Eimreiðin - 01.01.1910, Qupperneq 55

55
vélarnar. Árið 1897 bjó Þjóðverjinn dr. Wölfert til fyrsta loft-
skipið með steinolíuvél. Skipið var að mörgu illa úr garði gert;
meðal annars var hreyfivélin of nærri belgnum. Pegar Wölfert
var kominn í loft upp, kviknaði í gasinu í loftbelgnum og alt
skipið stóð á svipstundu í báli og steyptist til jarðar; varð það
auðvitað bráður bani Wölferts. Sömu förina fóru fleiri, er gerðu
likar tilraunir næstu árin.
Maður frá Brasilíu, er heitir Santos Dumont, gerði mörg loftför
með bensínvélum, og fór margar loftfarir í París um síðustu alda-
mót. Ferðirnar gengu mjög skrykkjótt og hann lenti í mörgum
hrakningum. Frægustu förina fór hann 19. okt. 1901, og hlaut
þá 100,000 franka fyrir að verðlaunum. Hann flaug þá alllangan
veg frá ákveðnu marki að Eiffelsturninum, umhverfis
turninn, og síðan sömu leið til baka á stað þann, sem
hann lagði upp frá. Sýndi þessi för meiri fimleik og betri
stjórn á loftfarinu, en áður hafði verið.
Mikið vantaði þó enn á, að loftförin væru orðin verulega hæf
til ferða; enn voru þau um of háð vindinum, svo stjórnin var eigi
fullkomlega á valdi loftfarans. Auk þess hafði mönnum ekki tek-
ist að ganga nógu tryggilega frá smíðinu í öllum greinum; ýmist
var þetta eða hitt að bila, og olli það oft líftjóni, og gerði loft-
farirnar alt annað en glæsilegar, því tiltölulega fáar loftfarir enduðu
slysalaust.
En Frakkar voru ekki enn af baki dotnir. I Frakklandi var
vagga loftskipanna, og frakkneskur maður, er Julliot heitir, varð
að lokum til þess að gera þetta hættulega leikfang 19. aldarinnar
að nytsömu ferðatæki.
Julliot stóð fyrir sykurverksmiðju, er tveir ríkir bræður áttu,
er hétu Lebaudy. 1896 fór hann fyrst að hugsa um loftsiglingar;
gerði hann sér skjótt grein fyrir, hverjir helztu gallarnir væru á
loftförunum, og datt í hug ýms ráð til að bæta úr þeim. Vakn-
aði þegar mikill áhugi hjá honum til að koma hugmyndum sínum
í framkvæmd, og notaði hann allar frístundir sínar til að búa til
áætlanir og gera teikningar af loftskipi, er tæki öðrum fram.
Pegar hann þóttist vera kominn að öruggri niðurstöðu, skýrði
hann bræðrunum Lebaudy frá hugmynd sinni og urðu þeir hrifnir
af áætlunum hans og buðust til að leggja fram það fé, sem þyrfti.
1899 var byrjað á að smíða loftskipið; langur tími fór til þess, að
velja og reyna vélar og alt efni, sem notað var, og ekkert var