Dagblaðið Vísir - DV - 14.11.1987, Blaðsíða 13

LAUGARDAGUR 14. NÓVEMBER 1987.
13
dv___________________________________Veitingahús
Jónas Kristjánsson skrifar um veitingahús
Lítill
ljúfur
Alex
Rauð og grá rómantík
Fáir hafa enn tekið eftir, að Alex
við Hlemm er orðinn einn hinna
betri veitingasala borgarinnar, þótt
hann sé enn nokkuð að baki hinum
beztu. Staðurinn er hæfilega lítill,
tekur aðeins um 32 manns í sæti í
vinkillaga sal. Smæðin á drjúgan
þátt í að gera salinn notalegan og
matreiðsluna tiltölulega góða,
vegna hóflegs álags á starfsliðið.
Og á kvöldin er Alex nánast róm-
antískur, þegar hinir rauðu og
dimmgráu litir innréttinganna
flökta í kertaljósi og þögulum
snúningi loftvifta.
Uppvafm og þung gluggatjöld eru
rauð og svört. Grannir húsmunir
eru dökkgráir og borðdúkar rauðir,
á myrkgráum undirdúkum í há-
deginu. í gluggum er sægur potta-
blóma. Rauðar munnþurrkur eru
úr pappír í hádeginu og taui á
kvöldin. Grannir stálstólar eru
þægilegir og ekkert mötuneytisleg-
ir að útliti. Parket er í gólfl og ljós
viður í veggjum, þar sem hanga
trúðamyndir eftir Kristján Hreins-
mög.
Þjónusta er góð í Alex, bæði fag-
leg og geðsleg, svo sem við eigum
raunar að venjast vítt um borg í
þessum verðflokki og hinum hærri.
Húsvín eru hér betur valin en
annars staðar í landinu, því að
hægt er að fá Gewurztraminer og
Marqués de Riscal í glasatali. Að
öðru leyti er vínlisti hússins frem-
ur góður, miðað við íslenzkar
einokunaraðstæður. í boði eru Qu-
inta do Noval portvín og Tio Pepe
sérrí, Cantenac-Brown, Barthez de
Luze, Riscal og Santa Christina
rauðvín, svo og Senheimer Rosen-
hang, Kallstadter Kobnert, Ge-
wurztraminer og Riesling Hugel
hvitvín.
Sínýir seðlar dagsins
Eitt aðalsmerkja Alex er að hafa
breytilega og fullnægjandi seðla
dagsins í hádegi og að kvöldi. Þeir
telja sjö rétti, þar af fjóra aðalrétti,
tvo úr sjónum og tvo af landi. Á
kvöldin er notaður fastaseðill til
viðbótar. í hádeginu er svo fasta-
seðill tólf smárétta, sumra heitra
og annarra kaldra. Verð smárétt-
anna er tiltölulega lágt. Framboð
þeirra minnir nokkuð á danska
hádegisverðarstaði og er þar ekki
leiðum að líkjast. Þar mátti til
dæmis sjá legna saltsíld, pönnu-
ristaðan smokkfisk og reykta
grálúðu.
Pönnusteiktur beitukóngur var
skemmtilegur réttur, en dálítið
seigur og minnti á smokkflsk.
Hann var hvítlaukskryddaður og í
fylgd gífurlegs magns af mildri
Pernod-sósu, svo og sveppa, sem
ekki voru ofsoðnir. Andalifur var
sæmileg, dálítið gróf, borin fram í
smjördeigshorni og með hveitilegri
sérrísósu, sveppum og vínberjum.
Léttristaður humar var sérstak-
lega ljúffengur, enda undurmeyr,
borinn fram í miklu magni af
bragðsterkri oregano-sósu. Rjóma-
bætt trjónukrabbasúpa var bragð-
mikil og góð. Rjómasúpa með
fersku grænmeti var hins vegar
hveitisúpa, en snarpheit og bjó yfir
grískum feta, geitaosti.
Forréttunum fylgdu volgir heil-
hveitihnúöar með smjörkúlum. Á
kvöldin kom hrásalat á undan aðal-
réttunum. í síðustu heimsókn var
það einfalt að grunni, en fól í sér
sterkan geitaost rifmn og möndlu-
flögur, sem gerðu það eftirminni-
legt.
í?
H H H
• ©
Kokkahúfur eru fyrir matreiðslu og
blóm fyrir umhverfi og þjónustu, en
krónupeningarnir tákna verðlagið.
Miklar sósur og meðlæti
Steinbítur var mátulega soðinn
og bragðgóður, en kúgaður í bragði
af kryddi og sterkri sósu og í útliti
af tjöldun þess, sem til var í eld-
húsinu. Það voru sveppir, gúrka,
blómkál, hörpuflskur, sítróna,
kartafla og seljustöngull, allt milt
soðið. Pönnuristaður karfi var
mjög góður, meyr og bragðmildur,
með sterkri sólseljusósu, lime,
rósakáli, brokkáli, hvítum kartöfl-
um og gulrótum, samanlagt allt of
miklu meðlæti, en varfærnislega
soðnu.
