Frjáls verslun - 01.09.1978, Side 8
áfangar
Ingimundur Sigfússon, forstjóri, var á síö-
asta aðalfundi Bílgreinasambandsins, sem
haldinn var á Húsavík í september kjörinn for-
maður sambandsins.
Aðilar innan Bílgreinasambandsins eru um
150, og er um helmingur þeirra úti á landi. (
Bílgreinasambandinu eru bifreiöainnflytjendur,
bifreiðaverkstæði og ýmsir aðrir aðilar er starfa
innan bílgreinarinnar, þ. á. m. hjólbarðaverk-
stæði og hjólbarðasalar.
Stefna Bílgreinasambandsins, að sögn Ingi-
mundar, er að gangast fyrir hagræðingu og
uppbyggingu bílgreinarinnar, og að aðilar í
Bílgreinasambandinu fái að starfa eðlilega, svo
að þeir séu færir um að veita þá þjónustu, sem
fólk á kröfu á.
Bílgreinasambandið vill m. a. beita sér fyrir
því, að bifreiðaverkstæði fái að annast árs-
skoðun bifreiða, sem hefur eingöngu verið í
höndum Bifreiðaeftirlits ríkisins, og var ályktun
þess efnis gerð á aðalfundinum. Bílgreinasam-
bandiö telur, að hægt sé að spara skattgreið-
endum stórar fjárhæöir með því að taka upp
þetta fyrirkomulag, að sögn Ingimundar.
— Bílgreinasambandið leggur mikla áherzlu
á, aö starfsskilyrði aðila úti á landi, sem eru í
sambandinu, séu bætt, sagði Ingimundur.
Ingimundur Sigfússon er fæddur 13. janúar
1938 í Reykjavík. Hann varð stúdent frá Verzl-
unarskóla íslands 1959, og lögfræðingur frá
Háskóla Islands 1967. Ingimundur hóf að námi
loknu störf hjá Heklu hf. fyrst í Caterpillardeild-
inni, en í október 1967 varð hann forstjóri fyrir-
tækisins.
Jón Tómasson, skrifstofustjóri borgarstjórn-
ar Reykjavíkur var á síðasta landsþingi Sam-
bands íslenzkra sveitarfélaga kosinn formaður
þess. Hlutverk sambandsins, að sögn Jóns, er
að vinna að og efla samstarf sveitarfélaga á
landinu og vinna að hvers konar sameiginleg-
um hagsmunamálum þeirra, ekki hvaö sízt út á
við t. d. gagnvart ríkisvaldinu.
Auk þess er hlutverk Sambands íslenzkra
sveitarfélaga að vinna aö almennri fræðslu um
sveitarstjórnarmál. Er það m. a. gert með út-
gáfu tímaritsins Sveitarstjórnarmál, ráðstefnu-
haldi og annarri fræðslu. öll sveitarfélög á
landinu eru aðilar að Sambandi íslenzkra
sveitarfélaga, 22 kaupstaðir og 202 hreppar.
Landsþing er haldiö á fjögurra ára fresti, að
afloknum sveitarstjórnarkosningum, fulltrúa-
ráðsfundir árlega og stjórnarfundir a. m. k. einu
sinni í mánuði.
Jón Tómasson erfæddur 7. desember 1931 í
Reykjavík. Hann varð stúdent 1951 frá
Menntaskólanum í Reykjavík, og lögfræðiprófi
frá Háskóla Islands lauk hann 1957. Að afloknu
námi í Háskóla Islands hélt Jón utan til Banda-
ríkjanna og nam þar við Colombia University í
New York. 1958 lauk hann þaðan meistaraprófi
í samanburöarlögfræði.
Fulltrúi hjá borgardómara var Jón 1958— 60,
en þá sneri hann sér að sveitarstjórnarmálum,
og varð sveitarstjóri á Seltjarnarnesi fram til
miðs árs 1963, og sveitarstjóri og lögreglustjóri
í Bolungarvík til 1966.
1966 varð Jón Tómasson skrifstofustjóri
borgarstjórnar. Hann á einnig m. a. sæti í
kjaradómi og kjaranefnd.