Ársskýrsla Ræktunarfjelags Norðurlands - 01.01.1904, Page 48

52
jarðveginn en Beintindaherfið mylur hann minnst og er því
einkum notað til að herfa niður með hafra og áburð.
Diskherfi (Tallerkenharv) eru herfi nefnd, sem eru að því
leyti frábrugðin vanalegum herfum, að í stað tinda eru hring-
myndaðar stálplötur (um 15” að þvermáli), sem líkjast diskum
að lögun. Stálplötur þessar eða diskar, eru festar á tvo járn-
ása, sem eru hreifanlegir þannig að þeir annaðtveggja eru í
beinni línu eða mynda meir eða minna sljóft horn. A herfinu
er sæti fyrir mann. Af diskherfum eru til ýmsar stærðir. Þau
minnstu eru fyrir 1 hest og eru með 6 diskum. Herfi þetta
er sýnt á 6. mynd. Ef jarðvegurinn er mjög seigur er hægt
að nota herfi þessi þannig að 2 hestar gangi fyrir þeim.
Fyrir hinum stærri herfum ganga 2 hestar. Þau eru með
8—12 diskum. Hæfiiega þung fyrir vora hesta eru herfi með
10 diskum.
Diskherfið er bezt allra verkfæra, sem reynd hafa verið
við tilraunastöðina, til þess að mylja jarðveg. Þegar herfið
er dregið áfram, skerast diskarnir niður í jarðveginn. Það
má láta þá skera meira eða minna náið með því, að hafa
diskásana beina eða láta þá mynda horn innbyrðis, og vinn-
ur þá hver diskur sem lítill plógur.
Rúlluherfi er norskt. I því eru 3 ásar, sem eru festir í
járngrind, og út úr þessum ásum ganga sterkir járngaddar.
Þegar herfið er dregið snúast ásarnir, en moldarkögglar, sem
verða á milli þeirra myljast sundur. þetta herfi vinnur vel,
sje jarðvegurinn hæfilega rakur og eigi of seigar rótartæjur,
sem festast í herfinu.
3. Valfi.
Valti hefur verið útvegaður. Hann er með tveimur rúllum
og er nauðsynlegur til að sljetta yfir moldina þegar búið er
að sá höfrum eða grasfræi.
4. Hesfarekur.
Heslarekur eða moldrekur eru þau verkfæri nefnd, sem
notuð eru til að flytja til og jafna yfirborð jarðvegarins með.
Af þeim hafa verið útvegaðar: