Eimreiðin - 01.05.1905, Síða 34

var hann auðvitað sjálfráður um, hvernig hann hagaði kaupunum
og engum heimilt að gangrýna val hans. En hér er alt öðru máli
að gegna. í fyrsta lagi bar herra Thomsen að hafa þarfir land.s-
ins fyrir augum, er hann valdi vagninn, og í öðru lagi hvíldi skylda
á herðum hans gagnvart bifreiðunum yfirleitt. Pví að það er ekkj
þýðingarlaust, eins að því er snertir bifreiðar og notkun þeirra
sem hvað annað, ef þær eru dæmdar eftir hvaða vagni, sem vera
skal og ber þeirra nafn, vagni, sem keyptur hefur verið litlu verði
hjá manni, er algjörlega stendur á sama um, hvort hann reynist
vel eða illa. Hversu háu verði herra Thomsen hefur keypt vagn-
inn, er mér reyndar ekki kunnugt; en mjög hátt hefur það varla
verið. Hvað hann hafi upprunalega kostað (er hann var nýr),
skiftir engu; enginn má þó ætla, að ég haldi, að herra Thomsen
hafi grætt á fyrirtækinu og allri útgjörðinni. Pessar 2000 krónur,
er þingið veitti, munu varla hafa hrokkið til. Og ef hann ætlar
sér að gjöra þenna vagn svo úr garði, að hann geti fært mönn-
um heim sanninn um, að bifreiðum megi aka um ísland, getur það
orðið honum dýrt spaug, jafnframt því, sem hann kemst að raun
um, að það er lítt ráðlegt, að kaupa lélegt og gamal áhald, þar
er nýtt og gott skyldi.
Auðvitað er það hægara sagt en gjört að finna það, sem bezt
á við, ekki sízt þegar ræða er um jafn margbreytt færi og bifreið-
ar, sem eru til í fjölmörgum tegundum og gerðum, hver með sín-
um kostum og göllum. f*að er jafnvel ógjörlegt þeim, er sér-
fræðingar eru í þeirri grein, að kveða þar upp algildan dóm að
óreyndu, svo að eigi er von, að aðrir séu þess megnugir; sama
gerðin getur reynst vel á einum stað, en illa á öðrum. Yms
atriði eru lögð til grundvallar fyrir allri tilhögun bifreiða, sem eru
mismunandi eftir því, hvernig þar háttar að öllu leyti, er þær skulu
notaðar. Þótt herra Thomsen því mishepnaðist valið á sinni bif-
reið, er það engin furða, þar sem hann fór ekki eftir öðru en sögn
þess, er selja vildi, og sérfræðings, sem mælti með vagninum og
komst þannig að orði: »Ur því að þér viljið kaupa gamlan vagiu
fáið þér engan betri en þennan, jafnódýran« (!)
Hvað var nú að þessum tilraunavagni ? munu menn spyrja.
Þeir, sem sáu til ferða hans, vita, að honum gekk ekki vel. En
hvers vegna? í fyrsta lagi vegna þess, að vélin var ekki nógu afl-
mikil handa jafn þungum vagni og þar sem jafn margar og bratt-
ar brekkur eru á vegum, eins og í Reykjavík. í öðru lagi sök-