Morgunblaðið - 13.10.2000, Blaðsíða 33
MORGUNBLAÐIÐ
FÖSTUDAGUR13. OKTÓBER 2000 33
LISTIR
Byggðir vestan
og norðan
fslensku barnabókaverðlaunin 2000
Yináttan er galdurinn
Morgunblaðið/Golli
Ragnheiður Gestsdóttir veitir viðurkenningu sinni viðtöku úr hendi Ól-
afs Ragnarssonar frá stjórn Verðlaunasjóðs íslenskra barnabóka.
BÆKUR
L a n d 1 ý s i n g
UM FIRÐI OG FJÖRÐUR
Árbók Ferðafélags íslands 2000, í
strandbyggðum norðan lands og
vestan, eftir Bjarna Guðmundsson,
Hauk Jóhannesson og Valgarð Eg-
ilsson. Ferðafélag íslands, 2000,
337 bls.
í ÞESSARI Árbók eru þrjár rit-
gerðir um þrjú byggðasvæði vest-
an lands og norðan.
Bjarni Guðmundsson nefnir rit-
gerð sína I kringum Kaldbak á
milli Arnarfjarðar og Dýrafjarðar.
Það er svæðið frá Hrafnseyri í
Arnarfirði og að Þingeyri í Dýra-
firði. Farið er með ströndum fram,
inn í dali og um fjöll og heiðar.
Færum og gömlum leiðum er lýst,
gerð grein fyrir staðháttum, gripið
er til sögunnar þar sem við á og
smávegis sagt frá fólki. Fremur er
fljótt farið yfir sögu, enda tæpast
þörf á öðru, eins og höfundur tekur
fram, þar sem síðasta Árbók
(Kjartan Ólafsson) fjallaði ítarlega
um þetta svæði. Myndir eru marg-
ar og mjög góðar og vandað kort
fylgir. Tel ég þessa ritgerð hina
ágætustu og af þeirri stærð, sem
göngumanni hentar (37 bls.).
Önnur ritgerðin er einnig um
vestfirskt land. Það er ritsmíð
Hauks Jóhannessonar um Árnes-
hrepp á Ströndum, er nefnist Lesið
í landið í Árneshreppi á Ströndum.
Haukur byrjar ferð sína syðst í
hreppnum, í Kolbeinsvík, og lýkur
henni nyrst, við Geirhólma eða
Geirólfsnúp. Þessi ritgerð er af-
skaplega nákvæm og ítarleg leiðar-
lýsing og barmafull af örnefnum og
gengur þar enginn bónleiður til
búðar. Fjögur kort eru til leiðsagn-
ar og eru örnefni skráð þar sam-
viskusamlega. Leiðum er einkar
vel lýst, varað við hættum og tor-
færum, sem raunar eru allmargar
á þessum slóðum. En ævintýraland
er þetta og ægifagurt víða. Höf-
undur leggur megináherslu á land-
og leiðarlýsingu. Fátt er af fólki
sagt, en innfelldir textar eru þó alL
margir með margsháttar fróðleik.
Ritgerð þessi eru um 75 bls. að
lengd. Stíll hennar er þægilegur,
skýr, blátt áfram og útúrdúralaus.
Myndir eru fjölmargar og með
miklum ágætum. Ég varð hrifinn
af þessari grein og býst ég við að
göngufúsir garpar fái fiðring í fæt-
urna við að lesa hana.
Þá kemur langlengsta ritgerðin,
sem Valgarður Egilsson skrfar.
Hún nefnist Úthafsbyggðir Mið-
Norðurlands og nær yfir svæðið
frá Látraströnd, um Fjörður, Flat-
eyjardal og -heiði, Flatey og Nátt-
faravíkur. Vestan fjarðar er fjallað
um Hvanneyrarhrepp gamla, frá
Hvanndölum í Úlfsdali. Loks er
kafli um Grímsey. Alls eru þetta
um 165 bls. með viðeigandi kortum
og myndum og hefði því fyrir ekki
svo löngu talist fullgild Árbók ein
sér.
Píanónám-
skeið í
Hafnarfírði
TÉKKNESKI píanóleikarinn
Jaromir Klepác er staddur hér
á landi um þessar mundir. Auk
þess að halda hér tónleika verð-
ur Jaromir með námskeið -
Master Class - í píanóleik fyrir
lengra komna nemendur.
Námskeiðið verður haldið
laugardaginn 14. október frá kl.
14-18 í Tónlistarskóla Hafnar-
fjarðar - Hásölum. Öllum er
heimill aðgangur að þessu nám-
skeiði.
