Ársskýrsla Ræktunarfjelags Norðurlands - 01.01.1904, Qupperneq 70

74
í raðir með 18 þuml. millibili, en 12 þuml. mega vera á
milli plantanna í röðunum. Vanalega er markað fyrir
röðunum áður en farið er að gróðursetja og má gjöra
það á þann hátt, að snúra er strengd þar sem röðin á
að vera og meðfram henni er gjörð rák með hrífu eða
öðru verkfæri. Þegar þetta er gjört, tekur sá sem á að
gróðursetja 20 — 30 plöntur í vinstri hendi. í hægri hendi
hefur hann gróðursetningarspaða, 12 þuml. langt prik,
með bognu skafti. Spaðinn er sporbaugsmyndaður, nokk-
uð flatur. Með spaðanum eru gjörðar hæfilegar holur í
moldina. í þessar holur eru jurtirnar settar þannig, að
rætur þeirra liggi sem líkast því, sem þær hafa vaxið, og
að plönturnar standi lítið eitt dýpra í moldinni, en þær
hafa staðið í vermireitnum.
Þegar búið er að setja plöntur niður í holurnar, er
plöntuspaðanum stungið á ská niður í moldina, þannig
að moldin þrístist að rótunum. Holurnar eru síðan fylltar
með vatni, svo moldin rennblotni í kringum ræturnar.
Pegar vatnið er sígið niður í moldina er sljettað yfir hol-
urnar og moldinni þríst að plöntunum svo að þær standi
fastar fyrir.
Ef gulrófufræi er sáð í garða, er því sáð í tveggja álna
breið beð, lU þuml. djúpt, og eru hafðar fjórar raðir í
beðinu. 12 þuml. mega vera á milli plantanna þegar þær
fara að koma upp.
Hirðing. Ef gróðursett er í garðinn, þarf sjaldan að
vökva optar en í það eina sinn um leið og gróðursett er.
Sje aptur á móti fræi sáð í garðinn, þarf stöðugt að hafa
vakandi auga á því að garðurinn sje eigi of þur, á með-
an plönturnar eru að koma upp, og festa rætur. Það er
annars eigi hægt að gefa neina vissa reglu um hve opt
þarf að vökva. Hver maður sem er iítið eitt vanur við
garðrækt, sjer það strax á plötunum, ef þær vanta vatn.
Blaðrendurnar og jafnvtl blöðin beigjast þá aptur á bak.
Andholurnar lokast svo minna vatn gufar upp. Þess þarf
vanalega að gæta að illgresi nái eigi rótfestu í garðinum.
Hægast er að hreinsa það með hinum svo kölluðu arfajárnum.