Ársskýrsla Ræktunarfjelags Norðurlands - 01.01.1904, Qupperneq 76

8o
1903
var vinna sem undanfarin ár: sáning og gróðursetning.
Nokkru meira af plöntum var fargað burtu en í fyrrasumar.
Sumarið var með hörðustu sumrum hér á Norður- og Austur-
landi, sífeldar rigningar og kuldar. Vöxtur á trjám því töluvert
minni en undanfarin ár. Astand samt að því leyti gott, að
ekkert dó. Undirbúningur að haustinu sem undanfarin ár.
1904.
í ár sáð fræi með mesta móti; mest voru það sömu teg-
undir og áður hafði verið sáð; þó nokkrum nýjum bætt við.
Líka var gróðursett með mesta móti. Allar þær plöntur sprottnar
í gróðrarstöðinni sjálfri; engar útlendar plöntur fengnar í ár.
Burtu var látið töluvert, mest til Ræktunarfjelagsins hjer.
Framför góð í ár og haustumbúnaður til vetrar sem áður.
1905.
Vinna í vor, sem að undanförnu, sáning og gróðursetning.
Breytt til og stungin upp brekkan efst í garðinum. Var áður
plantað út í holur trjáplöntum, en vildu ekki vaxa; jarðveg-
ur harður og grýttur. Nú hlaðnir upp stallar og bættur jarð-
vegur. Utlitið gott nú á þessum tíma 23. júní. Fargað burtu
ca. 3000 plöntum, bæði til Ræktunarfjelagsins og víðar. Gjörð
tilraun með fleiri grenitegundir. Stærst reyniviðartrje 4 ára
3 al. 22. þuml., elri 4 ára 3 al. 17 þuml., birki 4 ára 2 al.
23 þuml., lævirkjatrje 2 ára I al. 3 þuml., greni 3 ára 11
þuml., fura 3 ára 10 þuml. (Aldur á trjánum talin frá því
þau voru gróðursett úr fræbeðum.)
Eptir ósk herra skólastjóra Sigurðar Sigurðssonar hef jeg
samið þetta stutta yfirlit yfir trjáræktunarstöðina hjer á Akur-
eyri fyrir umliðin ár, en fyrir plássleysi í skýrslu Ræktunar-
fjelagsins, orðið að hafa hana svo stutta sem unnt var, og
bið velvirðingar á því.
Akureyri 23. júní 1905.
J. Clir. Stephánsson.