Eimreiðin


Eimreiðin - 01.05.1911, Side 4

Eimreiðin - 01.05.1911, Side 4
8o að mestu horfin. í æsku Jóns stóðu enn yfir leifar hinna stærstu erfðamála, sem verið hafa á íslandi: Möðruvellinga, Bjarnar ríka, og jafnvel Reykhólamanna og Vatnsfirðinga. Hvassafellsmálum var lokið, en deila Gottskálks grimma og Jóns lögmanns Sigmund- arsonar stóð þá yfir. Snemma sendi Einar ábóti Jón fóstra sinn til Hóla, og komst hann skjótt í kærleika við Gottskálk biskup, er mun hafa séð, hvað í honum bjó; eftir fá ár var hann orðinn prestur og trúnaðarmaður biskups. Segir svo ekki af honum fyr en hann tók Helgastaðarbrauð 24 ára gamall. Par kyntisk hann mikilsháttar stúlku, er Helga hét, Sigurðardóttir, Barna-Svein- bjarnarsonar í Múla. Hún var kvenna gerfiligust og skörungur mikill. Bundu þau trúnað saman, þótt engin vígsla fylgdi, og héldu trygð til dauðadags. Hennar mintist Ólafur Tómasson í kvæðinu eftir þá Hólamenn, þar sem hann nefnir Sigurð biskupsson : Greindur stýrir faxa fróns, frægðarmaðurinn góði, hann var arfi herra Jóns með harðla dýru fljóði, sem Helga heita réð. af flestum kvinnum frægðir bar, fegurð og hannyrð með; á ísaláði þá engri var auðgrund meira léð. Ári síðar fluttist Jón að Hrafnagili og fylgdu 3 kirkjur og prófastdæmi í Eyjafirði. Hófust þá metorð hans og skörung- skapur, og eru til dómar eftir hann frá þeim árum, sem sýna dugnað hans og ráðríki. Rak hann æ fleiri trúnaðarmál fyrir biskup sinn, og fór tvívegis fyrir hann til Noregs; í síðara skiftið með gull mikið og silfur og lét smíða gullkaleikinn góða fyrir Hóla- kirkju. Hann vóg 9 merkur. 30 árum síðar rændu Danir kaleiknum og var hann úr sögunni. Priðju ferðina fór J. A., er hann var vígður. Varð hann afturreka í norðanstormi og náði Húsavík. Um ferð þá kvað biskupsefni, og er það týnt, nema þetta: »Fokkan var freðin nokkuð, vér feldum hana og þíddum við eldinn.« Árið 1500 andaðist Gottskálk biskup, og hið sama ár var Jón Arason kjörinn formaður Hólastóls, nálega með allra samþykki, þótt svo væri látið heita, að tveir aðrir prestar skyldu aðstoða hann, því meðstjórnarmenn þoldi hann víst ekki. Pá var hann 36 ára gamall og stýrði hann Hólastól úr því til aldurloka, það er full 30 ár, þótt vígður biskup væri hann 4 árum færri. Lét nú officialis kjósa sig til biskups, en utanför hans dvaldist

x

Eimreiðin

Direkte link

Hvis du vil linke til denne avis/magasin, skal du bruge disse links:

Link til denne avis/magasin: Eimreiðin
https://timarit.is/publication/229

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.