Frjáls verslun - 01.05.1980, Blaðsíða 19
Harður húsbóndi
undir
Öskjuhiiðarfæti
Ágreiningur um stefnu Flugleiða
Framkvæmdastjóri „látinn fljúga”
Það var eitthvað lítillega verið að minn-
ast á mannaskipti hjá Flugleiðum í
New York fyrir nokkru. Dagblöðin sögðu
þessi tíðindi í smáklausum og einhvers
staðar fylgdu þau ummæli, höfð eftir
Sigurði Helgasyni, forstjóra, að honum
væri ekki kunnugt um neinn ágreining,
sem látið var skína í að valdið hefði hinni
skyndilegu brottför John Loughery,
framkvæmdastjóra markaðssvæðis fé-
lagsins í vesturheimi, frá fyrirtækinu nú í
byrjun maí. En John Loughery hafði
sjálfur aðra sögu að segja.
Föstúdaginn 9. maí sendi fram-
kvæmdastjórinn starfsmönnum
Flugleiða í New York bréf, þar sem
hann segist láta af störfum aö eig-
in ósk vegna ágreinings við for-
ráðamenn Flugleiða um stefnumál
félagsins og framkvæmdaatriði.
Reyndar var Loughery gefinn
kostur á að skrifa þetta bréf og
pakka saman, áður en hann fengi
uppsagnarbréf frá Reykjavik
undirritað af Sigurði Helgasyni.
Sigurður Helgason
Pakkað saman,
matazt og kvatt.
Það hafði vakið athygli starfs-
manna Flugleiöa á Kennedy-flug-
velli, að fyrstu helgina í maí fór
lögfræðingur Flugleiöa í Banda-
ríkjunum, Delaney, í skyndiferð til
íslands en hann fer víst ekki nema í
mjög brýnum erindagjörðum á svo
norðlægar breiddargráður. Að
morgni miðvikudags 7. maí flutti
hann John Loughery erkibiskups
boðskap. Hlutirnir gerast hratt í
svona tilfellum í Ameríkunni.
Fráfarandi framkvæmdastjóri valdi
þann kostinn að skrifa sjálfur upp-
sagnarbréf, formsins vegna, og til
að bæta stöðu sína í væntanlegri
atvinnuleit, þar sem ekki er margra
kosta völ.
Um hádegi daginn eftir var John
Loughery búinn að laga til á skrif-
borðinu og ferðbúinn. Hádegis-
verður í kveðjuskyni með nokkr-
um nánustu samstarfsmönnum
um næstum tveggja áratuga skeið.
Svo var hann floginn út í óvissuna
þessi írski flugmálastarfsmaður,
sem. Loftleiðir buöu á sínum tíma
velkominn til starfa úr hreiðri
helzta óvinarins á þeim tíma SAS.
Mánudaginn 12. maí var blaða-
fulltrúa Flugleiða hérlendis ekki
kunnugt um að forstjóraskipti
N
hefðu átt sér stað hjá félaginu í
New York og Sigfús Erlingsson,
viðskiptafræðingur hefði í vikunni
á undan tekið við af John Loug-
hery. Úr því að blaðafulltrúanum
var ókunnugt um þessi tíðindi má
gera ráð fyrir aö þau hafi verið á
fárra vitorði innan fyrirtækisins.
19