Skírnir - 01.04.1910, Blaðsíða 38
134
Daði Nielsson „fróði“.
Og enn fremur kveður hann:
Eg af margskyns mæðu blaki
mersli langsamt ber.
í>að er meir en tárum taki
titt sem þjakar mér.
A síðustu árum sínum fór hann oft í bókasölusendiferðir
um sveitir nvrðra, og mun hann bæði þá og endranær
hafa notið gáfna sinna og fróðleiks hjá góðum mönnum,
því víst átti hann jafnan athvarf hjá merkustu mönn-
um nyrðra og var jafnvel í góðum kunnleikum við þá
og bréfaviðskiftum. Mætti þar helzt til nefna þá síra
Björn Hjálmarsson í Tröllatungu, síra Jón Konráðsson á
Mælifelli og síra Benedikt Vigfússon á Hólum o. fl. Var
hann oft hjá þeim langvistum og léðu þeir honum bækur
og leiðbeindu á ýmsa lund. En hann varð þeim oft að
fullu liði aftur á móti. Þannig gaf hann Jóni prófasti
Konráðssyni margar leiðbeiningar og upplýsingar, er síra
Jón starfaði að prestasögum sínum í Hólastifti. Má að
fullu marka það af bréfum þeim, er fóru á milli Daða
og þessara manna og annara fleiri, að þeir hafa kunnað
að meta fróðleik hans og gáfur og leituðu óspart til hans
um upplýsingar. Til sannindamerkis skal hér tilgreindur
kafli úr bréfi frá síra Jóni Yngvaldssyni á Húsavík til
Daða, dags. 30. apr. 1856, svo látandi: »Undir eins og
eg þakka yður alúðlegast skemtilegt og fræðandi samtal
á dögunum, sem var mér sú ánægjulegasta stund er hefi lengi
lifað, er eg nú enn fremur kominn til að njóta enn meira
góðs og gagnlegs gamans af fróðleik yðar, eftir sem þér
voruð svo góður að leyfa og bjóða mér seinast, sem sé
að leita hjá yður upplýsingar um aldur en einkum um
embættisaldur ýmsra presta, or orðið hafa jubilkennend-
ur — —U). En þess raá geta, að síra Jón Yngvaldsson
var sjálfur fróðleiks- og greindarmaður og kunni góð
skil slíkra hluta. Það var og haft eftir Benedikt prófasti
á Hólum, er hann spurði lát Daða, að meira saknaði hann
‘) Bréf síra Jóns liggur aftan við frumrit Daða af prestasögunum.