Frjáls verslun - 01.04.1995, Page 46

ERLEND VEITINGAHUS
Baltimore:
FRÁBÆRT í HAMPTON’S
BSigmar B.
Hauksson skrifar
reglulega um
þekkta erlenda
business veitinga-
stabi í Frjálsa
verslun.
Það þótti góð þumalfingursregla að
veitingastofur á hótelum væru ekki
bestu veitingastaðir sem völ væri á.
Flestir þeir, sem dvelja á hótelum,
snæða frekar á minni veitingastöðum
fyrir utan hótelið en á veitingastofu
hótelsins. Þetta vita hótelhaldarar
nútímans. Á undanfömum árum hafa
því flest betri hótel lagt æ rík-
ari áherslu á góða veitinga-
staði innan veggja hótelanna.
Það skiptir miklu máli að halda
gestinum inni, ef svo má að
orði komast, fá hann til að
eyða sem mestu fé inni á hót-
elinu.
Verð á gistingu hefur hækk-
að all verulega á síðari árum.
Hóteleigendur verða því að
kappkosta að bjóða gestum
sínum eins fjölbreytta þjón-
ustu og unnt er og í því sam-
bandi skiptir sala góðra veit-
inga miklu máli.
Á mörgum hótelum í
Bandaríkjunum, Evrópu og
Asíu má því finna eina bestu
veitingastaði heims. THE HARBOR
COURT HOTEL í Baltimore í Maryl-
andfylki í Bandaríkjunum er einstak-
lega fallegt hótel og á fögrum stað eða
niðri við innri höfnina í Baltimore.
Hótelið hefur upp á öll hugsanleg
þægindi að bjóða: Sundlaug, líka-
msræktarstöð og góða veitingastaði.
Aðal veitingastaður hótelsins nefnist
Hampton’s og er hann talinn einn af
bestu veitingastöðum Bandaríkjanna,
hvorki meira né minna. Matseðillinn
er frekar einfaldur og virkar frekar
óspennandi við fyrstu sýn. Matreiðsl-
an er hinsvegar í hæsta gæðaflokki og
aðeins er notast við úrvals hráefni.
Af forréttum mætti nefna gæsalifur
frá New York sem var í mjög háum
gæðaflokki, ravioli með villisveppa-
fyllingu og kryddjurtasósu. Þá mætti
nefna sveppaseyði með tómat og
ferskt salat með krabbakjöti, fersku
grænmeti og sítrusávöxtum. Besti
fiskrétturinn var rauðspretta með
krabbafyllingu og sítrónu og gras-
laukssmjöri. Af kjötréttunum var
öndin aldeilis frábær og piparsteikin
var hreint meistaraverk.
Þrátt fyrir að Hampton’s sé einn af
betri veitingastöðum Bandaríkjanna
er verðlag þar sérlega hagstætt.
Meðalverð forrétta er um 12 doUarar,
og súpur um 6 dollarar, salat kostaði
um 8 dollara. Fiskréttirnir kostuðu að
meðaltali 28 dollara og kjötréttirnir
um 30 dollara. Öndin kostaði 24 doll-
ara eða um 1.500 krónur. Verðlagið á
Hampton’s var því hagstæðara en á
mörgum, ef ekki flestum betri veit-
ingastöðum í Baltimore.
Vínlistinn er haganlega saman sett-
ur og var verðið á frönsku vínunum
mjög hagstætt, allavega ef miðað er
við verðlag í Evrópu. Á sunnudögum
er mikið um að vera á Hampton’s því
að þá er BRUNCH, sem er eiginlega
sameiginlegur morgun- og hádegis-
verður. Með máltíðinni er boðið upp á
kampavín og geta menn drukkið það
að vild og er það innifalið í verðinu,
enda kynnir hótelið þessa uppákomu
sem Champagne Brunch.
Á boðstólum er fjöldi rétta, nefna
mætti Maryland krabbasúpu, reyktan
lax, eggjakökur með margskonar fyll-
ingum, grillaðan kjúkling, ostrur,
gufusoðinn lax,humarsalat og kálfa-
kjöt. Já, allir ættu að geta fundið eitt-
hvað við sitt hæfi. Þjónustan á þess-
um frábæra veitingastað var auðvitað
fyrsta flokks.
Á undanfömum árum hefur orðið
mikil þróun í bandarískum veit-
ingarekstri. Fullyrða má að
Bandaríkjamenn gefi Evrópubú-
um lítið sem ekkert eftir í þess-
um efiium og flestar nýjungar,
sem orðið hafa í þessum efnum,
hafa orðið í Bandaríkjunum. í
Marylandfylki er mikið og gott
úrval af skelfiski og villibráð. Þá
er vín framleitt í fylkinu og em
sum hvftvúiin ágæt.
í nágrenni Baltimore era fal-
legar sveitir, í borginni er ein
besta sinfóníuhljómsveit Banda-
ríkjanna og gott listasafn. Svæð-
ið í kringum höfnina er sérlega
skemmtilegt. Þar em göngu-
götur, fjöldi veitingastaða og lít-
illa verslana. í Baltimore em
margir sérlega góðir sjávarréttastaðir
og ítölsk veitingahús, auk fiölda kráa og
skemmtistaða. Besti veitingastaðurinn
er þó Hampton’s og þið ykkar, sem
hyggið á ferð til Baltimore, ættuð ekki
að láta hjá líða að snæða á þessum
frábæra veitingastað.
Hampton’s
Harbor Court Hotel
550 Light Street
Súni 410 - 234 - 0550
Fax 410 - 659 - 5925
Hamton’s er aðal veitingastaður The Harbor Court
hótelsins í Baltimore. Hann er talinn einn af bestu
veitingastöðum Bandaríkjanna.
46