Frjáls verslun - 01.05.1980, Blaðsíða 7

Benedikt Bogason hefur verið ráðinn verk-
fræðilegur ráðunautur við Framkvæmda-
stjórnun ríkisins.
Benedikt er fæddur hinn 17. september
1933. Hann lauk stúdentsprófi frá Menntaskól-
anum í Reykjavík árið 1953 og fór þá til náms í
byggingarverkfræði í Finnlandi. Prófi lauk hann
í þeirri grein frá tækniháskólanum í Helsingfors
árið 1961.
Að loknu námi kom hann heim og varð fram-
kvæmdastjóri Flóaveitunnar og Ræktunarsam-
bands Flóa og Skeiða. Því starfi gegndi hann til
vorsins 1964 er hann réðst sem almennur
verkfræðingur til gatnamáladeildar borgar-
verkfræðings í Reykjavík. Því starfi gegndi
Benedikt til ársins 1971. Þá gerðist hann kenn-
ari við Tækniskólann.
Árið 1973 stofnaði Benedikt eigin verkfræöi-
stofu og hefur rekið hana síöan.
Benedikt var spurður að því í hverju starf
hans fælist sem verkfræðilegur ráðunautur hjá
Framkvæmdastofnuninni: „Starfiö felst í því að
ég fjalla um ýmis þau tækniatriði sem hér eru til
meðferöar og einnig er starfið hugsað þannig
að einn verkfræðingur sé trúnaðarmaður
stofnunarinnar.
Mér finnst þetta vera afskaplega athyglisverð
starfsemi sem hér fer fram og ef vel er á spöð-
um haldið þá getur hún gert mjög mikið gagn.“
Arnmundur Bachman hefur verið ráðinn að-
stoðarmaður heilbrigðis- og félagsmálaráð-
herra.
Arnmundur er fæddur hinn 15. janúar 1943.
Hann lauk stúdentsprófi frá Menntaskólanum á
Akureyri árið 1964 og síðan prófi úr lagadeild
Háskóla íslands 1970. Arnmundur fór þá til
framhaldsnáms í vinnurétti til Noregs og eftir
það nám réðst hann í sjávarútvegsmálaráðu-
neytið, sem fulltrúi þáverandi ráðherra, Lúðvíks
Jósefssonar. Þar starfaði hann til ársloka 1976.
I’ ársbyrjun 1977 opnaði Arnmundur eigin
lögfræðiskrifstofu og hefur rekið hana síðan.
Aðalviðfangsefni hennar hefur verið vinnurétt-
ur og þjónusta við stéttarfélögin , sem falist
hefur í m.a. lögfræðilegri ráðgjöf.
Arnmundur var spurður að því hvernig hon-
um líkaði við hið nýja starf sitt:
,,Ég er nú aðeins rétt að kynnast því og
starfsaðferðunum, þvi frá ráðningu var gengiö
1. júní s.l. Þetta er þó spennandi viðfangsefni
og snertir bæði sérþekkingu mína í vinnurétti
og áhugamál mín, sem eru stjórnmál. Óneitan-
lega hlakkar maður til þess aö takast á hendur
þetta verkefni."
7