbl.is
-j\LLTAf= errrHVAÐ a/ýtht
Fjorum smnum
Bókaðu í síma 570 3030 og 4813300
V6fð fíá 8.53^ kr. með flii^vallarsköttuin
FLUGFÉLAG ÍSLANDS
Fax 570 3001 • websales@airiceland.is •www.flugfelag.is