Ársrit Ræktunarfélags Norðurlands - 01.01.1987, Blaðsíða 8

búgreinar orðin meira áberandi en áður og loks má nefna að í
sumum búgreinum er þörfin fyrir markaðsráðgjöf orðin hluti
af störfum ráðunauta. Þegar þessu til viðbótar eru svo ýmis
lögbundin störf sem fyrir voru, þá er augljóst að það er ofviða
einum manni, jafnvel tveimur, að komast yfir að sinna þess-
um verkefnum og setja sig svo inn í mál að fullnægjandi sé. Af
15 búnaðarsamböndum eru aðeins fjögur sem hafa fleiri en
tvo ráðunauta á sínum vegum samkvæmt Handbók bænda
1987.
Auk héraðsráðunautastarfa gerir ríkið síðan kröfur til
kandídata í sambandi við landsráðunauta, rannsóknarstörf
og kennara búnaðarskólanna. Flest þessi störf kalla á kröfur
um frekari menntun en BS 90 og því er ljóst að krafan um
háskólamenntun á fyllilega rétt á sér. Spurningin er fyrst og
fremst um formið. Loks eru það svo aðrir aðilar, svo sem véla-
og fóðursalar, sem nýta sér menntun búfræðikandídata.
Kröfur þessara aðila geta verið mjög mismunandi. Dæmi um
þá sem krefjast sérhæfðrar þekkingar eru til dæmis fóðursalar
en útgáfustarfsemi, stjórnsýsla og erindrekstur ýmisskonar
gera kröfur um alhliða þekkingu.
í ljósi þess sem fram hefur komið langar mig að draga upp
mynd af hugsanlegu framtíðarskipulagi þess leiðbeininga-
kerfis sem búfræðikandídatar starfa við.
Ég vil taka það fram strax að ég legg ekki mat á hvort
félagskerfi bænda þróast á þann veg að sérgreinafélög hafi
með leiðbeiningaþjónustu að gera, eða hún verði áfram á
hendi búnaðarsambandanna og Búnaðarfélags íslands. I
fljótu bragði virðist þetta hvort tveggja geta farið saman.
Markmið kerfisins væri meðal annars að afmarka og sérhæfa
verksvið einstakra leiðbeinanda þannig að ráðgjöf skili sér
betur til bænda jafnframt því að vinnustaðir og umdæmi
verði það stór að hægt sé að línuskipta starfseminni.
Leiðbeiningaþjónustan gæti þá frekar en nú einbeitt sér að
ákveðnum markhópum og sérverkefnum. Loks sýnist mér að
stefna beri að því að aðskilja betur störf sem eru unnin beint
fyrir einstaka bændur og þau eftirlits- og stjórnsýslustörf sem
ríkið gerir kröfur um að ráðunautar sinni.
10