Frjáls verslun - 01.09.1978, Qupperneq 75

Hekla framleiðir um
100 þúsund buxur á ári
I fataverksmiðjunni Heklu á Ak-
ureyri hittum við fyrir þá Sigurð
Arnórsson, verksmiðjustjóra, og
Alfreð Almarsson, rekstrarstjóra
vinnufatagerðar Heklu. Við feng-
um þá til að segja okkur ofurlítið
frá verksmiðjunni.
„Það sem efst ber hjá okkur
núna eru að sjálfsögðu nýju bux-
urnar, sem við settum á markað
fyrir um einum mánuði," sögðu
þeir Sigurður og Alfreð. „Þessar
buxur, sem við seljum undir vöru-
merkinu Duffys, hafa tekið ákaf-
lega vel við sér. Við höfum hrein-
lega ekki haft undan að framleiöa.
Þarna er á ferðinni nýtt snið og nýtt
merki og þótt efnið sé í sjálfu sér
gamalt, það er denim, þá er þetta
öðruvísi denim, en við höfum til
þessa notað.“*
80—100 þúsund buxur á ári
„Með þessu érum við að reyna
að fara inn á þann markaö, sem við
höfum ekki verið á til þessa. Við
höfum verið með buxur á krakk-
ana, það er krakka sem eru svo
ungir að mamma kaupir enn bux-
urnar á þá, svo og höfum viö veriö
með buxur á fulloröna. Nú erum
við komnir inn á táningamarkað-
inn, sem er óneitanlega stærstur í
þessari framleiðslu.
Þess má geta að þetta eru ódýr-
ustu buxurnar á markaðinum. Við
höfum ekki enn haldbærar tölur
um framleiðslumagn undir þessu
merki, en allt í allt reiknum við meö
að framleiða um 80 til 100 þúsund
buxur á ári.“
Úlpur og peysur Ifka framleiddar
„Nú, það er fleira en buxur
framleitt hér og innan mánaðar
ætlum við að senda á markað tvær
nýjar gerðir af úlpum. Önnur er
miðuð viö konur, fullorðnar konur,
en hin á börn og unglinga, frá átta
ára aldri til tvítugs, eða svo. Þor-
steinn Gunnarsson hefur hannað
þær.
Aö sjálfsögðu eru svo alltaf aö
verða til hjá okkur nýjar og nýjar
peysur. Þar er um að ræða
munsturbreytingar og fleira.
Nú, svo eru á feröinni hér um
fimmtíu ný módel fyrir ullarútflutn-
inginn. Von er á umboðsmönnum
Sambandsins í Evrópu hingað á
næstunni og má reikna með ein-
hverri hreyfingu í sambandi við
það."
Buxnaframlelðsla f fullum gangl.
75