Morgunblaðið - 20.12.2000, Síða 20

20 MIÐVIKUDAGUR 20. DESEMBER 2000
LANDIÐ
MORGUNBLAÐIÐ
Nýtt íþrottahús Snæfellsbæjar vígt í Ólafsvík
Mikill fjöltli var viðstaddur vigsluna í íþróttahúsinu.
Morgunblaðið/Elín Una Jónsdóttir
Langstærsta fjárfest-
ing bæjarfélagsins
Ólafsvík - Laugardaginn 16. desem-
ber síðastliðinn vígði Bjöm Bjama-
son menntamálaráðherra nýtt
íþróttahús Snæfellsbæjar í Ólafsvík.
Fullbúið með öllum tækjum ogbúnaði
kostar húsið um 290 milljónir króna
og er stærsta einstaka fjárfesting á
vegum sveitarfélagsins.
Fjöldi manns mætti til vígslunnar
og hlýddi á skipulagða hátíðardag-
skrá. Kristinn Jónasson, bæjarstjóri
Snæfellsbæjar og formaður bygging-
amefndar, afhenti Ásbirni Ottars-
syni, forseta bæjarstjómar, lykla
hússins. Þá tók Margrét Ingimund-
ardóttir við lyklunum en hún hefur
verið ráðin umsjónarmaður íþrótta-
hússins.
Séra Óskar H. Óskarsson sóknar-
prestur blessaði húsið, Samkór Snæ-
fellsbæjar söng og böm 1.-4. bekkjar
grunnskólans í Snæfellsbæ gengu
prúðbúin um salinn og sungu nokkur
lög og dönsuðu. Fjöldi gesta tók til
máls og afhenti góðar gjafír frá félög-
um innan bæjarfélagsins og utan.
Að athöfninni lokinni var öllum
gestum boðið upp á hátíðartertu og
molasopa. Meðal gesta vom, ásamt
Bimi Bjamasyni, menntamálaráð-
herra, Sturla Böðvarsson samgöngu-
ráðherra, Ingibjörg Pálmadóttir heil-
brigðisráðherra og Ellert B. Schram,
fonnaður íþrótta- og ólympíusam-
bandsins.
Sæti fyrir 450 áhorfendur
Húsið er langstærsta fjárfesting
bæjarfélagsins síðan sveitafélögin á
utanverðu Snæfellsnesi vom samein-
uð 1995. Byggingin er öll hin glæsi-
legasta, formið er látlaust og var lögð
áhersla á að láta það falla vel inn í um-
hverfíð og nýta halla í lóðinni. Húsið
er 2.320 fermetrar eða 16.600 rúm-
metrar og sæti em fyrh- u.þ.b. 450
áhorfendur.
Löglegir keppnisvellir em fyrir
handbolta, blak, körfubolta og bad-
minton. Æfíngavellir em nokkrir fyr-
ir þessar greinar auk góðrar aðstöðu
fyrir frjálsar íþróttir, þ. á m. stang-
arstökk. Gott aðgengi er fyrir fatlaða
oglyftamillihæða.
Tveir fjölnotasalir em í húsinu sem
Allir sungu og léku Höfuð, herðar, hné og tær.
Björn Bjamason klippir á borðann og vígir þar með húsið.
munu nýtast sem kennslustofur í
Snæfellsbæ. í fordyiinu er dagsbirt-
an nýtt til hins ýtrasta og henni leyft
að leika um óhindrað með skilrúmum
og veggjum úr gleri. Verktakafyrir-
tækið Skipavík hf. í Stykkishólmi
byggði húsið, arkitektastofan Gláma/
Kím sá um hönnun en verkfræði-
hönnun var í höndum Fjarhitunar hf.
Rafmagnshönnun annaðist Raftákn
hf. á Akureyri.
Bæjarstjórn Snæfellsbæjar vonar
að nýja íþróttahúsið muni efla íþrótta-
og æskulýðsstarf ásamt því að sam-
eina enn frekar íbúa bæjaifélagsins.
Við athöfnina kom fram sú tillaga
að þar sem íþróttahúsið stendur rétt
við gafl Ólafsvíkurkirkju væri tilvalið
að kalla það gi’öfina og mundu heima-
menn þá jarða gesti sína í kappleikj-
um í framtíðinni. Önnur tillaga var sú
að húsið yrði kallað bakaríið því að
þar yrðu andstæðingamir teknir í
„bakai’íið" af heimamönnum. Þessi
nöfn gætu verið mótvægi við heiti eins
og ljónagryfjuna og hellinn.
