Frjáls verslun - 01.09.1978, Síða 68

byggd
Atvinnulíf á Akureyri
mjög f jölbreytt
Bankar — peningastofnanir
Á Akureyri eru rekin fjögur
bankaútibú, tveir sparisjóðir og
ein innlánsdeild.
Ríkisbankarnir þrír; Landsbanki,
Búnaðarbanki og Útvegsbanki eru
hver með sitt útibú. Þau starfa að
nokkru leyti sjálfstætt, en þurfa þó
að sækja undir aðalbanka í
Reykjavík í ákvörðunum um stærri
mál.
Iðnaðarbankinn rekur einnig
útibú á Akureyri og gildir hið sama
um það og ríkisbankaútibúin. Það
er sjálfstætt í flestu, en verður að
sækja undir aðalbanka í Reykjavík
um samþykki í stærri afgreiðslu-
málum.
Sparisjóður Akureyrar og Spari-
sjóður Glæsibæjarhrepps eru
starfandi á staðnum, svo og Inn-
lánsdeild KEA.
Umfang þessarra peningastofn-
ana er ákaflega misjafnt. Lands-
bankinn er lang stærstur, sem or-
sakast af mörgu, en meðal annars
af því að þar er KEA með öll sín
viðskipti, eða því sem næst, og
jafnframt ríkisstofnanir. Innlán í
Landsbankanum á Akureyri um
síðustu áramót námu 3.800 mill-
jónum króna.
Næstur á eftir Landsbanka
kemur Búnaðarbankinn. Innlán
þar námu um áramót um 1.300
milljónum.
Þar á eftir kemur Iðnaðarbanki
með innlán um 900 milljónir og
fjórði er Útvegsbanki meö um 800
milljónir.
Innlán sparisjóðanna á sama
tíma voru milli 2 og 300 milljónir
króna og Innlánsdeild KEA var
eitthvað fyrir ofan þá.
Verkaskipting er fyrir hendi milli
bankanna á Akureyri í þá veru aö
þeir standa nokkuð undir nafni.
Þannig hefur Búnaðarbankinn
Gróska í viðskiptum,
samgöngur tíðar,
þjónusta stóraukin oc
mikil starfsemi í iðn-
aði og sjávarútvegi
Þegar rætt hefur verið um við-
skipta- og atvinnulíf á Akureyri,
sem óumdeilanlega er höfuðstað-
ur Norðurlands, hefur jafnan verið
látið að því liggja, að þar eigi KEA
allt og nánar þurfi ekki um það að
fjalla. Þessi skoðun á sér grund-
völl, óneitanlega nokkuð sterkan,
en þó er hún röng. Kaupfélag Ey-
firðinga Akureyri er sterkt afl,
vafalaust sterkasta aflið í við-
skipta- og atvinnulífi á staðnum,
en að segja það einvalt er ekki
rétt, að minnsta kosti ekki í dag. Ef
tekin er saman starfsemi sam-
vinnuhreyfingarinnar sem slíkrar,
það er starfsemi KEA og starfsemi
Iðnaðardeildar Sambandsins á
Akureyri, hafa þessir aðilar að
vísu flest af stærri atvinnufyrir-
tækjum á Akureyri innan sinna
vébanda og reka starfsemi í flest-
um atvinnugreinum, en þó er
hvergi nærri allt upp talið, því
einkarekstur er á mörgum fyrir-
tækjum, í flestum greinum, og þar
á meðal eru nokkur stór á ís-
lenzkan mælikvarða.
Hér á eftir fer samantekt um
viðskipta- og atvinnulíf á Akureyri,
eins og það kom fyrir augu síðustu
vikuna í september síðastliðnum.
68