Koníakslegin kjúklingalifur með
grænum pipar reyndist vera um-
fangsmikill smáréttur, snarpheitur
og góður, en með allt of mikilli sósu
og kraðaki af grænmeti, svo sem
gulrótarstrimlum, sveppum, selju-
stöngulstrimlum og papriku.
Léttsteikt nautafillet var meyrt
og gott, í fylgd sætrar sósu, en ekki
kryddjurta og vínberja, sem boðað
var í matseðli, heldur bakaðrar
kartöflu, rósakáls, gulrótar og
sveppa, hins staðlaða meðlætis
allra kjötrétta kvöldsins. Pönnu-
steiktur lambahryggur var góður
réttur, borinn fram sem falleg
lambarif, fituskorin og meyr, meö
villibráðar-bragösterkri trönu-
berjasósu og hinu staðlaða með-
læti. Pönnusteiktur svínahryggur
salvíukryddaður var meyr og góð-
ur, í fylgd staðlaða grænmetisins,
nema hvað soðnar perusneiðar
komu í stað bökuðu kartöflunnar.
Griskur geitaostur
Innbökuð dalayrja í smjördeigs-
bollu var mjög góð og bjó yfir
andstæðu sterkrar sósu og milds
osts. Rjómaís á kanelkökubotni
með mildri Madeira-sósu og ýmsu
skrauti var góður eftirréttur. Sér-
grein staðarins var svo innfluttur
feta, geitaostur frá Grikklandi.
Ostkúlan var húðuð möndluflögum
og djúpsteikt, í fylgd berjahlaups í
paprikuhulstri. Þetta var bæði
óvenjulegur og mjög góður réttur.
Kaffl var sæmilegt, vel heitt, en
dauft, borið fram með konfekti.
Miðjuverð þriggja rétta máltíðar
með kaffi, en án víns, er 1.945 krón-
ur að kvöldi og 1.702 krónur af
dagseðli í hádegi. Það er fremur
hátt verð, en er ekki í hæsta kanti,
og býður margvíslegt fyrir pening-
ana. Af smáréttaseðli í hádeginu
er meðalverð súpu, aðalréttar og
kaffls afar hagstætt, 700 krónur.
Jónas Kristjánsson
Dæmigerður kvöldseðill
560 Pönnusteiktur beitukóngur með pernod og hvítlauk ,
370 Trjónukrabbasúpa bætt með rjóma
780 Pönnusteiktur karfi með fersku dilli og lime
820 Smjörsteikt smálúðuflök með kræklingi og karríi
970 Pönnusteiktur svfnahryggur með peru, rúsínum og sage
1310 Léttsteikt nautaframfillet með kryddjurtum og vínberjum
410 Innbökuð dalayrja í smjördeigi
Hádegismatseðill
430 Sérrílegin andalifur í smjördeigshorni
295 Rjómasúpa með sveppadúett
740 Steinbítssteik með hörpuskel, tómati og hvítlauk
770 Gufusoðið heilagfiski og silungssoufflé með dillsósu
960 Pönnusteiktur svínahryggur með humarhala í rauðvínssósu
920 Heilsteikt kjúklingabringa með sítrónusósu
395 Pönnulöguð ostaterta með ávaxtasósu
STARF FRAMKVÆMDASTJÓRA
BÍÓHALLARINNAR Á AKRANESI
er auglýst laust til umsóknar frá og með 1. janúar
1988 til 1 árs að minnsta kosti.
Æskilegt er að viðkomandi hafi sýningarréttindi og
þekkingu á rekstri fyrirtækja.
Umsóknarfrestur er til mánudagsins 30. nóv. og skal
skila umsóknum til Magnúsar H. Ólafssonar, Skóla-
braut 21, Akranesi, sem einnig veitir upplýsingar um
starfið í síma 93-12210.
Laun samkvæmt kjarasamningi STAK.
Stjórn Bíóhallarinnar Akranesi.
ítölsk
gceðastígvél
úr góðu leðri!
Litur: Natur-brúnn
Verd: 2.800,-
Póstsendum
!
Lipurtá
Horgartúni 23, sími 29^jo
0HITACHI
Kraftmikil
ryksuga með 1000
vatta mótor.
Inndraganleg rafmagnssnúra.
Rými fyrir ryk - 4,5 lítrar.
Verð aðeins kr. 5.900,-
Vilberg og Þorsteinn
Njálsgötu 49.
Sími 10259.
Rönning
Kringlunni.
Sími 685868.
Rafland hf.
Sunnuhlíð 12
Akureyri.
Sími 96-25010.