Morgunblaðið - 13.10.2000, Blaðsíða 4

4 FÖSTUDAGUR 13. OKTÓBER 2000
MORGUNBLAÐIÐ
FRÉTTIR
Útilistahátíð Reykjavíkur menningarborgar
Ljósin í norðri lýsa
upp nóvember
Morgunblaðið/Árni Sæberg
F.v. Hanna Styrmisdóttir, verkefnisstjóri Ljósa í norðri, Þórunn Sigurð-
ardóttir, Riitta Heinamaa og Guðjón Magnússon.
Morgunblaðið/Árni Sæberg
Ingimundur Sigurpálsson býður nýjan bæjarstjóra Garðabæjar, Ásdísi
Höllu Bragadóttur, velkominn til starfa. Til hliðar er Laufey Jóhanns-
dóttir, forseti bæjarstjórnar.
Ásdís Halla Bragadóttir tók við
starfí bæjarstjóra í Garðabæ í gær
„Spennandiverk-
efni framundan“
ÓVENJULEG útilistahátíð verður
haldin í Reykjavík fyrstu helgina í
nóvember. Hátíðin ber heitið „Ljós-
in í norðri“ og er samstarfsverkefni
norrænu menningarborganna
þriggja Reykjavíkur, Bergen og
Helsinki. Hátíðin er tileinkuð ljósinu
og því hvernig hægt er að „virkja
myrkur og kulda vetrarmánaðanna
á norðurslóðum á jákvæðan hátt til
listsköpunar og skemmtunar," eins
og segir í fréttatilkynningu frá
Reykjavík menningarborg 2000.
Verkefnið var formlega kynnt á
blaðamannafundi í Norræna húsinu
í gær en undirbúningur að því hefur
staðið yfii- í tæp tvö ár. Þórunn Sig-
urðardóttir, stjórnandi Reykjavíkur
menningarborgar, opnaði fundinn
og sagði frá tilurð og upphafi verk-
efnisins. Þórunn sagði að á fundi
stjómenda menningarborganna
norrænu hefði hugmyndin komið
upp að „velja sérstaklega verkefni
þar sem lega, náttúra, saga og
menning þessara þriggja borga gæti
á einhvern hátt sameinast." Þórunn
sagði einnig að þó verkefnið væri til-
raunarverkefni þá byggði það á
tæknilegri kunnáttu og þekkingu
þar sem Finnai’ hafa um árabil hald-
ið samskonar hátíð í Helsinki og því
hafi verið gott að geta leitað í smiðju
þeirra eftir upplýsingum um fram-
kvæmdarmöguleika.
Verkefnið nýtur stuðnings Nor-
ræna menningarsjóðsins en þar að
auki standa Norræna húsið, Orku-
veita Reykjavíkur, Listaháskóli Is-
lands og Leikfélag Reykjavíkur að
því með menningarborgunum. „Með
þessu sameinast list og vísindi á ein-
stakan máta og stofnanimar sem
taka þátt vinna einnig með sköpun
en hafa auk þess mikla tæknilega yf-
irburði og þekkingu,“ sagði Þórunn.
Hún sagði hátíðina vera umfangs-
mestu vetrarhátíð sem haldin hefur
verið hér á landi og að kostnaður við
hana yrði um 13-14 milljónir þegar
allt væri talið.
Hanna Styrmisdóttir, verkefnis-
stjóri Ljósa í norðri tók því næst til
máls og kynnti viðamikla dagskrána
en hún hefur haldið utan um verk-
efnið frá byrjun og er því öllum
hnútum kunnug. Hanna minntist
sérstaklega á þátttöku þeirra fjöl-
mörgu íslensku listamanna sem
taka þátt í viðburðum hátíðarinnar
auk þess að nefna listamenn frá hin-
um menningarborgunum sem ljá
verkefninu krafta sína og kunnáttu.
Riitta Heinamaa, forstjóri Norræna
hússins, miðlaði gestum af reynslu
samlanda sinna Finna en vetrarhá-
tíð Helsinkiborgar hefur orðið
stærri og glæsilegri með hverju ár-
inu sem líður og þátttaka borgarbúa
mikil. Riitta sagði að gestir frá hin-
um Norðurlöndunum ættu eftir að
sækja íslensku hátíðina heim til að
upplifa hvernig einstök náttúra og
menning Reykjavíkur samtvinnast í
hátíðarhöldunum. Hún sagði hátíðir
af þessu tagi vera borgarhátíðir þar
sem öllum íbúum er boðin ókeypis
og opin þátttaka í kjötkveðjuhátíð-
arstemningu borgarinnar þar sem
ljósið væri miðpunkturinn í myrkri
dimmustu mánaða ársins.
