Eimreiðin - 01.09.1920, Page 111

CIMREIÐIN]
FRESKÓ
367
dögum. Hún lýsir þar fyrir mér bústað sínum. Það ern
appelsinutré og stórir trjágarðar, múrar úr dökkum
marmara og síkin, sem grafin eru upp að höllinni, eru
svo djúp, að hún getur látið skip sitt liggja þar.
Hún biður mig að koma til þess að sjá þetta alt og
mála það. Hún lætur sem hún hafi ekki heyrt mótbárur
mínar. Haldið þér að hún geti verið sú ófreskja, að vera
að leika sér með mig, þegar hún er komin svona langt
burtu? Og þó er eg vanþakklátur og hégómagjarn maður.
Boð hennar stafar liklega eingöngu af góðvild hennar og
saklausum vinarhug, og henni dettur ekki í hug, að eg
hafi nokkru sinni lagt í það aðra merkingu«.
Hr. Hollys, Villa Gloriette í Cannes, til Llandudno lá-
varðar, Gowans, Merioneth:
»Kæri Llany! Eg kom hingað og hefi verið hér í tvo
daga, til þess að sjá þennan grip, sem við höfum haft
svo miklar áhyggjur af undanfarið. Vic. er hér í nágrenn-
inu. Eg ráðlagði honum það. Esmée sýnist vera í illu
skapi. Hún yrðir varla á mig. Eg spurði hana um Renzo,
og hún sagði mjög kæruleysislega og kuldalega, að hann
væri víst heima á Englandi að mála freskómyndirnar og
— fjandinn hafi að eg þorði að segja meira. Hún getur
haft það til, að líta á mann með því augnaráði, að munn-
urinn á manni beinlínis lokast.
Eg mælti fram með Vic. En mér hefir víst ekki tekist
það sem best, því að hún sýndi á sér öll merki þess, að
henni leiddist, og sagði svo með einstakri fyrirlitningu,
að það væri ljótt, að tæla unglinga til þess að dvelja í
nánd við Monte Carlo. Sjálf hefði hún verið þar, og hún
gæti ekki skilið, hvað mönnum þætti varið í að vera þar.
Eg ætti heldur að senda Vic. heim til sín. Eg sýndi henni
fram á, að enskur hertogi, sem væri 25 ára að aldri og
væri foringi í lífverðinum, væri ekkert barn, sem hægt
væri að senda heim eða burt eftir vild. Henni sýndist
leiðast æ því meir, sem við töluðum lengur um þetta, og
loks fór hún að spyrja mig hvað hann héti, þessi kaktus,
sem liti út eins og blásin blaðra með göddum.
Eg er í bölvuðu skapi. Eg skal fúslega kannast við