Frjáls verslun - 01.10.1993, Blaðsíða 31

ir þungavigtarmenn í íslensku við-
skiptalífi og nægir að nefna Ingimund
Sigfússon í Heklu, Áma Samúelsson
bíókóng, Gunnar Dungal fram-
kvæmdastjóra Pennans, Bolla kaup-
mann í 17, og fleiri koma þar við sögu.
„Þetta er mikill vinnuþjarkur og
geysilega vel skipulagður,“ segir
Gunnar Dungal, svili Ósk-
ars. „Hann er snjall samn-
ingamaður, fljótur að átta
sig og mjög rökfastur í deil-
um.“
Óskar les mikið í fríst-
undum sínum og er að sögn
alæta á góðar bækur. Hann
fékkst talsvert við blaða-
mennsku og sagt er að hann
hafi gengið með rithöfund í
maganum eins og fleiri í því
fagi. Meðal eftirlætishöf-
unda hans má nefna Einar
Kárason, og Einar Má
Guðmundsson en af erlend-
um höfundum er það Oscar
Wilde, nafni hans, sem hann
hefur hvað mest dálæti á.
Samstarfsmenn Óskars í
Ríkisútvarpinu voru Þórunn
Gestsdóttir ritstjóri, Guð-
mundur Ámi Stefánsson
heilbrigðisráðherra og Guð-
jón Friðriksson sagnfræð-
ingur. Þetta var á hinum
steinrunnu árum Ríkisút-
varpsins þegar nauðsynlegt
þótti að í hópi umsjónar-
manna væru fulltrúar allra
stjómmálaskoðana. Þáttur
þeirra, I vikulokin, varð vin-
sæll og margt var brallað
sem var á skjön við viðtekn-
ar venjur. Þau voru fyrst til
þess að gera símaat að út-
varpsefni sem nú er orðin gömul
lumma. Þegar Óskar hringdi í kaupfé-
lagsstjóra úti á landi og seldi honum
900 pör af gúmmískóm númer 43 og
ullarsokka með kom áminning frá
Andrési Björnssyni sem var á Óskar
eins og vatnsgusa á gæs. Það þótti
ekki við hæfi að nota útvarpið til þess
að atast í fólki.
HEFUR EKKIÞOUNMÆÐI
GAGNVART AULUM
„Hann er vinur vina sinna, mikill
húmoristi, útsjónarsamur og ráða-
góður,“ segir Þórunn Gestsdóttir rit-
stjóri, „hann er skjótur í svörum og
mörgum finnst hann hrokafullur en
hann er fljóthuga og beinskeyttur en
hefur ekki þolinmæði gagnvart aul-
um.“
Óskar stundar veiðimennsku í
frístundum sínum og er meðlimur í
veiðifélagi sem heitir SalmoJuris. Fé-
lagið samanstendur, eins og nafnið
gefur til kynna, einkum af lögfræðing-
um. Félagið fer eina veiðiferð á ári í
ýmsar ár og er reynt að hafa ferðina
eins glæsilega og kostur er. Síðastlið-
ið sumar fóru fisknir lögfræðingar í
Laxá í Dölum. Þar eltist Óskar á sín-
um tíma sem blaðamaður við stórfisk
á þurru landi þegar hann tók viðtal við
Neil Armstrong geimfara sem fékkst
þar við veiðar.
Þeir sem sögðu skrifara kost og
löst á Óskari varð tíðrætt um að hann
tæki aldrei á sig krók framhjá átökum.
Hann gengi jafnan beint framan að
mönnum og væri óragur við að segja
mönnum skoðun sína á frammistöðu
þeirra og léti sér í léttu rúmi liggja
þótt hann eignaðist óvini. Þeir bentu
jafnframt á að þetta væri hæfileiki
sem Óskari gæti verið hollt
að temja nokkuð. Harður
nagli sem enginn ætti að
takast á við nema vera vel
undirbúinn. Þarna fer maður
sem með framkomu sinni
hefur stundum eignast óvini
en er nákvæmlega sama og
tekur ekki á sig krók til að
smjaðra fyrir einum eða
neinum. Mönnum bar þó
saman um að eftir átök væri
jafnan stutt í gamansemina
og Óskar ætti til að vera
meinstríðinn og hrekkjótt-
ur, „eins og hann á ætt til,“
bætti gamall vinur hans við.
„Stundum ætti hann að
sitja á sér í eina umferð.
Honum finnst gaman að át-
ökum og stundum skelfir
hann menn með þessum lát-
um,“ sagði fyrrum sam-
starfsmaður sem sagði að
Óskar væri sanngjam en
óvæginn baráttumaður því
hann beygir sig gjaman fyrir
rökum.
„Þetta er einhver besti
vinnufélagi sem hægt er að
hugsa sér. Hann er harð-
duglegur, sanngjarn og stutt
í gamansemina. Við unnum
saman bæði í byggingar-
viimu og við blaðamennsku
og mér líkaði það ávallt vel,“
sagði Sigurður Valgeirsson ritstjóri
sjónvarpsþáttarins Dagsljóss í sam-
tali við blaðið. Þeir Óskar bjuggu í
sömu blokk í Vogunum og fylgdust að
í gegnum barnaskóla og menntaskóla.
„Hann er höfðingi við vini sína,
veitull og örlátur. Hann er mjög jarð-
bundinn og raunsær í viðskiptum.
Hann getur komið manni á óvart með
hlýju sinni þrátt fyrir harðan skráp.
Hann er harður í horn að taka og ég
býst við að hann sé erfiður andstæð-
ingur ef menn strjúka honum öfugt.“
ð U
ð
V
ð
Óskar Magnússon forstjóri Hagkaups. Um hann er
sagt: „Hann er harðduglegur, sanngjarn og stutt er í
gamansemina hjá honum. Ég býst þó við að hann sé
erfiður andstæðingur ef menn strjúka honum öfugt.“
31