Morgunblaðið - 17.03.2001, Síða 30

ÚR VERINU
30 LAUGARDAGUR 17. MARS 2001 MORGUNBLAÐIÐ
VERKFALL um 7.000 sjómanna á
skipum stærri en 12 tonn hófst
laust fyrir miðnætti á fimmtudag.
Verkfallið leggst misjafnlega í þá
sjómenn sem Morgunblaðið ræddi
við á Suðurnesjum í gær. Þeir telja
að verkfallið bitni mest á sjómönn-
um á vertíðarbátum, enda hafa
aflabrögð netabáta fyrir sunnan
land glæðst mikið síðustu daga,
eftir fremur dapra veiði í vetur.
Þeir sögðu að þó enginn væri
ánægður með að fara í verkfall.
Þeir þyrftu þó að sýna samstöðu
til að ná fram einstaka kröfum sjó-
manna í viðræðunum við útvegs-
menn. Þó skiptar skoðanir væru
meðal sjómannanna um hversu
raunhæfar kröfur sjómanna-
samtakanna væru í kjaraviðræð-
unum, voru þeir þó sammála um
að leiðrétta þyrfti slysatryggingar
og lífeyrisgreiðslur sjómanna. Þá
greindi samt á um hvort leggja
ætti áherslu á verðmyndunar-
málin. Þeir sögðu hinsvegar ótækt
að hafa verið án samninga síðast-
liðna þrettán mánuði og segja vont
að búa við það að eiga von á verk-
falli á þriggja ára fresti.
Skiptar skoðanir meðal sjómanna á Reykjanesi á sjómannaverkfallinu
Það var rólegt yfir höfninni í Sandgerði í gærmorgun þó allir bátar væru í höfn vegna sjómannaverkfallsins.
Morgunblaðið/RAX
Segja að sýna
þurfi samstöðu
„VIÐ erum ekki alveg sáttir við verk-
fallið. Ég greiddi reyndar atkvæði
með verkfalli á sínum tíma. Ég vildi
fá leiðréttingu á lífeyrisgreiðslum
sem löngu er orðið tímabært. Eins
verður að laga slysatryggingarnar
okkar,“ sagði Guðbjartur Sævarsson,
annar vélstjóri á netabátnum Happa-
sæl KE frá Keflavík. Hann sagði að
krafa sjómannasamtakanna um að
allan fisk skuli selja á markaði eigi
sér hinsvegar enga stoð. „Það er út-
breiddur misskilningur að verið sé að
svína á öllum sjómönnum sem ekki
landa á markað. Það eru hinsvegar
margir netabátar sem landa í beinum
viðskiptum og fá mjög gott verð fyrir
fiskinn. Það er bagalegt að fá verk-
fallið einmitt á þessum tíma. Við höf-
um fengið góðan afla síðustu daga en
við erum búnir að bíða lengi eftir
góðu fiskiríi í vetur. Það er ekki gott
að segja hversu langt verkfallið verð-
ur, sumir segjast munu leggja netin
strax eftir helgi en aðrir telja að við
förum ekki á sjó fyrr en eftir páska.
En manni virðist ekkert miða í þess-
um viðræðum, fremur en þá undan-
farna þrettán mánuði sem við höfum
verið samningslausir. Ég er ósáttur
við bæði mína talsmenn og útvegs-
menn fyrir að hafa ekkert aðhafst á
þessum tíma. Það með ólíkindum að
svona stór stétt þurfi að búa við það á
þriggja ára fresti að fara í verkfall,“
sagði Guðbjartur.
Guðbjartur Sævarsson, annar vélstjóri á Happasæl KE, kemur að landi í
Keflavík í gær en verið var að þrífa skipið fyrir verkfallið.
Morgunblaðið/RAX
Bagalegt að fá verkfall
„ÞAÐ er auðvitað enginn sáttur við
að vera kominn í verkfall. Verkfall
er alltaf neyðarúrræði en það er
auðvitað forkastanlegt að ekki
skuli vera búið að semja við okkur
um árabil og að við þurfum að
grípa til þessara aðgerða. Á sama
tíma heyrir maður að þessir menn
geti ekki ræðst við, ágreiningurinn
sé nánast orðinn persónulegur,“
sagði Valur Pétursson, annar stýri-
maður á frystitogaranum Hrafni
Sveinbjarnarsyni GK frá Grinda-
vík. „Ég tel að margar kröfur okk-
ar eigi fyllilega rétt á sér, sérstak-
lega varðandi tryggingamálin. Ég
sé hinsvegar ekki fyrir mér að það
náist sátt um verðmyndunarmál-
in.“
Kemur sér illa
fyrir alla
Valur segir að þótt auðvitað sé
alltaf slæmt að þurfa að leggja
skipum vegna verkfalls, komi það
langverst niður á vertíðarbátunum
og loðnuskipum. „Það hinsvegar
kemur sér illa fyrir alla að vera í
verkfalli. Ég tel að annaðhvort
leysist verkfallið innan fárra daga
eða eftir margar vikur. En vonandi
komast menn að skynsamlegri nið-
urstöðu sem fyrst,“ sagði Valur.
Kröfur eiga rétt á sér
Valur Pétursson, annar stýrimaður á Hrafni Sveinbjarnarsyni GK, segir
forkastanlegt að ekki náist samningar milli sjómanna og útvegsmanna.
Morgunblaðið/RAX
„ÞAÐ var tími til kominn að beita
verkfallsákvæðinu í kjarabaráttunni.
Þessi endalausu þrætumál verða
ekki leyst með öðrum hætti, enda er-
um við búnir að vera samningslausir
í þrettán mánuði,“ sagði Jóhann Jó-
hannsson, stýrimaður á loðnuskipinu
Seley SU frá Eskifirði, þar sem hann
vann að löndun í Grindavík í gær.
„Mér heyrist sjómenn almennt vera
tilbúnir að ganga langt í því að ná
fram kröfum sínum, en það er sjálf-
sagt breytilegt eftir því í hvers lags
veiðiskap þeir eru. Fyrir okkur
loðnusjómennina skiptir verkfallið í
sjálfu sér ekki sköpum. Vetrarver-
tíðin er nánast búin og veiðunum
sjálfhætt.
Það þarf að hækka kauptrygg-
inguna töluvert, enda er hún innan
við 100 þúsund krónur í útborguðum
launum á mánuði. Eins þarf að laga
slysatryggingar sjómanna, sem eru
skammarlega lágar og kostar blóð,
svita og tár að fá greiddar yfirhöfuð.
Þá þarf að gera verulegan skurk í
verðmyndunarmálunum. Ég á því
ekki von á öðru en að það sé sam-
staða meðal meirihluta sjómanna um
að ná fram þessum kröfum með
hörðu,“ sagði Jóhann.
Tími til
kominn
Jóhann Jóhannsson, stýrimaður á Seley SU, segir deilur sjómanna og út-
vegsmanna ekki leystar með öðru en verkfalli.
Morgunblaðið/RAX