„I skammdeginu horfum við á
ljósið og veltum því fyrir okkur sem
og andstæðu Ijóssins - myrkrinu,“
sagði Guðjón Magnússon hjá Orku-
veitu Reykjavíkur. „Því er skamm-
degið skemmtilegur tími til að leika
sér að hvoru tveggja, þessum óað-
skiljanlegu andstæðum. Orkuveitan
horfir til þess að það geti orðið fast-
ur liður í starfseminni að styðja við
slíkt framtak eins og nú er að fara af
stað með ljósaganginum."
í lok fundarins tók Þórunn aftur
til máls og sagði ánægjulegt að
verkefni sem þetta, sem væri unnið
af nýsköpunarkrafti og tilrauna-
starfsemi, væri sett í gang á ári
menningarborgarinnar. Þegar Þór-
unn var svo spurð hvort hátíðin yrði
gerð að árlegum viðburði í menning-
arlífi Reykjavíkurbúa sagði hún að
tíminn og árangur hátíðarinnar í ár
myndi leiða það í ljós en fullur vilji
væri til frekara framhalds.
ÁSDÍS Halla Bragadóttir tók við
starfi bæjarstjóra í Garðabæ í býtið í
gærmorgun af Ingimundi Sigurpáls-
syni sem gegnt hefur starfinu í
þrettán ár. Ásdís Halla er 32 ára
stjórnmálafræðingur með meistara-
gráðu í opinberri stjórnsýslu frá
Harvard-háskóla.
„Þetta hefur verið skemmtilegur
og viðburðaríkur dagur,“ sagði nýi
bæjarstjórinn við Morgunblaðið síð-
degis í gær. „Ég hef eytt deginum í
að setja mig inn í málin hér á bæjar-
stjórnarskrifstofunum, hef rætt við
starfsfólkið og orðið margs vísari,“
sagði hún.
Asdís Halla hefur m.a. starfað sem
blaðamaður á Morgunblaðinu, fram-
kvæmdastjóri þingflokks Sjálfstæð-
isflokksins og aðstoðarmaður
menntamálaráðhen-a en nú síðast
starfaði hún sem framkvæmdastjóri
þróunar- og nýsköpunarsviðs Há-
skólans í Reykjavík.
Hún segist ekki hafa haft mikinn
tíma undanfarna daga og vikur til að
búa sig undir nýja starfið. „Ég lagði
heldur áherslu á að ljúka öðrum
verkefnum mínum svo ég gæti hafið
störf af fullum krafti. Það hefur mér
tekist en það stóð tæpt. Ég var við
kennslu í Háskólanum í Reykjavík
fram að miðnætti í gærkvöldi [mið-
vikudagskvöld] og var svo mætt a
bæjarstjómarskrifstofumar í býtið
daginn eftir,“ segir Ásdís Halla og
hlær.
Bæjarstjórinn segir greinilegt að
Garðabær hafi á að skipa reynslu-
miklu og góðu starfsfólki. „Það er
greinilegt að hér tek ég við góðu búi.
Ingimundur Sigurpálsson hefur ver-
ið mjög farsæll sem bæjarstjóri og
Garðabær stendur með miklum
blóma enda hefur þetta lengi verið
vel rekið bæjarfélag. Ég vona að á
næstu mánuðum og ámm haldi
Garðabær áfram að vaxa og dafna.
Það era mörg skemmtileg verkefni
fram undan.“
Fjölbreytt
dagskrá úti-
listahátíðar
ÚTILISTAHÁTÍÐ Reykjavíkur -
menningarborgar Evrópu árið 2000
dagana 3.-6. nóvember verður með
fjölbreyttu móti. Miðstöð hátíðar-
innar verður Norræna húsið og
miðbær borgarinnar en hún á einn-
ig eftir að teygja anga sína víðar.
