Ársrit Ræktunarfélags Norðurlands - 01.01.1974, Page 109

1. Heyefnagreiningar.
Fjöldi heysýna frá sumrunum 197i! og 1973, sem efna-
greind voru, skiptast þannig milli efnagreiningaflokka:
1972 1973
Þjónustuheysýni 1055 1200
SAB-sýni 250 175
Tilraunasýni 60 149
Ymis önnur sýni 55 186
Sýni alls: 1420 1710
Þótt á Rannsóknarstofunni hafi verið efnagreind allmörg
heysýni fyrir bændur ár hvert, allt frá stofnun hennar, er
það ekki fyrr en sumarið 1971, sem bændum á Ræktunarfé-
lagssvæðinu er formlega boðin slík þjónusta.
Eftir þátttöku bænda að dæma þetta fyrsta ár, þótti ekki
orka tvímælis um að grundvöllur væri fyrir slíkri þjónustu.
Hefur því verið haldið áfram á sömu braut síðan með sí-
aukinni þátttöku bænda. Til fróðleiks gefur að líta, í töflu
1, þann heysýnafjölda, sem efnagreindur hefur verið fyrir
bændur beint, frá því er stofan tók til starfa. I þessari töflu
koma ekki fram heysýni, sem efnagreind hafa verið vegna
tilrauna eða annarra rannsóknaverkefna, en þau hafa þó
skipt hundruðum ár hvert að jafnaði.
Eins og drepið var á í starfsskýrslu minni fyrir starfsárið
1971 — 1972, fékk enskur landbúnaðarkandídat, Derek C.
Mundell að nafni, þann starfa hjá R.N. að flytja með sér frá
Skotlandi þekkingu og tæki til þess að koma upp meltan-
leikarannsóknum á stofunni. Reyndist Derek hinn ágætasti
starfskraftur. Er það mjög fyrir hans tilstilli, sem svo vel
hefur tekizt til að tækin til meltanleikaákvarðananna eru
nú í fullum gangi, og hafa raunar verið það síðan í marz
1973. Eins og flestum er kunnugt, gerir þessi framför okkur
kleyft að leggja mat á meltanlegt orkugildi heysins sem fóð-
urs jórturdýra, þ. e. unnt er að meta, hversu mörg kg. af
viðkomandi heyi þarf í hverja fóðureiningu.
112