Morgunblaðið - 27.03.2001, Blaðsíða 20

ÚR VERINU
20 ÞRIÐJUDAGUR 27. MARS 2001 MORGUNBLAÐIÐ
„BAUJA!“ kallar Óðinn Arnberg
Kristinsson, skipstjóri á netabátn-
um Gullfaxa GK frá Grindavík, út
um brúargluggann og skipverjar
gera sig klára fyrir að draga fyrstu
trossu dagsins. Það er rjómablíða á
Selvogsbanka, nánast logn og sól-
skin. Óðinn lagði netin, alls 6 tross-
ur, á Selvogsbanka daginn áður en
þá höfðu borist fréttir af góðu fisk-
iríi á „Bankanum“. Óðinn var með
netin við Krísuvíkurbjarg vikuna á
undan en þar hafði dregið heldur úr
aflabrögðunum og því ekki annað
að gera en að færa netin um set.
Skipverjar á Gullfaxa voru því von-
góðir um betri afla þennan daginn.
Gullfaxi er rúmlega 60 tonna tré-
bátur og nokkuð kominn til ára
sinna, smíðaður í Frederikssund í
Danmörku árið 1954. Óðinn segir
að þó búið sé að gera á bátnum
heilmiklar endurbætur, sé skrokk-
urinn nánast allur upprunalegur og
láti ekkert á sjá. „Þessir gömlu eik-
arbátar eru feikilega góð sjóskip,
menn finna varla fyrir veltingnum,“
segir hann þegar blaðamenn for-
vitnast af gefnu tilefni um veður og
sjólag á útstýminu frá Grindavík.
Aflabrögðin dagaskipt
Það er tæplega þriggja tíma stím
frá Grindavík á Selvogsbanka og
þegar er hafist handa við að draga
fyrstu trossuna. Hún veldur reynd-
ar dálitlum vonbrigðum, aðeins eru
í henni tæp 400 kíló af fremur
smáum fiski. Óðinn segir að aflinn
geti verið misjafn eftir dögum. Einn
daginn sé góður afli en þann næsta
sé nánast ekki neitt að fá. Hann
segist hinsvegar ekki kunna á því
neinar skýringar.
Faðir Óðins, Kristinn Arnberg,
útgerðarmaður í Grindavík, keypti
Gullfaxa GK frá Vestmannaeyjum
fyrir um tveimur árum. Óðinn er
með bæði skipstjórnar- og véla-
varðaréttindi og hefur verið til sjós
í fjölda ára. Hann tók við skipstjórn
á Gullfaxa GK í desember og segist
því enn vera tiltölulega blautur á
bak við eyrun í þessum bransa.
Hann segir að vertíðin hafi verið
óvenjuléleg í vetur. „Vertíðin hefur
verið léleg, reyndar alveg skelfileg,
miðað við það sem verið hefur á
þessum tíma undanfarin ár. Það
segja þeir mér að minnsta kosti
reyndari skipstjórar,“ segir Óðinn,
hógværðin uppmáluð. „Við erum
búnir að flengjast með netin um all-
an sjó á vertíðinni. Venjulega geta
þessir minni netabátar haldið sig
með netin á sömu blettunum
stærstan hluta vertíðarinnar en við
höfum mikið þurft að færa okkur
til. Við höfum til dæmis verið með
netin í Breiðafirði og lagt upp á
Rifi. Það komu þó nokkrir dagar
hérna sunnan við Reykjanesið um
daginn. Við fengum mest um 15
tonn af slægðum fiski eftir daginn.
Eins var líka góð veiði hjá bátunum
sem réru í verkfallinu en þá rérum
við ekki.“
Með of stóran riðil
Það gengur fljótt og vel að draga
netin, ekki síst vegna þess að aflinn
er tregur. Við og við gefur Óðinn
skipstjóri til kynna með háu kalli að
fiskur hafi losnað úr netinu og í sjó-
inn. Kristinn bróðir hans fer fim-
lega með hakann þegar hann sækir
fiskinn, enda besti „rúllumaður“
flotans að sögn skipsfélaganna.
Þegar yfir lýkur eru aðeins kom-
in tæp þrjú tonn um borð og það
þykir skipverjum heldur lélegt á
þessum árstíma. Allan daginn ber-
ast fréttir af aflabrögðum netabát-
anna á miðunum og allt er á sömu
bókina lært, aflinn er tregur. Þeir
sem eru með smærri riðil í net-
unum virðast hinsvegar vera að
fiska betur en Óðinn segist vera
með 8,5 tommu riðil í sínum netum.
„Líklega erum við með of stóran
riðil því stóri þorskurinn virðist
vera horfinn af þessum slóðum.
Þorskurinn hefur legið í loðnunni
síðustu vikur en nú er hún gengin
yfir miðin og þá leggst hann líklega
á meltuna niðri við botn.“
Skemmtilegast á netum
Óðinn segir að stærri netabát-
arnir séu að fá ágætan afla austan
við Vestmannaeyjar en á ekki von á
því að fara þangað sjálfur í bráð.
„Að minnsta kosti ekki nema það
spái góðu veðri. Við erum á of
litlum bát til að fara mjög djúpt
þegar spáin er tvísýn.“
Gullfaxi GK er gerður út á lúðu-
línu á sumrin, með þokkalegum ár-
angri að sögn Óðins. „Það þarf
hinsvegar að sækja langt, vel yfir
100 mílur út í haf, og þessi bátur er
of lítill fyrir slíkar úthafsveiðar. En
við erum með góðan bát og þess
vegna hefur þetta verið hægt.“
Skipverjarnir á Gullfaxa GK eru
allir af Suðurnesjum og ungir að ár-
um, allir um tvítugt. Þeir hafa allir
verið nokkur ár til sjós og segjast
ekki geta hugsað sér annað. Sér-
staklega sé gaman á netunum, það
sé kostur að fá að vinna alltaf undir
berum himni þó þeir viðurkenni að
vissulega geti orðið ansi kalt á
stundum. Það liggur vel á þeim
þennan dag, þótt lítill sé aflinn.
Veðrið er hinsvegar eins og best
verður á kosið og strákarnir taka
Netavertíðin fyrir sunnan land hefur valdið töluverðum vonbrigðum í vetur
Netavertíðin í vetur hefur valdið töluverðum vonbrigðum á Suð-
urnesjum en bátarnir róa nú af kappi í skugga sjómannaverkfalls-
ins, sem hefjast á 1. apríl nk. Helgi Mar Árnason og Ragnar
Axelsson fóru í netaróður með Gullfaxa GK frá Grindavík.
Þorskurinn
líklega lagstur
á meltuna
Morgunblaðið/RAX
Bergvin Ólafarson háseti greiðir úr netunum.
Skipverjar á Gullfaxa GK gera að öllum afla og hirða bæði gotu og lifur,
enda hefur fengist gott verð fyrir gotuna á mörkuðum síðustu vikur.
Óðinn Arnberg Kristinsson skipstjóri fylgist með úr brúarglugganum.