Skírnir - 01.01.1916, Blaðsíða 110

110
Islajxd 1915.
Skírnir,
Reykjavíkur. Komust með honum vörur inn á Húnaflóa, en þar
var að verða matvöruþröng vegna hafíssins. Bæði skipin þykja vel
vönduð og hafa þau haft nóg að gera þetta ár og útgerðin gengið
vel, enda þótt hernaðarástandið hafi gert hana allmiklu dyrari og
erfiðari en ella hefði verið, bæði með trufluninni, sem vöruskoðun
Englendinga hefir valdið, og svo ekki sízt vegna hins háa stríðs-
vátryggingargjalds. í haust ákvað stjórn Eimskipafólagsins að auka
hlutafóð um alt að 300 þús. kr. í því skyni að bætt yrði við
þriðja skipinu. Á það að verða vöruflutningaskip, um 1500 smá-
lestir að stærð. Síðustu mánuði ársins hefir farið fram söfnun á
hlutafó til þess að koma þessu í framkvæmd.
Hafuargerðin í Reykjavík er nú langt komin og eru skip farin
að leggjast við bryggju við n/ja hafnargarðinti austan við höfnina,-
Yerður hafnargerðinui lokið á næsta ári. Einnig hefir verið unnið
að hafnargerð í Vestmannaeyjum, og í Bolungarv/k er verið að gera
brimbrjót til varnar bátalendingunni þar. Skemdist það verk alR
mikið í stórviðri í haust. — Brúaðar hafa verið á árinu Hamarsá
í Geithellnahreppi, Síká í Hrútafirði og Langadalsá 1 Norður-
Isafjarðarsýslu, allar með steinsteypubrúm, og er hin fyrstnefnda 35
metrar, önnur 32 og hin þriðja 24 metrar. í stað gamalla trébrúa
voru bygðar steinsteypubr/r á Langá á M/rum, 20 metra, Ból-
staðahlíðará, 13 metra, og Sæmundará á Vatnsskarði, 12 metra.
Við tvær flutningabrautir var lokið þetta sumar, Reykjadalsbraut
og Eyfirðingabraut, og auk þess unnið að Húnvetningabraut, Skag-
firðingabraut og Grímsnessbraut. En að þjóðvegum var unnið á
Stykkishólmsvegi, Hróarstunguvegi, Hörgárdalsvegi, Krossárdalsvegi
og víðar. — Vitar voru bygðir á Grímsey í Steingrímsfirði, við
Malarhöfn í Steingrímsfirði og Hólmavík í Steingrímsfirði, og unnið
að vitabygging á Ingólfshöfða, en eftir að setja hann upp. Sjó-
merki voru sett á ymsum stöðum, svo sem við Raufarhöfn, á Stein-
grímsfirði og víðar. Sjóvarnargarður var bygður á Siglufjarðar-
eyri. — Að símalagningum hefir verið unnið á svæðinu milli Þórs-
hafnar og Húsavíkur og svæðinu milli Djúpavogs og Hornafjarðar.
Voru staurar settir niður milli Þórshafnar og Kópaskers, en þráður-
inn er ekki kominn á þá. Línan frá Berufirði suður á við er kom-
iu yfir Lónsheiði og hefir á henni verið opnuð bráðabirgðastöð á
Svínhólum í Lóni. Línuna milli Eskifjarðar og Norðfjarðar, ásamt
símakerfinu á Norðfirði, sem áður vareinstakra manna eign, keypti land-
síminn vorið 1915 og lagði síðan líuuna milli Norðfjarðarog Mjóafjarðar
Einnig keypti hann á árinu símakerfi Siglufjarðarkaupstaðar.