Ársrit Ræktunarfélags Norðurlands - 01.01.1987, Blaðsíða 90

Meðan að kýr voru í gamla fjósinu á Möðruvöllum voru
árskýr í kringum 25 — nokkru fleiri að vísu rétt fyrstu ár
stöðvarinnar þar. Við flutning í nýtt fjós hefur árskúm fjölgað
eins og taflan sýnir og eru nú orðnar röskar 37. Sá fjöldi er
nauðsynlegur — raunar lágmarksfjöldi til að hafa nægilegan
efnivið í tilraunir. Einnig má segja að sú eining sé tiltölulega
hagstæð í rekstri ef fullt verð fæst fyrir mjólkina. Fullvirðis-
réttur Tilraunastöðvarinnar núna er hins vegar aðeins
109.548 lítrar og því alllangt frá því að duga til að gefa fullt
verð fyrir mjólkina úr þeim kúm sem verið hafa. Á liðnu vori
snemma fékkst keyptur nokkur fullvirðisréttur fyrir nýlokið
verðlagsár. Þá voru flestir kálfar settir á bæði til endurnýjunar
á stofni og til þess að nýta heimamjólk. Hugmyndin var að
vera með tilraunir á kálfaeldi en til þess hefur ekki gefið enn.
Fóðurbætir á kú og þó sérstaklega pr. framleiddan líter
nýmjólk er minni síðustu árin bæði sem afleiðing af því að
verið er með tilraunir þar sem reynt er að nota hey sem mest
en einnig hefur fóðurbætir verið sparaður vegna of lítils full-
virðisréttar.
Starfsmenn búsins önnuðust hirðingu á hrútum sæðinga-
stöðvarinnar og íslenska refnum sem var í rannsóknum í fjár-
húshlöðunni þar til allir refir voru sendir suður í Ölfus í
janúarlok 1987.
Síðla aprílmánaðar voru teknar inn í fjárhúshlöðuna 200
hvolpafullar minkalæður innfluttar frá Danmörku. Skyldu
þær vera þar í sóttkví. Tilgangurinn með þessum minkabú-
skap er sá að fá betri dýr til undaneldis. Voru læður þessar
fluttar frá Danmörku og eiga að vera í sóttkví í 14-16 mánuði.
Á meðan á að reyna að fjölga þessum dýrum svo sem unnt er
og dreifa síðan til minkabænda. Fandbúnaðarráðuneytið,
Búnaðarfélag fslands og Samband íslenskra loðdýraræktenda
standa að þessu máli en hafa með samningi falið Ræktunar-
félagi Norðurlands að sjá um rekstur sóttkvíabúsins, en Til-
raunastöðin á Möðruvöllum hefur hins vegar séð um hirðingu
og rekstur búsins og er ætlunin að svo verði áfram og eru
samningar hafnir milli Rf. Nl. og Tilraunastöðvarinnar um
það mál. Hús það sem verið er að byggja yfir minkana er og í
eigu Rf. Nl.
92