Til dæmis munu íbúar Grafarvogs
og útivistarunnendur í Elliðaárdai
verða varir við hana og taka þátt í
dagskránni. Boðið verður upp á
óvenjulega og skemmtilega dag-
skrá þar sem allir aldurshópar ættu
að finna eitthvað við sitt hæfí; inni-
og útiverk, gjöminga, kórsöng og
viðburði sem tengjast ljósi eða
myrkri á einhvern hátt. Það er fjöl-
mennur hópur íslenskra og er-
lendra listamanna og hönnuða sem
tekur þátt í háti'ð Ijóssins, Ljósunum
í norðri.
Föstudaginn 3. nóvember verður
boðið upp á „geimferð" um stjömu-
himininn í Norræna húsinu þar sem
meðlimir í Stjömuskoðunarfélagi
Seltjarnamess leiða unga og upp-
rennandi geimfara um undur himin-
hvolfsins. í Elliðaárdai mun mynd-
listamaðurinn Anna Jóa fremja
Ijósgjörning. Anna Jóa stendur
einnig fyrir gróðurhúsaþyrpingu
sem reist verður á Lækjartorgi.
Fjölmenningarlegur barnakór,
Heimsljósin, syngur lög í Hljómská-
Iagarðinum föstudags- og laugar-
dagskvöld en kórinn skipa börn af
öllum þeim þjóðum sem ísland
byggja. Finnski listamaðurinn Jyrki
m % g 1
n „ A h
Myndin er frá ljósahátíðinni í Helsinki.
Parantainen sýnir ljósmyndir sínar
sem em um leið heimild um brennu
fíkn listamannsins en hann hefur
um árabil notað umbreytingarmátt
eldsins í verkum sínum. Sýningar
Jyrki standa yfir í Norræna húsinu
frá 29. október til 17. desember og í
Galleru i8 frá 26. október til 26.
nóvember.
Haraldur Jónsson sýnir verk sitt
„Vatn“ sem sett verður upp í kring-
um tjörnina hjá Norræna húsinu.
Verkið fjallar um vatn frá öllum
sjónarhomum.
Á ýmsum veitingastöðum í borg-
inni verða myndir Sonnýjar Þor-
bjömsdóttur úr myrkrinu sýndar á
sjónvarpsskjám.
Kaisa Salmi lýsir upp Hall-
grímskirkju og Susan Elo, Tuula
Pöyhönen og Tuija Járvenpáa sýna
verk sitt „Light Hostel". Nemendur
af fjöltæknibraut Listaháskóla Is-
Iands bjóða gestum upp á sól og sól-
brúnku í skammdeginu. Aðalsteinn
Stefánsson sýnir verkið „Eldur og
vatn“. Kaffi Thomsen verður svo
vettvangur samstarfs listamanna
þar sem Trans Light-hópurinn frá
Reykjavík og fleiri listamenn koma
fram.
Á sunnudeginum sýnir danski
sirkushópurinn Limelight of Fire
vetrarævintýri þar sem gamanfim-
leikar, logandi sverð og magadans
verða í brennidepli. Sama kvöld
verður framhlið Háskóla Islands
breytt í skuggaleikhús þar sem Örn
Alexandersson og dansarar úr ís-
lcnska dansfiokknum bregða á leik.
Dagskránni lýkur mánudaginn 6.
nóvember.
A bata-
vegi eftir
bflslys í
Yíðidal
KARLMAÐUR og kona sem
slösuðust alvarlega í umferðar-
slysi í Víðidal í Húnavatnssýslu
era á batavegi samkvæmt upp-
lýsingum frá lækni á Landspít-
ala - háskólasjúkrahúsi. Þau
liggja bæði á gjörgæsludeild
spítalans. Slysið varð aðfaran-
ótt sunnudags skammt frá fé-
lagsheimilinu í Víðihlíð. Fólkið
mun hafa verið að koma af rétt-
ardansleik þegar bfllinn ók á
það. Þyrla Landhelgisgæslunn-
ar flutti fólkið á slysadeild.
Sjö ölvaðir
ökumenn
stöðvaðir
LÖGREGLAN í Reykjavík
stöðvaði sjö ölvaða ökumenn
við akstur í fyrrinótt en það
telst óvenju mikið í miðri viku
að sögn varðstjóra lögreglunn-
ar. Ökumennirnir vora stöðvað-
ir milli klukkan hálf tólf og hálf
þrjú í nótt. Flestir voru teknir í
og í kringum miðbæinn. Lög-
reglan var ekki með sérstakt
átak í að fylgjast með ölvunar-
akstri og því virðist sem óvenju
margir hafi ákveðið að aka und-
ir áhrifum þetta kvöld.