Árbók Hins íslenzka fornleifafélags - 01.01.1968, Qupperneq 114

118
ÁRBÓK FORNLEIFAFÉLAGSINS
fundar við hópinn í Hamborg og var við opnun sýningarinnar.
Menntamálaráðherra Hamborgar, dr. Gerhard Kramer, bauð gesti
velkomna. Þá flutti þjóðminjavörður dálítið erindi um íslenzka al-
þýðulist, en síðan opnaði menntamálaráðherra sýninguna með ræðu.
Fjölda manns hafði verið boðið til opnunarinnar, undirtektir blaða
voru góðar og aðsókn eins góð og vænta mátti. Sýningin bar sig mjög
vel í tveimur stofum, annarri mjög stórri, en hinni minni, og safn-
stjórinn dr. Gerhard Wietek og starfslið hans, ekki sízt J. Uhlen-
haut, lögðu sig mjög fram um að gera hana sem bezt úr garði. Mynd-
arleg sýningarskrá með mörgum myndum var gerð hér heima. Sýning
þessi stóð til 21. maí, en hingað til lands komu hlutirnir aftur heilu
og höldnu hinn 19. júní.
Þýzk-íslenzka félagið í Köln fór þess á leit við Þj óðminj asafnið,
að það iánaði einhverja hluti til sýningar í sýningarsal Sparkasse
der Stadt Köln. Að tillögu Haralds Hannessonar hagfræðings varð
það að ráði, að lánaðar voru 40 vatnslitamyndir eftir W. G. Colling-
wood. Auk þess lánaði dr. Jón Vestdal margar bækur og íslandsupp-
drætti og Haraldur Hannesson lánaði teikningar eftir Collingwood.
Sýningin var svo opnuð í Köln 28. ágúst, og þar flutti Haraldur er-
indi um Collingwood að viðstöddu ýmsu stórmenni. Sýningin stóð
síðan til 6. október og þótti takast vel, og hana sko'ðuðu mjög margir
gestir. Sýning þessi var haldin í nafni Þýzk-íslenzka félagsins og
Þjóðminjasafnsins, og stendur það á smekklegri sýningarskrá, sem
út var gefin.
Þess var óskað af hálfu sýningarnefndar heimssýningarinnar í
Montreal, Expo 67, að lána'ðir yrðu einhverjir merkilegir gamlir
hlutir frá öllum Norðurlöndunum til sýningar í sérstökum sýningar-
skáp í anddyri norræna skálans. Varð það úr, að héðan var lánuð
ein af hinum merkilegu útskornu fjölum frá Flatatungu, Þjms.
15296b. Þótti hún sóma sér vel á sýningunni. Vestur var hún send í
persónulegri ábyrgð Skarphéðins Jóhannssonar arkitekts, en aftur
kom hún heil á húfi hingað í safnið 28. nóvember.
Skólaheimsóknir.
Enn sem fyrri eru kennarar með skólabekki alltíðir gestir í safn-
inu, en engin tala hefur veri'ð höfð á slíkum heimsóknum. Sérstak-
lega ber að nefna myndlistarkennara og á þessu ári jafnvel heim-
ilisiðnaðarkennara, sem komið hafa með nemendur sína til þess að
afla sér verkefna eða fyrirmynda. Skipulagðar komur gagnfræða-