Skírnir - 01.01.1914, Síða 60

60
Hvar er Lögberg hið forna?
að auki lá þessi staður fast við fjölfarinn þjóðveg, og eng-
in munnmæli um Lögbergsnafnið þar hafa heyrst. I>að
er óskiljanleg gleymska og að líkindum hér á landi
dæmalaus.
Lögréttusþangar nafnið á Lögbergi, sem bæði Olsen
og Sigurður Vigfússon nefna, heyrði eg aldrei á yngri ár-
um, og ólst eg að miklu leyti uþþ í næstu sveit fyrir aust-
an Þingvallasveitina og átti á fyrri árum oft leið um Þing-
völl, og ekki heldur heyrði eg nafn það á innganginum
á Lögberg, sem eg hefi heyrt á seinni árum, haft eftir
sjra Símoni Bech á Þingvöllum, að það héti Lögsögumanns-
gangur, og efast eg um að þau nöfn hafi nokkurn tíma
orðið almenn.
Við rannsókn Sigurðar Vigfússonar á hinum forna
þingstað, finst Olsen að meiri líkur hafi komið fram fyrir
því, að Lögberg hafi verið á gjábarminum norður frá
Snorrabúð, en þar sem sagt hefir verið að það sé norður
frá Þingvallatúni, þótt Sigurður, sem rannsakaði nákvæm-
lega báða staðina, kæmist að alt annari niðurstöðu, og
áliti eindregið að hið forna Lögberg væri hið alkunna
gamla Lögberg milli gjánna.
Rannsóknin á gjábarminum hjá Snorrabúð sýndi, að
fyrst hafði þar verið brött og óslétt klöþþ með gjótum og
kötlum, að sögn Sigurðar. Seinna hafði verið hlaðið þar
ofan á, mest úr torfi og moldu, til að jafna hallann, og ef
til vill byggja þar eitthvað ofan á, sem ekkert er hægt
að segja um. Undir þessu mannvirki fann Sigurður eld-
stæði eða hlóð með mikilli ösku, er hann gat til að hefði
verið eldstæði frá Snorrabúð. sem virðist sennileg tilgáta.
Eldstæði þetta var undir syðri hluta mannvirkisins, sem
var að þvermáli á yztu hleðslur 67 fet. Undir miðju
mannvirkinu fann Sigurður lítinn grjótbálk, sem ekki hafði
áframhald á neinn veg; ekki nefnir hann neitt einkenni-
legt við þennan grjótbálk fremur en hverja aðra grjót-
hrúgu; hefði hann fundið þar ösku, kol, bein eða eitt-
hvað eftirtektavert, þá hefði hann vafalaust getið þess,
því að ofar í moldinni t. d. fann hann dálítið leir- eða