Morgunblaðið - 15.12.2000, Blaðsíða 15

MORGUNBLAÐIÐ
FÖSTUDAGUR 15. DESEMBER 2000 1 5
HÖFUÐBORGARSVÆÐIÐ
Uppbygging skíðasvæðanna í Bláfjöllum, Skálafelli og Hengli
Framlag Reykjavíkurborgar
hækkar um 32 milljónir kr.
Skíðasvæði
FRAMLAG Reykjavíkur-
borgar til skíðasvæðanna í
Bláfjöllum, Skálafelli og
Hengli hækkar um 32 millj-
ónir króna á næsta ári, en
framlag Reykjavíkurborgar
til skíðasvæðanna er það
stærsta af framlögum þeiiTa
sveitarfélaga sem að rekstri
þeirra standa, eða um 60%
af heildarrekstrarfé Blá-
fjalla, en Reykjavíkurborg
ber hins allan kostnað af
rekstri skíðasvæðanna í
Skálafelli og Hengli. Á
næsta ári mun Reykjavík-
urborg leggja fram um 35
milljónir króna til fram-
kvæmda á svæðunum og um
51 milljón til reksturs
þeirra, en á þessu ári lagði
Reykjavíkurborg fram um
18 milljónir í framkvæmdir
og um 36 milljónir í rekst-
urinn. Áætlanir gera ráð fyr-
ir því að framlög hinna sveit-
arfélaganna sem að rekstri
skíðasvæðanna standa hækki
í svipuðu hlutfalli og framlag
Reykj avíkurborgar.
Stefnt að því að tvöfalda
aðsókn á næstu 8 árum
Á næsta ári verður byrjað
að vinna eftir nýlegri
skýrslu Bláfjallanefndar þar
sem fram kemur stefnumót-
un til næstu átta ára, en
samkvæmt henni er meðal
annars gert ráð fyrir því að
byggja upp mannvirki og
auka þjónustu á skíðasvæð-
unum og gera hana fjöl-
breyttari. Einnig verða ör-
yggismál og samgöngur
bætt til muna og er það
markmið nefndarinnar að
aðsókn að svæðunum verði
tvöfalt meiri árið 2008 miðað
við meðaltöl áranna 1994 til
1999.
Logi Sigurfinnsson hefur
verið ráðinn framkvæmda-
stjóri skíðasvæðanna og mun
sjá um rekstur þeirra ásamt
þriggja manna rekstrar-
stjóm. Formaður hennar er
Ingvar Sverrisson og segir
hann að það sem áhersla
verði lögð á nú í vetur, mið-
að við þetta aukna fjármagn,
sé að bæta þjónustu við fjöl-
skyldu- og barnafólk. Þannig
verði bamasvæði byggð upp
og segir hann að seinna
verði svo ráðist í frekari
framkvæmdir, svo sem
byggingu nýrra lyftna.
Foreldrar barna í Laugarneshverfi ganga á
fund borgarstjóra með undirskriftalista
Um 85% á móti breyt-
ingum á skólamálum
Laugarneshverfi
FORELDRAR barna í
Laugarneshverfi gengu sl.
þriðjudag, 12. desember á
fund Ingibjargar Sólrúnar
Gísladóttur borgarstjóra og
afhentu henni undirskrifta-
lista með 278 nöfnum þeirra
sem vilja andmæla áformum
um flutning 7. bekkjar
Laugarnesskóla yfir í
Laugalækjarskóla. Með list-
unum fylgdi bréf, þar sem
m.a. segir:
„Skólamálayfírvöld í
Reykjavík virðast hafa með
einhverjum hætti komist að
þeirri niðurstöðu að 7. bekk
Laugarnesskóla væri betur
fyrirkomið með unglingum í
Laugalækjaskóla. Hafa for-
eldrar í Laugarneshverfí
haft áhyggjur af þessum
áformum og reynt að fá
þeim breytt.
Lítið hefur verið tekið
mið af yfirlýstum áhyggjum
foreldra af hálfu skólamála-
yfirvalda og Reykjavíkur-
borgar. í ljósi þess var það
niðurstaða foreldra í hverf-
inu að leita almennt eftir af-
stöðu foreldra barna í 1.-5.
bekk Laugarnesskóla skóla-
árið 2000-2001, sem áform-
uð breyting nær til, og þeim
boðið að skrifa nafn sitt á
lista til að mótmæla þessum
fyrirhuguðu áformum um
flutning 7. bekkjar.
Fylgja undirskriftir þess-
ara foreldra/forráðamanna
hér með.
Jórunn Frímannsdóttir
var undrandi og svekkt á
viðbrögðum borg-
arstjóra, þegar undir-
skriftalistar voru afhent-
ir á þriðjudag.
Niðurstaðan er sú að 84,8
% foreldra barna í 1.-5.
bekk Laugarnesskóla skóla-
árið 2000-2001, sem tóku af-
stöðu, eru á móti flutningi 7.
bekkjar Laugarnesskóla yfir
í Laugalækjarskóla.
