Frjáls verslun - 01.02.1968, Blaðsíða 43

FRJÁLS VERZLUN
43
IÐNKYNNING
1968
merkinu markað og skapa þvi
samkeppnisaðstöðu við áfengis-
tegundirnar, sem fyrir eru.
Samkvæmt skýrslum fyrir árið
1966, sem ná yfir lönd í Evrópu
og Ameríku, er ísland í níunda
sæti hvað snertir áfengisneyzlu í
lítrum á hvern íbúa. Það gefur því
von um, að áfengisframleiðendur
myndu leggja töluvert kapp á að
kynna sína vöru á íslandi, enda
sögðu þeir umboðsmenn, sem rætt
var við, að ekki myndi standa á
þeimað koma auglýsingum á fram-
færi, ef þær yrðu leyfðar.
Á íslandi er bjórinn einnigbann-
aður, en um auglýsingar á honum
gilda sömu reglur og um auglýs-
ingar á áfengi.
— O —
Þeir, sem ekki vilja áfengisaug-
lýsingar inn í landið, benda á, að
tilkoma þeirra myndi breyta mjög
áfengisneyzlu landsmanna til hins
verra og væri ekki á bætandi í
þeim efnum.
Hins vegar er það sjónarmið
líka þungt á metunum, hvort al-
menningur eigi ekki heimtingu á,
fyrst áfengi á annað borð er leyft
í landinu, að fylgjast með því, sem
er að gerast í framleiðslumálum
á áfengissviðinu, í stað þess að
reika um í myrkri vanþekkingar-
innar.
Auglýsingar hafa þótt nauðsyn-
legar á öllum sviðum, bæði fyrir
framleiðendur og neytendur, og
ætti áfengi ekki að vera nein und-
antekninghvað þetta snertir. Sam-
keppni auglýsenda hefur og jafn-
an þótt leiða til þess, að neytend-
ur gætu fundið út á heilbrigðan
hátt, hvaða vörutegund hentaði
þeim bezt hverju sinni.
Vínmenning íslendinga hefur
sjaldan þótt til fyrirmyndar, og
oftast nær hefur verið á það bent,
að íslendingar kynnu ekki að
smakka vín, heldur aðeins drekka
það. Fákunnátta okkar í áfengis-
málum stafar vafalaust að ein-
hverju leyti af skorti á upplýsing-
um um víntegundir og það hlut-
verk, sem hver tegund á að gegna.
Það er því með öllu öfgalaust
sjónarmið, þótt því sé haldið fram,
að tilkoma áfengisauglýsinga gæti
bætt þarna úr slæmu ástandi og
með því orðið öllum aðilum, sem
hlut eiga að máli, til góðs.
KYNNINGARSTARFSEMI
Um þessar mundir vinna Félag
íslenzkra iðnrekenda og Lands-
samband iðnaðarmanna að undir-
búningi mikillar kynningarher-
ferðar fyrir íslenzkan iðnað. Er
ráðgert, að iðnkynning þessistandi
allt þetta ár, en aðaláherzla verð-
ur á hana lögð í vor, haust og um
jólaleytið, en þetta eru þeir hlut-
ar ársins, sem iðnaðarframleiðsla
er mest keypt.
Af hálfu forráðamanna áður-
nefndra aðila er talið, að brýna
nauðsyn beri til að efla mjög áróð-
ur fyrir íslenzkum iðnvarningi, en
markmið kynningarinnar að þessu
sinni er aðallega tvíþætt. Annars
vegar að vekja þjóðina til auk-
innar íhugunar um mikilvægi ís-
lenzks iðnaðar og þörf iðnvæðing-
ar á íslandi og hins vegar að
hvetja alla íslendinga til aukinna
kaupa á íslenzkum iðnaðarvörum,
því að þannig er um leið stuðlað
að aukinni atvinnu, atvinnuöryggi
og velmegun. Verður í þessu sam-
bandi lögð áherzla á að vekja at-
hygli á aðstöðu neytenda til þess
að hafa jákvæð áhrif á iðnþróun
á fslandi með vali sínu á vörum,
þ. e. a. s. með því að kaupa frem-
ur íslenzkar framleiðsluvörur en
erlendar.
Undirbúningur kynningarinnar
er hafinn fyrir nokkru, og hefur
nú að undanförnu verið unnið að
gerð kynningaráætlunar. Hefur
meðal annars verið leitað til
stærstu samtaka vörudreifenda
um samvinnu við kynninguna,
meðal annars til Kaupmannasam-
taka íslands og Sambands ís-
lenzkra samvinnufélaga. Aukþess
mun verða leitað til margra ann-
ara aðila með samstarf við kynn-
ingu á innlendri iðnaðarfram-
leiðslu og framkvæmd hennar.
Má í því sambandi nefna dagblöð-
in, útbreidd vikublöð og tímarit,
auk hljóðvarps og sjónvarps.
Verða á þessum vettvangi fluttir
fræðsluþættir um iðnað og iðnað-
arframleiðslu öðru hverju allt ár-
ið.
Til þess að auka áhuga þeirra,
sem ætlazt er til að taki virkan
þátt í iðnkynningunni, er ráðgert
að efna til margs konar sam-
keppni, meðal annars verða veitt
verðlaun til þess fréttamanns, sem
talinn verður hafa skrifað eða
flutt bezta fréttaþáttinn um iðn-
aðinn á árinu. Einnig er ætlunin
að veita viðurkenningu fyrir góð-
an frágang á framleiðsluvörum,
snyrtilegasta útlitið á umbúðum
og smekklegustu auglýsinguna um
íslenzkar iðnaðarvörur á árinu
1968.
Boðað hefur nú verið til sam-
keppni um merki fyrir iðnkynn-
inguna. Merkið á að vera tákn
kynningarinnar, en einnig hefur
verið rætt um, að það geti orðið
eins konar gæðamerki, sem sett
yrði á íslenzkar iðnaðarvörur í
framtíðinni. Tillögum að merki
þessu þarf að skila fyrir 1. marz
til Félags íslenzkra iðnrekenda eða
Landssambands iðnaðarmanna, en
skrifstofur beggja þessara aðila
eru í Iðnaðarbankahúsinu við
Lækjargötu. Verða veitt ein verð-
laun að upphæð 20 þúsund krón-
ur, en ennfremur áskilja samtök-
in sér rétt til kaupa á hvaða til-
lögu sem er, samkvæmt verðskrá
Félags íslenzkra teiknara.
Iðnaðurinn er nú fjölmennasta
atvinnugrein íslendinga, en alls
lifir um þriðjungur landsmanna
á honum. Gefur því auga leið, að
nauðsynlegt er, að fólk kaupi ís-
lenzka iðnaðarframleiðslu fremur
en erlenda, ef iðnaður á að geta
staðið styrkum fótum í landinu.