Þessi ritgerð er á margan hátt
ólík hinum fyrri. Þar er fyrst til að
taka að hún er mun víðtækari, læt-
ur sér ekki nægja landlýsingu og
leiðsögn, heldur eru kaflar um
jarðfræði og gróðurfar. Hefur höf-
undur þar fengið sérfróða menn
sér til aðstoðar. Þá er hér mikið
vikið að búskaparsögu. Síðast en
ekki síst er hér feiknamikið sagt
frá fólki, sem hér hefur búið, for-
feðrum þeirra, niðjum, skyldleika-
tengslum og tengdum. Er allt
þetta mikil náma fróðleiks og ber
vitni mikilli staðþekkingu, eins og
raunar er í hinum ritgerðunum, og
ættfræðiþekkingu gríðarmikilli.
Raunar er ritgerðin enn efnismeiri
en blaðsíðutal segir til um, þvi að
talsvert er um smáletur.
Eins og í fyrri greinum eru hér
margar gullfallegar myndir og
prýðisgóð kort.
Talsvert annar stíll er á þessari
ritgerð en hinum, persónulegri og
eins og dálítið höggvinn á stund-
um. Ættartrén, sem hér eru birt,
eru erfið aflestrar.
Heimildaskrár fylgja öllum rit-
gerðunum, svo og sameiginleg
nafnaskrá. Aftast í bók er frásögn
af félagsmálum Ferðafélagsins, svo
sem venjan er. Myndir hafa verið
teknar af allmörgum og eru þær
merktar myndasmiðum eins og
vera beiy Staðfræðikort gerði Guð-
mundur Ó. Ingvarsson.
Lofsorði skal lokið á þessa Ár-
bók Ferðafélags íslands. Hún er
afar efnismikið, vandað og fallegt
rit, sem vel er gengið frá í alla
staði. Hlýtur hún að verða mörgum
aufúsugestur.
Sigurjón Björnsson
RAGNHEIÐUR Gestsdóttir, rithöf-
undur og myndlistarmaður, hlaut í
gær íslensku barnabókaverðlaunin
fyrir bók sína Leikur á borði. Þetta
er í 16. skipti sem verðlaunin eru
veitt og fór afhending fram í Þjóðar-
bókhlöðunni. Að þessu sinni barst á
fimmta tug handrita í samkeppnina.
Leikur á borði fjallar um Sóleyju
sem er klár og sjálfstæð stelpá. „í
skólanum gengur henni mjög vel að
læra en bekkjarsystkini hennar
leggjast öll á eitt um að gera henni
lífið leitt,“ stendur aftan á bókarkáp-
unni. „Þegar ný stelpa kemur í bekk-
inn fara óvæntir hlutir að gerast sem
eiga eftir að gjörbreyta lífi Sóleyj-
ar.“ Bókin kom út hjá Vöku-Helga-
felli í gær og veitti höfundurinn
formlega viðtöku fyrsta eintakinu úr
hendi Ólafs Ragnarssonar, for-
manns stjórnar Verðlaunasjóðs ís-
lenskra barnabóka. Hann afhenti
Ragnheiði einnig 300.000 króna
verðlaunafé og skrautritað viður-
kenningarskjal.
Einelti tekið til umfjöllunar
Þeir sem áður hafa hlotið íslensku
barnabókaverðlaunin hafa flestir
fengið þau iyrir sína fyrstu bók en
nú bregður öðruvísi við. Ragnheiður
hefur samið og endursagt ellefu
bækur fyrir börn og myndskreytt
nálega tvo tugi bóka. Þær eru á sviði
skáldskapar, þjóðsagna og námsefn-
is. „Þetta er í fyrsta skipti sem ég
skrifa langa textabók og fyrir eldri
krakka," segir hún og útskýrir að
bókin sé fyrir 9-10 ára krakka og
eldri. „í bókinni er tekið til umfjöll-
unar ákveðið vandamál því aðalpers-
ónan gengur í gegnum einelti. Það er
hlutur sem stendur mér mjög nærri
því ég upplifði það sjálf sem barn og
ekki síst þess vegna hefur þessi bók
alltaf blundað í mér.“
Ragnheiður hóf að skrifa bókina
fyrir nokkuð löngu. „Hún komst á
pappír fyrir um tíu árum og átti
lengst af heldur dauflega vist niðri í
skúffu. Ég tók mig svo til síðastlið-
inn vetur og endurskrifaði hana.“
Aldrei meiri þörf á góðum
barnabókmenntum
Þegar Ragnheiður veitti verðlaun-
unum viðtöku hafði hún á orði að eini
galdurinn í bókinni væri vináttan.
„Þetta var smá Harry Potter-grín,
skot á það að nú er allt leyst með
göldi'um," útskýrir hún hlæjandi.
