Morgunblaðið - 15.03.2001, Side 14

HÖFUÐBORGARSVÆÐIÐ
14 FIMMTUDAGUR 15. MARS 2001 MORGUNBLAÐIÐ
ÞAÐ er aðkallandi að ráðast í
að tvöfalda Reykjanesbraut
suður fyrir Arnarnesveg sem
fyrst, til að mæta fyrirsjáan-
legri umferðaraukningu
haustið 2001. Og eftir tvöföld-
un Reykjanesbrautar suður
fyrir Arnarnesveg verður
strax mikil þörf á tvöföldun
brautarinnar suður til Kapla-
krika. Þetta kemur fram í
nýrri greinargerð Verkfræði-
stofunnar Hnits hf, í sam-
starfi við Vinnustofuna Þverá
ehf, sem hefur að geyma
frumdrög að breikkun
Reykjanesbrautar milli Fífu-
hvammsvegar í Kópavogi og
Kaplakrika í Hafnarfirði.
Vegkaflinn er í landi Kópa-
vogs og Garðabæjar og liggja
bæjarmörkin um Arnarnes-
veg. Í greinargerðinni kemur
fram að áætlaður heildar-
kostnaður við framkvæmdirn-
ar, þ.e. tvöföldunina, gerð
mislægra gatnamóta og veg-
ganga, sé um 1,3 milljarðar
króna. Verkið er unnið í sam-
vinnu Vegagerðarinnar,
Kópavogs og Garðabæjar en
Hafnarfjörður kom einnig
lauslega að því.
Umferð eykst með
tilkomu Smáralindar
Í greinargerðinni segir að
umferðarspár áranna 2005,
2010 og 2020 geri ráð fyrir
mjög mikilli umferðaraukn-
ingu á Reykjanesbraut strax
á næstu árum og því sé nauð-
synlegt að ráðast fljótlega í
framkvæmdir svo komast
megi hjá alvarlegum umferð-
artöfum á álagstímum.
Í greinagerðinni kemur
fram að umferð vegna fyrir-
hugaðs verslunarkjarna í
Smáralind í Kópavogi muni
hafa mikil áhrif á umferð á
svæðinu. Ráðgert er að opna
verslunarmiðstöðina í haust
og í greinargerðinni segir að
þá strax megi búast við því að
hagsmunaaðilar í Kópavogi
muni koma fram með óskir
um að tvöfalda Reykjanes-
brautina suður fyrir Arnar-
nesveg. Í greinargerðinni
kemur einnig fram að það
valdi mikilli óvissu í umferð-
arspám hvernig möguleg
jarðgöng frá Hlíðarfæti við
Öskjuhlíð undir Kópavog
muni tengjast Reykjanes-
braut.
Byggingu austurakbrautar
Reykjanesbrautar frá Fífu-
hvammsvegi suður til Kapla-
krika er í frumdrögum skipt í
þrjá áfanga og er ráðgert á
þeim tíma að byggja mislæg
gatnamót við Arnarnesveg og
Vífilsstaðaveg og fimm undir-
göng og veggöng við Hnoðra-
holtsbraut.
Í fyrsta áfanga er gert ráð
fyrir tvöföldun Reykjanes-
brautar suður fyrir Arnarnes-
veg og mislægum gatnamót-
um þar, sem og tvennum
undirgöngum. Framkvæmda-
tími 1. áfanga samkvæmt
vegaáætlun er árin 2003–2004
en frumdrög benda á nauðsyn
þess að hann verði unnin árin
2002–2003. Áætlaður fram-
kvæmdakostnaður er 670
milljónir króna.
Í öðrum áfanga er gert ráð
fyrir tvöföldun Reykjanes-
brautar frá Arnarnesvegi að
Vífilsstaðavegi og mislægum
gatnamótum þar. Í þessum
áfanga er einnig gert ráð fyrir
þrennum undirgöngum.
Framkvæmdatími 2. áfanga
er áætlaður árið 2006 en sam-
kvæmt frumdrögum er mikil
þörf á honum strax eftir að 1.
áfanga lýkur. Áætlaður fram-
kvæmdakostnaður er um 500
milljónir króna.
Í þriðja áfanga er gert ráð
fyrir tvöföldun Reykjanes-
brautar frá Vífilsstaðavegi og
að Kaplakrika. Fram-
kvæmdatími er áætlaður árið
2008 en samkvæmt frumdrög-
um er mikil þörf á að ráðast í
hann strax eftir að 2. áfanga
lýkur. Kostnaður við 3. áfanga
190 milljónir króna.
Umferðarspár áranna 2005,
2010 og 2020 sýna þá umferð
sem búist er við að verði á
vegkaflanum miðað við gefna
verkáfanga, umferðaraukn-
ingu á höfuðborgarsvæðinu
og áætlaða þróun nálægrar
byggðar á tímanum.
Árið 2005, þegar 1. áfanga
framkvæmdanna er lokið, er
gert ráð fyrir að það verði
komin mikil umferð á einfalda
Reykjanesbraut sunnan Arn-
arnesvegar suður til Kapla-
krika, eða um 13.000 bílar á
sólarhring í hvora átt. Það er
því talið áríðandi, eins og kom
fram að ofan, að ráðast í 2. og
3. áfanga verksins sem fyrst
eftir að 1. áfanga lýkur.
Í greinargerðinni var um-
ferðarástand ársins 2010
skoðað miðað við að tvöföldun
Reykjanesbrautar til Kapla-
krika væri lokið. Samkvæmt
spánni munu um 18.000 bílar
aka um Reykjanesbraut
sunnan Vífilsstaðavegar á
hverjum sólarhring í hvora
átt.
Miðað við ofangreindar
spár áranna 2005 og 2010
verður á stuttum tíma um
50% aukning á umferð þess
vegkafla sem verður tvöfald-
aður hverju sinni og á það að
endurspegla þörfina á tvöföld-
un Reykjanesbrautar frá
Fífuhvammsvegi suður til
Hafnarfjarðar.
Brýnt að
hefja fram-
kvæmdir á
næsta ári
Höfuðborgarsvæðið

 

 

 

 

 

 
 

 

 

 

 

 
 



 
  
! " # ! $% "

& '! ( ) * "
 

" + ,
- ! 
( .

