Dagblaðið Vísir - DV - 16.12.2000, Page 35

LAUGARDAGUR 16. DESEMBER 2000
35
I>V
Helgarblað
Uppistandinu vegna kosninganna í Bandaríkjunum er ekki lokið:
Atkvæðin verða talin
Víst þykir aö ótöldu vafaatkvæð-
in í forsetakosningunum í Banda-
ríkjunum verði talin þrátt fyrir allt.
Mörg dagblöð hafa þegar farið þess
á leit við yfirvöld um að fá að telja
atkvæðin. Það verður mögulegt
vegna upplýsingalaganna. Mann-
réttindabaráttumaðurinn Jesse
Jackson hefur lýst þvi yfir að hann
muni einnig biðja um að fá að telja
atkvæðin. „Við viljum láta telja
þessi atkvæði og sýna hver hafi í
raun sigrað í kosningunum áður en
nýr forseti verður settur í embætti
20. janúar. Það er sama hvern
Hæstiréttur krýnir. Við ætlum að
sanna að A1 Gore hafi fengið flest at-
kvæði,“ sagði Jackson nú í vikunni.
Reyndar verður heimilt að telja
allar sex milljónir atkvæðanna í
Flórída og jafnvel þótt talningin
taki marga mánuði getur niðurstað-
an orðið óþægileg fyrir 43. forseta
Bandaríkjanna.
Sérfræðingar segja að kosn-
ingaglundroðinn í Flórída hafi bara
verið toppurinn í ísjakanum. Það er
álit þeirra að alls hafi 2 milljónir at-
kvæða aldrei verið taldar vegna úr-
elts kosningafyrirkomulags. Rann-
sókn dagblaðsins Los Angeles
Times, sem gerð var um öll Banda-
ríkin, sýnir að ástandið í Flórída
var langt frá þvi að vera undantekn-
ing. Það er frekar regla en undan-
tekning í Bandaríkjunum.
í New York-borg eru notaðar
kosningavélar sem ekki eru fram-
leiddar lengur. Hver vél sam-
anstendur af 27 þúsund hlutum.
Með skrúfjárni, töng og örlitlu hug-
myndaflugi er mögulegt að breyta
tölunum sem skrá atkvæðin. Erfitt
er að finna fólk sem vill starfa við
kosningarnar. Fyrir 13 klukku-
stunda vinnu eru greiddir 120 doll-
arar. Margir eru með svo lélega
menntun að þeir geta ekki lesið
kosningahandbókina. Vegna skorts
á starfsmönnum myndast raðir við
kjörstaðina. Kjósendur verða óþol-
inmóðir og snúa heim.
í Texas ecu til svokallaðar kosn-
ingamellur, sem gegn vissri þjón-
ustu, ekki bara kynferðislegri,
kaupa utankjörstaðaatkvæði af
kjósanda, fá það undirritað og selja
það síðan einhverjum stjórnmála-
flokki. Markaðsverðið er 20 dollarar
á atkvæði. Margar geta þénað um 6
til 7 þúsund dollara á kosningaári.
í Indíana ætti fjórði hver kjósandi
á listunum ekki að vera þar, að því
er óháð ráðgjafarfyrirtæki fullyrðir.
Fyrir nokkrum árum tóku gildi nýj-
ar skráningarreglur sem gera það
mögulegt að láta skrá sig á 3 þúsund
mismunandi stöðum. Algjört öng-
þveiti myndaðist. Þúsundir hafa
verið skráðar oftar en einu sinni,
þúsundir hafa flutt án þess að vera
teknar út af skrám og þúsundir lát-
inna eru enn á skrám.
Ráðgjafarfyrirtækið segir sams
konar vandamál ríkja í Texas,
Arizona, Idaho, Wisconsin og Utah
þar sem fimmti hver á listunum
ætti ekki að hafa kosningarétt.
í Alaska ríkir einnig óreiða. Þar
eru 38 þúsund fleiri á skrá en þeir
sem eru á kosningaaldri.
