Ársrit Ræktunarfélags Norðurlands - 01.01.1974, Síða 99

FLÚOR í GRASI
Þegar fyrir lágu niðurstöður um flúormagn í gosösku úr
Heimaey tók menn að gruna eftir reynslu frá Heklugosinu
1970 að svo gæti farið að nýgræðingurinn er voraði gæti
orðið það mengaður flúor að ekki yrði hann hollt fóður
fyrir búfénað.
17. mars komu þeir Guðmundur Pétursson læknir og Sig-
urður Sigurðsson dýralæknir austur í Mýrdal og söfnuðu
sýnum af nýgræðingi og öðrum gróðri. Þessi sýni reyndust
all menguð af flúor t. d. var í graslauk í Sólheimahjáleigu
240 ppm, greni í Vík 136 ppm, grasi á Höfðabrekku 110
ppm.
8. apríl var tekið grassýni (nýgræðingum) á Götum í Mýr-
dal með 195 ppm. Þetta flúormagn í gróðri þótti ískyggi-
lega mikið og var því ákveðið af ráðamönnum landbúnaðar-
rannsókna að tekin yrðu grassýni til flúorákvarðana á
nokkrum stöðum á svæðinu frá Mýrdalssandi vestur að
Eystri-Rangá.
Sýnin skyldi taka vikulega. Taka hófst 16. apríl og var
haldið reglulega áfram til 17. júní. Var þá flúormagn í grasi
orðið það lítið á öllum athugunarstöðunum, að ekki þótti
ástæða til að halda sýnatöku áfram.
Það æxlaðist svo til að ég tók grassýni hér á Skammadals-
hóli, og þótt ég hafi niðurstöður frá öllum athugunarstöð-
unum, þá mun ég ekki birta niðurstöður nema þeirra sýna
sem ég tók sjálfur.
Flúormagn í grassýnum frd Skammadalshóli í Mýrdal
1973.
16. apríl flúor 123 ppm
22. — — 67 -
30. — — 43 -
6. maí — 15 - (jörð var þá mjög þur)
13. — — 59 - (jarðvegur all rakur).
20. — — 25 -
27. — — 28 -
102