Morgunblaðið - 12.01.2001, Síða 54

HESTAR
54 FÖSTUDAGUR 12. JANÚAR 2001 MORGUNBLAÐIÐ
Útsala Útsala...
v/Nesveg, Seltjarnarnesi,
sími 561 1680.
Opið daglega frá kl. 10—18,
laugard. frá kl. 10—14.
tískuverslun
Ákveðið hefur verið að hætta útgáfu
ritanna Hrossaræktin I og II vegna
þess hve áhugi á að kaupa ritið hefur
minnkað mikið á undanförnum árum
Að sögn Ágústs Sigurðssonar,
hrossaræktarráðunautar BÍ, hefur
sala á Hrossaræktinni í prentuðu
formi stórminnkað eftir að allir kyn-
bótadómar og kynbótamat hrossa
fóru að birtast bæði á margmiðlun-
ardiskinum Íslandsfeng og á Netinu
á Veraldarfeng. Því hafi þessi
ákvörðun verið tekin.
Þeir sem hafa áhuga á að fá kyn-
bótadóma og kynbótamat prentað út
geta gert það beint af nýjum hrossa-
ræktarvef Bændasamtaka Íslands
eða úr Íslands- eða Veraldarfeng.
Einnig er hægt að fá þetta útprentað
hjá Bændasamtökunum á kostnað-
arverði.
Í næsta Frey sem að þessu sinni
er helgaður hrossaræktinni verða
birtar töflur yfir kynbótadóma og
kynbótamat. Þar verða auk þess fjöl-
margar greinar og skýrslur um
hrossaræktina árið 2000. Gert er ráð
fyrir að blaðið komi út í þessum mán-
uði.
Hrossaræktin I og
II ekki prentuð
Morgunblaðið/Ásdís Haraldsdóttir
GOTT dæmi um vef sem án vafa á
eftir að nýtast hestamönnum vel er
Hrossaræktarvefur Bændasamtaka
Íslands sem hefur verið endurnýj-
aður og verður fljótlega formlega
opnaður. Er óhætt að segja að nán-
ast allar upplýsingar sem hesta-
menn þurfi séu þar með orðnar að-
gengilegar á Netinu. Svo virðist sem
markmiðið með þessum nýja vef sé
að þeir sem hann skoði geti nálgast
allar upplýsingar um hrossarækt
sem liggja fyrir eða geti tengst þeim
af vefnum.
Upplýsingar um kynbótasýn-
ingar, keppni og félagsmál
Svo tekið sé dæmi um upplýsing-
ar á vefnum eru þar auðvitað allar
upplýsingar um kynbótadóma og
kynbótamat, ræktunarmarkmið,
reglur um kynbótasýningar og skrá
yfir kynbótasýningar, útskýring
einkunnaskalans, lög og reglugerðir
um hross og hrossahald og fleira og
fleira. Ljóst er að þessi upplýsinga-
banki á eftir að spara mörgum tíma,
fé og fyrirhöfn. Slóðin er
www.bondi.is/wpp/bondi.nsf/pages/
hrossaraektin.
Landssamband hestamanna-
félaga er einnig með vef,
www.lhhestar.is þar sem meðal ann-
ars eru upplýsingar um allar keppn-
isreglur, formenn hestamannafélaga
og þá sem sitja í nefndum á vegum
LH. Auk þess er gefin út mótaskrá
hestamannafélaganna á vefnum. Á
vef LH er einnig hægt að lesa um
hvernig tillögur á ársþingi LH eru
afgreiddar og því auðvelt fyrir alla
sem vilja að fylgjast vel með.
Nýlega var vefur Félags hrossa-
bænda, www.stak.is/fhb/, einnig
endurnýjaður. Á honum eru ýmsar
góðar upplýsingar bæði um stjórn
félagsins, aðildarfélög og forsvars-
menn þeirra, lög félagsins og ekki
síst fundargerðir.
Nokkur stærstu hestamanna-
félögin í landinu, Fákur, Hörður og
Sörli, hafa einnig komið sér upp
heimasíðum til upplýsinga fyrir
félagsmenn sína sem hlýtur að
verða til þess að koma á betri og
beinni samskiptum milli þeirra og
stjórnar félaganna. Varla er til betri
aðferð til að minna á starfsemi
félaganna en að opna heimasíðu og
þykir eflaust mörgum öðrum en
félagsmönnum gaman að fylgjast
með hvar félagslífið blómstrar helst.
Mörg hrossaræktarbú eru nú
komin með heimasíður og einnig
einstaklingar, svo sem tamninga-
menn, járningamenn og þeir sem
hafa hross til sölu. Sumar heimasíð-
urnar eru mjög vel úr garði gerðar
og veita góðar upplýsingar eins og
tilgangurinn með þeim hlýtur að
vera. Nokkuð hefur verið um að
upplýsingum um marga aðila hafi
verið safnað saman á einn stað, t.d.
hjá Hrossabankanum í Skagafirði,
www.horse.is. Þá hefur Eiðfaxi
stofnað nýtt netfyrirtæki með ýms-
um samtökum hestamanna og gefst
einstaklingum og samtökum kostur
á að vista heimasíður sínar og hafa
upplýsingar á www.eidfaxi.is.
Nokkur hrossaræktarsamtök
hafa líka heimasíðu, t.d. Hrossa-
ræktarsamtök Suðurlands, Hrossa-
ræktarsamband Vesturlands, Hrs.
Eyfirðinga og Þingeyinga og Hrs.
Austurlands. Þá eru Samtök hrossa-
bænda í Austur-Húnavatnssýslu og
Hrossaræktarsamband Skagfirð-
inga með heimasíður vistaðar hjá
Hrossabankanum. Mjög misjafnt er
hversu mikil áhersla er lögð á að
uppfæra síðurnar og halda þeim lif-
andi. Því miður hafa margar hestas-
íður farið vel af stað en staðnað svo
algerlega og orðið engum til gagns.