 
  


 


  
  
/
01 0   0   

1

$ 

  
(2





/!34!"
3-5"#*"
!  
6


"7
8 3 32   1 3 
 0 7   
 Tvöföldun Reykjanesbrautar og tengd umferðarmannvirki kosta um 1,3 milljarða króna
BORGARRÁÐ Reykjavíkur
samþykkti á fundi á þriðjudag
að ekki væri tilefni til að opna
á ný fyrir umferð um Bólstað-
arhlíð. Gegnumakstur um
Bólstaðarhlíð var bannaður
árið 1999 og götunni lokað við
Skaftahlíð. Í tengslum við
breytinguna var m.a. biðstöð
strætisvagna flutt frá íbúðum
aldraðra.
Rökin fyrir lokuninni voru
þau að draga úr slysahættu en
börn, sem búa í fjölbýlishús-
um austan götunnar, fara m.a.
yfir hana í Háteigsskóla. Lok-
unin sætti hins vegar mót-
mælum, m.a. frá íbúum í íbúð-
um aldraðra við götuna.
Á fundi í samgöngunefnd
borgarinnar nýlega var kynnt
bréf yfirverkfræðings um-
ferðardeildar borgarinnar
varðandi reynslu af lokun göt-
unnar. Nefndin samþykkti
bókun þar sem fram kemur að
hún telur, í ljósi fyrirliggjandi
upplýsinga um umferðar-
þunga og slysatíðni í Bólstað-
arhlíð og nálægum götum, að
ekki sé tilefni til að opna á ný
fyrir umferð um götuna.
Ákvörðun um lokun verður þó
endurskoðuð í ljósi nýrra upp-
lýsinga næsta haust. Borgar-
ráð staðfesti samþykktina.
Bólstaðar-
hlíð áfram
lokuð
Hlíðar
FORSVARSMENN Orku-
veitu Reykjavíkur og Frum-
herja hf. undirrituðu í gær tvo
samninga, sem metnir eru á
tæpa 1,2 milljarða króna.
Annars vegar er um að ræða
samning um kaup Frumherja
á tveimur mælaprófunar-
stöðvum Orkuveitu Reykja-
víkur og hins vegar þjónustu-
samning fyrirtækjanna þar
sem Frumherji tekur að sér
þjónustu við Orkuveituna á
þessu sviði.
Á blaðamannafundi sem
haldinn var af þessu tilefni í
höfuðstöðvum Frumherja að
Hesthálsi í Árbæ kom fram
að samningarnir væru liður í
að bregðast við breyttu
rekstrarumhverfi orkuveitna
og breytingum sem vænta
mætti við nýskipan orkumála.
Kaupverð prófunarstöðv-
anna er 259 milljónir króna en
þjónustusamningurinn, sem
er til 5 ára eins og áður sagði,
er metinn á 910 milljónir
króna eða ríflega 182 milljón-
ir á ári.
Orkuveita Reykjavíkur
hefur rekið tvær prófunar-
stöðvar, aðra vegna raforku-
kmæla en hina vegna mæla
fyrir heitt og kalt vatn. Stöðv-
arnar hafa annast innflutning
og prófun á rafmagns- og
rennslismælum fyrir veitu-
svæði fyrirtækisins. Þá hafa
prófunarstöðvarnar rekið
verkstæði, sinnt viðhaldi og
haldið lager.
Með kaupunum á prófunar-
stöðvunum tekur Frumherji
að sér alla starfsemi stöðv-
anna, eignarhald rafmagns-
og rennslismála og uppsetn-
ingu þeirra á veitusvæði
Orkuveitunnar. Fyrirtækið
mun taka við rekstrinum um
mánaðamótin.
Verð á rafmagni og
vatni breytist ekki
Ekki á að segja upp neinum
starfsmanni Orkuveitunnar
vegna þessara breytinga.
Orkuveitan og Frumherji
hafa samið um forgang starfs-
manna Orkuveitunnar að
störfum á þessu sviði hjá
Frumherja, en með kaupum á
stöðvunum skapast 9 stöðu-
gildi hjá Frumherja.
Sala prófunarstöðvanna og
þjónustusamningur Orkuveit-
unnar og Frumherja mun
ekki hafa áhrif á verð á raf-
magni, köldu eða heitu vatni á
veitusvæði Orkuveitu Reykja-
víkur. Þá mun Orkuveitan
áfram annast öll samskipti við
orkukaupendur og sinna út-
kallsþjónustu.
Orkuveita Reykjavíkur einkavæðir hluta af starfseminni
Gengið að tæplega 1,2 milljarða
króna tilboði Frumherja hf.
Reykjavík
Morgunblaðið/Jim Smart
Óskar Eyjólfsson, framkvæmdastjóri Frumherja hf. (t.v.), og Ásgeir Margeirsson, aðstoð-
arforstjóri Orkuveitu Reykjavíkur, undirrita kaupsamning á mælaprófunarstöðvum Orku-
veitunnar og fimm ára þjónustusamning.