Ætlar að láta telja atkvæðin
Mannréttindafrömuöurínn Jesse Jackson og nokkur bandarísk dagblöð hafa beðið um á grundvelli upplýsingalaga að
fá að telja öll vafaatkvæði. Jackson leiðir hér mótmælagöngu í Tallahassee, höfuðborg Flórída, gegn úrskurði
Hæstaréttar Bandaríkjanna.
Bush hefur ástæðu
til að vera órólegur
George W. Bush hefur ástæðu til
að vera órólegur á forsetastóli. Frá
1840 hefur verið með 20 ára millibili
verið kjörinn forseti sem annað
hvort hefur látist í forsetatíð sinni
eða verið skotinn, að því er erlend-
ir fjölmiðlar greina frá.
1840 var William Henry Harrison
kjörinn forseti. Hann fékk lungna-
bólgu og lést aðeins 1 mánuði eftir
að hafa svarið forsetaeiðinn.
1860 var Abraham Lincoln kjör-
inn. Hann var skotinn til bana í
Ford-leikhúsinu í Washington.
Banamaður hans var John Wilkes
Booth.
1880 kusu Bandaríkjamenn
James Garfield í embætti forseta.
Maður, sem taldi sig svikinn um
fint starf eftir að hafa stutt Garfield
í kosningabaráttunni, skaut forset-
ann hálfu ári eftir að hann tók við
embættinu. Morðinginn valdi fal-
lega byssu sem honum þótti hæf til
sýningar á safni.
1900 var William McKinley kos-
inn í annað sinn. Hann var skotinn
George Bush
Á 20 ára fresti hafa verið kjörnir
forsetar sem hafa látist í
embættistíð sinni eða verið
skotnir.
til bana af manni sem kallaði sig
stjórnleysingja. Morðinginn sagði
það rangt að einn maður hefði svo
mikil völd.
1920 'var Warren Harding kjör-
inn. Hann þótti meðal spilltustu for-
seta Bandaríkjanna. Þremur árum
seinna lést hann af völdum hjartaá-
falls. Sumir fullyrtu að honum hefði
verið byrlað eitur.
1940 var Franklin D. Roosevelt
kjörinn í þriðja sinn. Hann er eini
Bandaríkjaforsetinn sem kjörinn
hefur verið oftar en tvisvar. Roose-
velt lést af völdum heilablæðingar
1945 þegar nokkrir mánuðir voru
liðnir af fjórða kjörtímabili hans.
1960 var John F. Kennedy kos-
inn. Hann var myrtur í Dallas 1963.
1980 var Ronald Reagan kjörinn
forseti. ímars 1981 skaut 25 ára
gamall maður, John Hinckley, Reag-
an. Hann kvaðst gera það vegna ást-
ar sinnar á leikkonunni Jodie Fost-
er. Reagan særðist talsvert við
skotárásina.
Nokkrir gerðu það að gamni sínu
að kjósa oftar en einu sinni þann 7.
nóvember síðastliðinn. Samkvæmt
rannsókn stúdentablaðs í
Marquetteháskólanum í Milwaukee
í Wisconsin viðurkenndu 174 af 1
þúsund námsmönnum að hafa kosið
2 til 4 sinnum.
Líklegt þykir að einhver kjör-
dæmi í Flórída að minnsta kosti
fjárfesti í nýtískulegri kosningavél-
um. Ólíklegt þykir að draumurinn
um að allir í Bandaríkjunum geti
kosið með sömu aðferð rætist. Þrátt
fyrir allt telja mörg ríki að þeirra
aðferð sé sú besta.
Pelsfóðurs-
kápur og jakkar
Ullarkápur og
jakkar með
loðskinni
ólagjöfin hennar!
Stuttir og síðir
pelsar í úrvali
Minkapelsar
Tilboð
50% útborgun og
eftirstöðvar
vaxtalaust allt að
12 mánuðum.
Klassískur fatnaður
Bocace-skór
4
PELSINN
Þarsem
vandlátir
versta
Kirkjuhvoli, sími 552 0160.
Loðskinnshúfur
Loðskinnstreflar
Loðskinnshárbönd