♦ Arsalir- fasteignamiðlun ♦ Ársalir- fasteignamiðlun ♦
FYRIR FJARFESTA
Höfum ýmsar stærðir atvínnu-
húsnæðis til sölu með eða án
leigusamninga.
Björgvin Björgvinsson, lögg. fasteignasall.
♦ Ársalir- fasteignamiðlun ♦ Ársalir- fasteignamiðlun ♦
Morgunblaðið/Sigurgeir Jónasson
Sigrún Jdnsdóttir fyrir framan Skaftfelling VE, en grind hefur
verið reist yfir dekkið og plast breitt yfir.
Kirkjulistakona í útgerð
Skaftfellingur
VE 33 fer á safn
Vestmannaeyjum - Vélbáturinn
Skaftfellingur sem í eina tíð var
gerður út frá Vestmannaeyjum
og var í eigu Helga Benediks-
sonar hefur alla tíð átt hug og
hjarta Kirkjulistakonunnar Sig-
rúnar Jónsdóttur sem er Skaft-
fellingur í húð og hár.
Listakonan sagði að áhuga-
mannafélag Skaftfellings vildi fá
skipið heim í Vík eins og Sigrún
orðaði það en hún er fædd í Vík
og segist því vera þorpari. Sig-
rún sem sjálf hefur barist fyrir
verndun Skaftfellings í 30 ár og
á þeim tíma tvisvar fengið ban-
vænt krabbamein, segir að hún
og Skaftfellingur eigi það sam-
eiginlegt að þau verði ekki felld
svo auðveldlega.
Kristján Ólafsson hefur séð
um að hreinsa bátinn og þrífa til
að varna enn frekari skemmd-
um. Hann segir að fljótlega
verði tekin ákvörðun um hvenær
hægt verði að koma skipinu
austur í Vík. Eftir allan þennan
óratíma í slippnum hefur hann
látið mikið á sjá. Lokað hefur
verið fyrir stærstu rifurnar á
bátnum og grind reist yfir dekk-
ið klædd plasti og neti.
Eldhugur Skaftfellinga með
Sigrúnu Jónsdóttur í broddi
fylkingar er engu líkur og þegar
hefur hópurinn fengið hús undir
bátinn í Vík. Það er gamla
Kaupfélagspakkhúsið sem
stendur við hlið á Bryde-safn-
inu. En það er ekki ljóst enn
hvernig báturinn verður fluttur
enda stór 80 tonna bátur og
honum er ekki hent milli staða.
Kirkjulistakonan Sigrún Jóns-
dóttir átti fleiri erindi til Eyja
en að líta eftir Skaftfellingi. Hún
var hér á ferð ásamt rithöfund-
inum Þórunni Valdemarsdóttur,
sem hefur nýlokið við að skrifa
ævisögu listakonunnar sem ber
heitið. „Engin venjuleg kona.“
Þær stöllur notuðu ferðina til að
lesa upp úr bókinni í Akoges
húsinu þar sem listakonan sat
fyrir svörum áheyrenda. Bókin
kom út um miðjan nóvember og
er óhætt að segja að hún beri
nafn með rentu.
-
mmmam
Morgunblaðið/Sigurgeir Jónasson
Skaftfellingur VE við slippinn í Vestmannaeyjum.
Syðri-Gegnishólar í Gaulverjabæjarhreppi
Fyrirburi
á aðventu
Gaulverjabæ - Óvenju lítil kvíga
fæddist 5 vikum fyrir tímann í fjós-
inu hjá hjónunum Ólafi Jósefssyni
og Rósu Þorvaldsdóttur á bænum
Syðri-Gegnishólum f sfðustu viku.
Afar fátítt er að kálfar lifi við
þessar aðstæður en kýrin átti ekki
tal fyrr en 23. janúar samkvæmt
fyrstu sæðingu. Kvígan, sem er
furðu spræk,vó einungis 15 kíló í
fæðingu. Til samanburðar geta ís-
lenskir kálfar stundum vegið yfir
40 kíló. Segja dýralæknar lungu
yfirleitt það óþroskuð að kálfar
drepist oftast af þeim sökum fæðist
þeir þetta mikið fyrir tfmann.
Stolt rauðstjörnótt móðir heitir
Þyrnirós og faðirinn er kynbót-
anautið Sveppur. Sú litla hefur sig
ekki upp sjálf en þegar henni hefur Morgunblaðið/ValdimarGuðjónsson
verið hjálpað á fjóra fætur hleypur Atli Már Ólafsson, bóndasonur í Syðri-Gegnishólum, og litla kvfgan sem
hún um allt fjós þótt Iítil sé. vó einungis 15 kíló í fæðingu.