Menntun, rannsóknir
og dýralækningar
Meiri fróðleik, svo sem um
menntun, rannsóknir og fleira, er
einnig að finna á heimasíðum
Bændaskólanna á Hólum og Hvann-
eyri og hjá Hestamiðstöðinni í
Skagafirði. Þá má ekki gleyma bún-
aðarsamtökum víða um land, land-
græðslunni og fleiri aðilum sem á
einhvern hátt tengjast hesta-
mennsku og hestahaldi.
Hestasíður eru óteljandi, sérstak-
lega ef þær erlendu eru taldar með.
Ástæða er fyrir fróðleiksþyrsta
hestamenn að vafra um Netið og
nota leitarvélarnar til að finna það
sem leitað er að. Hægt er að kynna
sér allt milli himins og jarðar, m.a.
um heilsufar og dýralækningar, sem
þeir sem halda hross geta haft mikið
gagn af. Ekki má þó gleyma því að
hafa alltaf í huga að skoða upplýs-
ingar af Netinu með gagnrýnu hug-
arfari. Um dýralækningar er best
að fræðast af heimsíðum viður-
kenndra dýralæknasamtaka eða
dýralæknaháskóla svo dæmi sé tek-
ið.
Að heltast ekki úr lestinni
Nú styttist í að WorldFengur
verði tilbúinn og í nánustu framtíð
verður öll skráning kynbótahrossa
rafræn. Það er því alveg ljóst að
þeir hrossaræktendur sem ætla að
vera með í skýrsluhaldinu og ekki
eiga tölvu þurfa að drífa í að eignast
hana ef þeir vilja ekki heltast úr
lestinni. Sama má segja um alla
aðra hestamenn sem vilja fylgjast
með því sem er að gerast á hinum
ýmsu sviðum hestamennskunnar.
Að lokum má ítreka að allar frétt-
ir og greinar sem birtast í Hesta-
þætti Morgunblaðsins eru jafnframt
birtar á mbl.is, á íþróttavef undir
Hestar, auk fleiri hestafrétta. Slóðin
beint inn á hestavefinn er
www.mbl.is/sport/hestar.
Upplýsingar um hesta-
mennsku flæða inn á Netið
Íslendingar eru óðum að tölvu- og netvæðast og
stór hluti þjóðarinnar er fljótur að tileinka sér
tækninýjungar. En eru hestamenn aftarlega á
merinni hvað þetta varðar? Ef svo er er ekki seinna
vænna að skella sér á nettengingu því eftir því sem
Ásdís Haraldsdóttir getur best séð flæða upplýs-
ingar og fróðleikur um hesta og hrossarækt nú inn
á Netið sem aldrei fyrr.
Meðal þeirra verkefna sem átaks-
verkefni í hrossarækt var falið að
vinna er mótun menntastefnu
hestamanna og stigun reiðkennslu.
Vinnuhópi á vegum átaksverkefn-
isins er falið að stjórna þessu verki
og munu meðal annars fá fagmenn
til að vinna að gerð námsefnis sem
notað verður í reiðkennslunni.Ág-
úst Sigurðsson hrossaræktarráðu-
nautur sem er formaður átaks-
verkefnisins sagði í samtali við
Morgunblaðið að þessi vinna tæki
tíma og hann sæi ekki fram á,
hversu ötullega sem unnið væri að
þessum málum, að hægt yrði að
fara að kenna samkvæmt stigunar-
kerfi reiðkennslu fyrr en næsta
haust. Þá er stefnt að því að sam-
ræmt námsefni verði einnig tilbú-
ið.
Í haust var unnin skýrsla um
stöðu námsefnis og gerð áætlun
um framgang málsins, þ.e. náms-
efnisgerð og tilraunakennslu en
vinnuhópurinn sem mun vinna
málið til enda er skipaður skóla-
stjórnendum fjölbrautaskólanna á
Suðurlandi og Sauðárkróki, full-
trúa landbúnaðarráðuneytis auk
verkefnisstjóra átaksins.
Ágúst sagðist hafa áhyggjur af
því að þegar hefðu nokkrir aðilar
auglýst nám í hestamennsku sam-
kvæmt nýju stigunarkerfi. Það
gæti engan veginn staðist þar sem
það væri ekki til. Upphaflegur til-
gangur með því að koma þessu
kerfi á var einmitt sá að hægt væri
að bjóða öllum þeim sem hug
hefðu á að mennta sig á sviði
hestamennsku, hvort sem um væri
að ræða almenna hestamenn eða
þá sem ætluðu sér að hafa atvinnu
af hestamennsku, upp á samræmt
kerfi og námsefni. Þeir sem byrj-
uðu á byrjuninni gætu því fikrað
sig upp á við. Þá mundu þeir sem
hefðu reynslu af hestamennsku
geta tekið stigspróf og haldið
áfram í samræmi við hvar þeir
væru á vegi staddir.
Hann lagði áherslu á að allir
þyrftu að gera sér grein fyrir því
að þessi vinna væri í höndum
átaksverkefnisins eins og því hefði
verið falið í samningi við landbún-
aðarráðherra. Átaksverkefnið
hygðist vinna þetta mál til enda og
leggja fram heilsteypta stefnumót-
un stigunarkerfis í reiðkennslu og
námsgögn. Fyrr en því væri lokið
gæti enginn boðið upp á reið-
kennslu samkvæmt nýju stigunar-
kerfi.
Stigunarkerfi
í reiðmennsku
tilbúið í
fyrsta lagi
næsta haust
♦ ♦ ♦