Frjáls verslun - 01.02.1968, Blaðsíða 13

FRJÁLB VERZLUN
13
Þessi loftmynd sýnir sýningarsvæðið, þar sem Iieimssýningin árið 1970 á að fara fram, og næsta nágrenni
þess. Er svæðið á Senri-hæðunum, um það bil 10 km. frá miðhluta Osakaborgar.
er á svonefndum Senri-hæðum,
skammt frá hinum fornu höfuð-
borgum Japans, Kyoto og Nara,
og hefur mikil vinna verið lögð i
að jafna landslagið og breyta því
þannig, að það henti sem bezt sem
sýningarsvæði. í næsta nágrenni
sýningarsvæðisins eru nokkrir
stórir skemmtigarðar og fjölmarg-
ar skólabyggingar, sem setja svip
á umhverfið.
Ef nágrannaborgirnar, sem næst
liggja Osaka, eru taldar með, er
íbúatalan nærri sjö milljónir, og
ef nágrannabæjum og héruðum er
bætt við, verða íbúarnir rúmar 10
milljónir talsins. Þessi hópur vinn-
ur að framleiðslu mikils hiuta jap-
ansks iðnaðar, og frá þessu svæði,
sem Stór-Osaka (sbr. Stór-Reykja-
vík) nær yfir, kemur um þriðj-
ungur allrar útflutningsfram-
leiðslu Japans.
Þetta verður ekki fyrsta sýning-
in, sem haldin verður í borginni
Osaka, því að þar hafa verið
haldnar alþjóðlegar vörusýningar
allt frá árinu 1954, annað hvert
ár, með þátttöku allt að 30 þjóða.
Sýningin „EXPO 1970".
Það, sem olli því, að Japanir
leituðu eftir að fá að halda heims-
sýninguna árið 1970, var það, að
á því ári eru talin vera liðin 100
ár frá því að Japan fór að stefna
að uppbyggingu og tók að tileinka
sér skipulag og aðra mikilvæga
þætti nútíma þjóðfélags. Japan nú-
tímans er sem sé talið verða 100
ára árið 1970.
Þessi heimssýning í Osaka er
fyrsta sýningin sinnar tegundar,
sem haldin er í Asíu, en heims-
sýningarnar hafa áður eingöngu
verið haldnar í borgum Evrópu og
Ameríku. Sýningin var formlega
ákveðin í maímánuði árið 1966,
og var þá talað um, að aðaltilgang-
ur hennar yrði að auka tengsl
austurs og vesturs, auk þess sem
hún yrði vettvangur nánari kynna
milli þjóða heimsins. Heimssýn-
ingin í Osaka verður að verulegu
leyti með líku sniði og heimssýn-
ingin í Montreal síðastliðið vor og
sumar hvað uppbyggingu snertir,
en ætlunin er að skipta henni í
mun fleiri deildir en þeirri síð-
ustu.
Einkunnarorð sýningarinnar
hafa verið valin „Progress and
Harmony for Mankind“, sem á
íslenzku mundu hljóða á þessa
leið: „Framfarir og samlyndi
mannkynsins“. Gefur það til
kynna, að leitazt mun við að
kynna á sýningunni þau afrek,
sem mennirnir hafa unnið á und-
anförnum áratugum, og þann
árangur, sem náðst hefur með nýj-
ustu þjóðfélagsháttum í þá átt að
tengja hinar ólíku þjóðir og þjóða-
brot saman.
Merki sýningarinnar hefur ver-
ið teiknað. Er það sérlega einfalt
og smekklegt, gert af einum
fremsta auglýsingateiknara Jap-
ana. Það á að vera tákn fyrir
einkunnarorð sýningarinnar í
Osaka 1970.
hoieCSS
Sængur-
fatnadur
sem
ekki þarS
ad straujaL
Mjög athyglisverð nýjung, sem sparar
tíma og erfiði. Höie Krepp er úr 100%
bómull, litekta, þolir suðu og er mjög
endingargott.
Fæst sem tilbúinn sængurfatnaður
eða sem metravara.
Viðurkenndar gœðavörur, sem fást I holztu
vefnaðarvöruverzlunum landsins.
EINKAUMBOÐ: MATS WIBE LUND jr.
HRAUNBÆ 34, REYKJAVlK, SlMI 81177