Ársskýrsla Ræktunarfjelags Norðurlands - 01.01.1904, Síða 60

64
Bestu uppskeru árin voru jarðeplin, er upp komu þá, um
70 tunnur; en votviðra- og kuldasumarið 1903 að eins rúmar
30 tunnur. Þó það væri lítið, var það þó ljós vottur þess
að hvernig sem viðrar má þó ætíð vænta þess að fá árleg-
ann tilkostnað endurgreiddan með uppskerunni, ef ræktunin
er í nokkru lagi.
Mest alúð hefur verið lögð við jarðeplaræktina þessi síð-
ustu ár, þó í mörgu hafi en ábótavant verið.
Eins og sýnt hefur verið, hefur hún nú stunduð verið hjer
við hverina í 26 ár, og nokkrir garðar verið stöðugt notaðir
í 20—25 ár. Þar sem íburður hefur öpt verið af skornum
skammti, eru þeir, eins og von er til, farnir að gefa minni
uppskeru og langt um kostnaðarsamara að lítt mögulegt að
verða, að verja þá illgresi, sjerstaklega arfa.
Til íburðar hefur næstum eingöngu verið notað sauðatað.
Torfgirðingar allar hafa endst afar illa, meðfram sökum þess
að efnið hefur verið slæmt, en þó sjerstaklega vegna þess,
að jarðylurinn hefur virst hafa þær verkanir á þær að levsa
þær mjög fljótt sundur.
Hin síðari ár hefur því mjög litlu verið kostað til hleðslu
eða viðhalds á girðingum, heldur hefur svæðið verið varið,
ásamt engjum er að því liggja, af ábúendum Reykja.
Um 1890 var byrjað að taka eptirgjald af landi því er
lánað var, af ábúanda jarðarinnar. Var það eðlilegt, því bæði
voru slægjur skertar og ágangur af hestum þeirra, er að
störfum voru, bæði haust og vor.
Lengst af hefur eptirgjaldið verið tíundi hluti uppskerunnar.
Vfst hefur það þótt gífurlegt, en samt er mjer ekki kunnugt
um að það hafi orðið til að bægja mönnum frá ræktuninni.
Allmörg ár hefur jarðepia ræktin verið stunduð frá 10
heimilum. Þó í smáum stíl hafi verið frá sumum þeirra, hafa
þó flestir garðeigendur selt einhvern hluta uppskerunnar.
Hefur eptirsókninni þó aldrei orðið fullnægt nema að litlu
leyti. Fyrstu árin Var tunnan seld á kr. 12.00, en nú til
nokkra ára á kr. 10.00. Verðið má virðast hátt, en hefur
aðallega stuðst við það, að jarðeplin hafa reynst mjög góð
og sjerstaklega trygg í geymslu.