• Börn í 1.-5. bekk Laug-
arnesskóla eru samtals 361.
• Foreldrar 278 þessa
361 barns skrifa nafn sitt
undir listann, eða 77,0%.
• Foreldrar 50 þessa 361
barns neituðu að skrifa und-
ir, eða 13,9%.
• Ekki náðist í foreldra
33 þessa 361 barns, eða
9,1%.
Viljum við því hér með
skora á pólitíska fulltrúa
Reykjavíkurborgar að falla
frá þeim áformum að flytja
7. bekk Laugarnesskóla yfír
í Laugalækjarskóla og haga
viðbyggingu við Laugarnes-
skóla þannig að 7. bekkur
rúmist þar til framtíðar."
Gerði Iítið úr undir-
skriftalistunum
„Ég get ekki sagt að við
höfum fengið góðar viðtök-
ur,“ sagði Jórunn Frímanns-
dóttir, en hún var ein þeirra
sem gengu á fund borgar-
stjóra með listana. „Þegar
fundum okkar bar loks sam-
an tjáði Ingibjörg okkur að
þetta væri löngu ákveðið
mál; það væri búið að kaupa
þarna byggingu upp á 100
milljónir króna, húsnæði
Fósturskólans, og þetta
væri leiðin til að nýta hana.
Ekki væri fyrirhugað að
byggja við Laugarnesskóla
og lagði hún áherslu á það.
Hvað undirskriftalistana
varðaði gerði hún lítið úr
þeim, fannst mjög eðlilegt
að svo margir væru á móti,
því að fólk skrifí einfaldlega
undir svona af því að það
viti hvað það hefur en ekki
hvað það fái. Niðurstaða
hennar var því sú, að þessi
84,9% foreldra í Laugarnes-
hverfi væru á algjörum villi-
götum í þessu máli,“ sagði
Jórunn að lokum og kvaðst
vera undrandi og svekkt yfír
þessum viðtökum.
Morgunblaðið/Þorkell
Reykjavík
Akraborgarbrúin
tekin upp
BRÚIN fyrir landgang Akra-
borgarinnar var tekin upp á
miðvikudaginn og markaði
það endalok feijusiglinga
milli Reykjavikur og Akra-
ness, en Akraborgin hætti
siglingum þar á milli fyrir
fáum árum.
Samkvæmt upplýsingum
frá hafnarstjórn Reykjavík-
urhafnar verður brúnni nú
komið fyrir á geymslusvæði
við austurbakkann, en brúin
er engin smásmíði; 50 tonn.
Hafrannsóknastofnun hef-
ur fengið athafnasvæði
Akraborgarinnar, en til að
koma fyrir nýja skipi stofn-
unarinnar þurfti að dýpka
meðfram austurbakkanum
og í höfninni.
Það var við hæfí að vígja
glænýjan skotbómukrana
G.P. krana til verksins í
Reykjavíkurhöfn í fyrradag,
en fyrirtækið festi nýlega
kaup á honum fyrir um 115
milljónir króna. Kraninn,
sem er af Liebherr gerð og72
tonn, er búinn allri nýjustu
tækni til aksturs. Hann getur
lyft allt að 300 tonnum og er
því langstærsti krani sinnar
tegundar hérlendis, að sögn
Péturs Jóhannssonar fram-
kvæmdastjóra GP krana.
Hátt
hlutfall
sóts í
svifryki
Reykjavík
RYKMENGUN var tvö-
falt yfir viðmiðunarmörk-
um í Reykjavík á þriðjudag
og einnig var mikil ryk-
mengun á miðvikudag.
Hátt hlutfall hefur verið af
sóti í svifryki undanfamar
tvær vikur. í sóti eru
krabbameinsvaldandi efni,
að sögn Jóns Benjamíns-
sonar, umhverfisfulltrúa
Reykj avíkurborgar.
Viðmiðunarmörk vegna
svifryks eru 130 míkróg-
römm á rúmmetra en að
sögn Jóns var mengunin
tvöfalt meiri á þriðjudag.
Hann segir að rykmeng-
unin sé uppsöfnuð frá þvi í
haust. Þarna sé um að
ræða slit frá götum og
einnig sé enn mikið um
jarðvegsframkvæmdir í
borginni. Jón kveðst gera
ráð fyrir því að stór hluti
ryksins hafi fokið á haf út í
fyrradag en þó ekki allt.
Hann segir að útblástur
sem heimfæra megi upp á
dísilvélar hafí aukist
merkjanlega í fyrra og í ár
og það valdi aukningu
brennisteinstvíildis í and-
rúmsloftinu. Einnig sé
hugsanlegt að hluti þessar-
ar mengunar sé frá stór-
iðju. Hlutfall svifryks í
Reykjavík miðað við önnur
lönd sé hátt.
Ráð að takmarka
notkun nagladekkja
Talið er að 35-50% af
svifrykinu sé vegna vegs-
lits, um 20% er sjávarselta,
20-30% er vegna jarðvegs-
foks af hálendinu og 10-
15% vegna útblásturs frá
vélum. Jón segir að svif-
rykið geti haft skaðleg
áhrif á heilsu manna, ekki
síst ef sótmagn er hátt. Ut-
an á sótagnir eru kolvetna-
sambönd sem eru krabba-
meinsvaldandi. Jón segir
að ekki hafi verið mikið sót
í svifrykinu. Ekki hafi ver-
ið rannsakað hér á landi
hve skaðleg áhrifin eru af
svifryki af völdum vegslits.
Jón segir að til að draga
úr svifryki gæti það verið
til ráða að takmarka notk-
un nagladekkja. Hann
bendir á svokölluðharð-
kornadekk og léttnagla
sem slitna með dekkjun-
um. Þeir sh'ti ekki nema
10-15% á við nagla sem
eru algengastir í dekkjum.
Umhverfísráðuneytið úrskurðar í kæru íbúa við Lækjarhjalla í Kópavogi á hendur skipulagsstjóra rfldsins
Kópavogur
UMHVERFISRAÐUNEYTIÐ hefur nú úr-
skurðað í kærumáli íbúa við Lækjarhjalla í
Kópavogi á hendur skipulagsstjóra ríkisins,
en eins og greint var frá hér í Morgunblaðinu
14. október sl. kærðu íbúar við Lækjarhjalla
úrskurð skipulagsstjóra um gerð mislægra
gatnamóta við Reykjanesbraut til umhverf-
isráðherra. Töldu þeir að ekki væri gert ráð
fyrir nægilegum vörnum gegn hávaða vegna
fyrirhugaðra framkvæmda og vildu að sett
yrði upp hljóðmön milli Dalvegar og Reykja-
nesbrautar frá gatnamótum við Nýbýlaveg
vestur á móts við undirgöng austan bens-
ínstöðvar Skeljungs við Reykjanesbraut. í úr-
skurðarorðum ráðuneytisins, 8. desember sl.,
segir, að úrskurður skipulagsstjóra ríkisins
frá 4. ágúst 2000 vegna mats á umhverfisáhrif-
um Reykjanesbrautar við Mjódd skuli standa.
Með bréfi, dagsettu 12. september 2000,
kallaði ráðuneytið eftir umsögnum Skipulags-
stofnunar, Vegagerðarinnar, Hollustuverndar
Úrskurður skipulags-
stjóra um mislæg
gatnamót stendur
ríkisins, borgarráðs og Kópavogsbæjar vegna
framangreindrar kæru. Og með bréfi, dag-
settu 10. október sl., var Níelsi Hjaltasyni fyr-
ir hönd kærenda sendar þær umsagnir og
kærendum boðið að gera athugasemdir við
þær, sem þeir ekki gerðu.
I niðurstöðu úrskurðar ráðuneytisins segir
orðrétt:
„Ráðuneytið tekur undir það... að brýnt sé
að bæta hljóðvist eins og kostur er með út-
færslu mótvægisaðgerða í samráði við íbúa og
eigendur fasteigna. Og sama viðhorf kemur
fram í umsögn Hollustuverndar ríkisins, þar
sem lagt er til að framkvæmdaraðili kanni til
hvaða frekari aðgerða sé hægt að grípa sam-
hliða fyrirhuguðum framkvæmdum, þannig að
dregið verði úr hávaða frá Reykjanesbraut
gagnvart íbúum Lækjarhjalla.
Ráðuneytið telur að þrátt fyrir að ekki sé sú
skylda á framkvæmdaraðila að grípa til sér-
stakra mótvægisaðgerða á meðan umferð-
arhávaði við Lækjarhjalla fer ekki yfir leyfileg
viðmiðunarmörk er forráðamönnum fyrir-
tækja og stofnana hins vegar heimilt að gera
allt sem í þeirra valdi stendur til að koma í veg
fyrir óþægindi af völdum hávaða, sbr. 1. tölul.
6. gr. reglugerðar um hávaða. í 4. viðauka á
síðu 18 í frummatsskýrslu er gerð tillaga um
að hljóðstig við Lækjarhjalla verði lækkað
með því að hækka núverandi hljóðveggi við
Dalveg eða að komið verði fyrir hljóðtálma við
Reykjanesbraut. I skýrslunni er ekki mælt
með jarðvegsmön við Dalveg eins og kær-
endur leggja til þar sem að öllum líkindum sé
ekki nægjanlegt landrými til þess að koma
henni fyrir.
Með vísan til þess sem að framan er rakið
er það niðurstaða ráðuneytisins að ekki séu
forsendur til að breyta úrskurði skipulags-
stjóra ríkisins, þar sem óumdeilt er í máli
þessu að hljóðstig við Lækjarhjalla vegna fyr-
irhugaðra framkvæmda uppfyllir skilyrði
reglugerðar um hávaða og að framkvæmda-
aðila beri að grípa til mótvægisaðgerða fari
hljóðstig yfir viðmiðunarmörk... Urskurður
skipulagsstjóra ríkisins frá 4. ágúst 2000 um
mislæg gatnamót við Mjódd skal því óbreyttur
standa.“