„Fantasíubækur eru mjög í tísku og
eru allra góðra gjalda verðar. Mín
saga er hins vegar raunsæissaga og
það gerist ekkert í henni sem ekki
getur gerst í raunveruleikanum."
íslensku barnabókaverðlaunin
eru önnur verðlaunin sem Ragnheið-
ur hlýtur á þessu ári. Hún hlaut
einnig verðlaun frá Fræðsluráði
Reykjavíkur fyrir sérstakt framlag
sitt til barnamenningar. „Það er
ákaflega mikilvægt að geta boðið
upp á góðar bókmenntir fyrir börn
og þau hafa kannski aldrei þurft
meira á því að halda en einmitt núna.
I öllum þeim hraða og áreiti sem þau
verða fyrir getur róleg stund með
góða bók gert miklu meira en flest
annað.“
Ragnheiður bendir að lokum á að
foreldrar geti líka haft gaman af
góðum barnabókum.
Innköllun hlutabréfa í Húsasmiðjunni hf.
Stjórn Húsasmiðjunnar hf. kt. 520171-0299, Súðarvogi 3-5, 104 Reykjavík, gerir kunnugt að með heimild í 2. mgr. 27. gr. laga um
hlutafélög, nr. 2/1995, hefur það tekið ákvörðun um að hlutabréf í félaginu verði tekin til rafrænnar skráningar í kerfi Verðbréfaskráningar
íslands hf. Rafræn skráning tekur gildi þann 4. desember 2000 kl. 9.00 árdegis. Frá þeim tíma ógildast áþreifanleg hlutabréf í félaginu
í samræmi við heimild í ákvæði til bráðabirgða nr. II í lögum nr. 131/1997, um rafræna eignarskráningu verðbréfa, sbr. 6. gr. laga
nr. 32/2000, um breytingar á ýmsum lögum vegna tilkomu rafrænnar eignarskráningar á verðbréfum og reglugerð nr. 397/2000, um
rafræna eignarskráningu verðbréfa í verðbréfamiðstöð.
Nánar tilgreint verða öll eftirfarandi hlutabréf Húsasmiðjunnar hf. tekin til rafrænnar skráningar. Bréfin eru öll í einum flokki,
auðkennd nr. 1-15 og gefin út á nafn hluthafa. Útgáfudags er ekki getið á bréfunum.
Hér með er skorað á alla eigendur ofangreindra hlutabréfa, sem telja nokkum vafa leika á því að eignarhald þeirra sé réttilega fært í
hlutaskrá Húsasmiðjunnar hf., að staðreyna skráninguna með fyrirspum til hluthafaskrár Húsasmiðjunnar hf. að Súðarvogi 3-5, 104
Reykjavík. Komi í ljós við slíka könnun að eigendaskipti hafi ekki verið skráð ber eigendum að færa sönnur á þau gagnvart félaginu
innan innköllunar frestanna.
Ennfremur er skorað á alla þá sem eiga takmörkuð réttindi í ofangreindum hlutabréfum, s.s. veðréttindi, að koma þeim á framfæri
við fullgilda reikningsstofnun, sbr. 10. gr. laga nr. 131/1997, um rafræna eignarskráningu verðbréfa, innan inköllunar frests. Gæta
skal þess að viðkomandi reikningsstofnun sem haft er samband við af þessu tilefni hafi gert aðildarsamning við Verðbréfaskráningu
íslands hf.
Stjóm Húsasmiðjunnar hf. hefur ákveðið að eftir að innköllunarfrestur er liðinn og rafræn skráning á ofangreindum hlutabréfum hefur
átt sér stað í kerfi Verðbréfaskráningar íslands hf. skuh arðgreiðslur til hluthafa einungis fara fram í gegnum kerfi Verðbréfaskráningar
íslands hf, sbr. heimild í 4. tölul. 54. gr. reglugerðar nr. 397/2000.
Við rafræna útgáfu ofangreindra hlutabréfa er nafnverð hlutafjár Húsasmiðjunnar hf. kr. 280.702.640 og skiptist í jafn marga hluti
að fjárhæð 1 króna eða margfeldi þar af.
Að lokinni rafrænni skráningu geta hluthafar falið reikningsstofnun sem gert hefur aðildarsamning við Verðbréfaskráningu íslands
hf. umsjón með eignarhlut sínum í félaginu. Hluthafar munu fá sendar tilkynningar og reikningsyfirlit í samræmi við ákvæði reglugerðar
nr. 397/2000.
...allt frá gruimi að góðu heimili
HUSASMIÐJAN
Sími 525-3000 • www.husa.is