Morgunblaðið - 27.03.2001, Blaðsíða 64

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 27. MARS 2001 VERÐ Í LAUSASÖLU 165 KR. MEÐ VSK.
ÍSLENSKA krónan náði sögulegu
lágmarki í gær þegar vísitala krón-
unnar, sem mælir verð erlendra
gjaldmiðla í íslenskum krónum,
hækkaði um 0,48% í viðskiptum
upp á tæpa 10 milljarða króna og
endaði í 123 stigum. Er þetta mesta
velta á einum degi síðan í lok nóv-
ember á síðasta ári.
Skömmu fyrir lokun á milli-
bankamarkaði í gær, eftir að geng-
isvísitalan fór hæst í 123,15 stig,
greip Seðlabankinn inn í til að verja
gengissigið með kaupum á 1,6 millj-
örðum króna og sölu á 18 milljónum
dollara. Við þetta styrktist krónan
og vísitalan fór lægst í 122,2 stig en
styrkingin var skammvinn þar sem
fjárfestar nýttu tækifærið og
keyptu mikið af gjaldeyri. Endaði
vísitalan sem fyrr segir í 123 stig-
um.
Ársfundur Seðlabankans verður
haldinn í dag og í umræðum á Al-
þingi í gær sagði Davíð Oddsson
forsætisráðherra að stefnu Seðla-
bankans yrði breytt „alveg á næst-
unni“ eins og hann orðaði það.
Greinilegur órói
Inngrip Seðlabankans í gær voru
þau sömu í krónum talið og á föstu-
dag, þegar bankinn keypti krónur
fyrir 1,6 milljarða. Þau inngrip
höfðu óveruleg áhrif á gengi krón-
unnar. Bankinn hafði þá ekki gripið
inn í gengisþróunina síðan í byrjun
febrúar á þessu ári þegar hann
keypti fyrir rúman 1 milljarð 9.
febrúar.
Birgir Ísleifur Gunnarsson seðla-
bankastjóri sagði við Morgunblaðið
að gripið hefði verið inn í í gær sök-
um mikils óróa á markaðnum. Við-
skiptin hefðu einnig verið óvenju-
mikil.
„Okkur fannst of miklar sveiflur í
genginu þarna á tímabili svo við
ákváðum að koma inn og reyna að
róa það. En þrátt fyrir þessi kaup
fór gengið í sama horfið. Órói er
þarna greinilegur og við höfum
tengt það umræðunni um hugsan-
legt verðbólgumarkmið, sem gæti
hafa hreyft við fjárfestum. Við
sjáum engar efnahagslegar for-
sendur fyrir því að gengið lækki
núna,“ sagði Birgir Ísleifur.
Krónan í lágmarki
þrátt fyrir inngrip
ÞEIR eru kaldir karlar, skipverj-
arnir á netabátnum Gullfaxa GK
frá Grindavík. Að lokinni sjóferð á
Selvogsbanka um helgina létu þeir
sig ekki muna um að fækka hlífð-
arfötum og hampa góðum feng,
þrátt fyrir nístingsfrost. Heldur
hefur dregið úr aflabrögðum hjá
netabátum fyrir sunnan land og
var afli dagsins aðeins tæp þrjú
tonn. Skipverjarnir eru, f.v.: Krist-
inn Arnberg Kristinsson, Trausti
Sigurjónsson, Bergvin Ólafarson
og Þorbergur Þór Heiðarsson. Í
brúarglugganum má sjá Óðin Arn-
berg Kristinsson skipstjóra.
Kaldir karlar

Þorskurinn/20–21
Morgunblaðið/RAX
FAÐIR eins fórnarlamba flug-
slyssins í Skerjafirði, Friðrik
Þór Guðmundsson, hefur
ítrekað kröfu í bréfi til Sturlu
Böðvarssonar samgönguráð-
herra um að fram fari rann-
sókn vegna rannsóknar rann-
sóknarnefndar flugslysa
(RNF) á slysinu í Skerjafirði.
Undir kröfuna tekur einnig
Jón Ólafur Skarphéðinsson,
faðir piltsins sem lifði slysið
af, og fjölskylda Mohammads
Douglas, flugmanns vélar
Leiguflugs Ísleifs Ottesen
(LÍO).
Þess hefur einnig verið farið
á leit við ráðherra að rann-
sakað verði sérstaklega annað
flug LÍO að morgni mánu-
dagsins 7. ágúst 2000, sama
dag og slysið í Skerjafirði
varð. Þá var flogið með
tveggja hreyfla flugvél með
tveimur fleiri farþegum en
sæti var fyrir. Unnusti barns-
hafandi konu hafi setið
óspenntur á gólfi flugvélarinn-
ar og dóttir flugstjórans setið
óspennt í fangi unnusta síns.
Friðrik Þór hefur einnig
farið þess á leit við lögreglu-
stjórann í Reykjavík að fram
fari sérstök rannsókn vegna
ætlaðra réttarspjalla með sölu
á vélarhreyflinum skömmu
eftir slysið.
Annað flug
LÍO sama
dag verði
rannsakað

Flugslysið /30–33
STJÓRN Vátryggingafélags Ís-
lands náði á sunnudagskvöld sam-
komulagi um að stefnt skuli að
skráningu félagsins á Verðbréfa-
þingi Íslands á þessu ári. Axel
Gíslason, forstjóri VÍS, og Halldór
J. Kristjánsson, bankastjóri Lands-
bankans, sögðust í gær báðir vera
ánægðir með þá niðurstöðu sem
fengin væri í þessu máli.
Samkvæmt upplýsingum Morg-
unblaðsins hefur S-hópurinn svo-
kallaði (Samvinnutryggingar,
ESSO, Samvinnulífeyrissjóðurinn
og Líftryggingafélagið Andvaka)
fallist á að fara með sinn hlut í
félaginu úr 50% í 42% og Lands-
bankinn mun minnka sinn eign-
arhlut úr 50% í 39.
Jafnframt hafa aðilar komið sér
saman um að fækka í stjórn félags-
ins, þegar það verður skráð á Verð-
bréfaþingi Íslands. Þannig fái S-
hópurinn tvo stjórnarmenn, Lands-
bankinn tvo og nýir eigendur einn.
Liður í þessu samkomulagi er,
samkvæmt upplýsingum Morgun-
blaðsins, að eigendur Traustfangs
hafa samþykkt að leysa upp félag-
ið, en það á 19,02% hlut í Olíufélag-
inu hf. (ESSO), sem er að mark-
aðsvirði um tveir milljarðar króna.
Eigendur Traustfangs, VÍS, ESSO,
Samvinnulífeyrissjóðurinn og
Mundill (dótturfélag Samskipa), fá
hver um sig aukinn eignarhlut í
ESSO.
Eigendur VÍS ná samkomulagi um skráningu
Traustfang leyst upp

Samkomulag/17
SKÓLASÓKN framhaldsskóla-
nema hefur verið einstaklega lé-
leg á yfirstandandi önn og hefur
víða verið brugðið á það ráð að
vísa nemendum úr skóla af þess-
um sökum. Formaður Félags ís-
lenskra framhaldsskóla telur
þetta rökrétta afleiðingu kenn-
araverkfallsins fyrir áramót.
Að sögn Sölva Sveinssonar,
skólameistara Fjölbrautaskólans
við Ármúla og formanns Félags
íslenskra framhaldsskóla, gripu
skólastjórnendur í Ármúla til
þess úrræðis um helgina að taka
nemendur af nemendaskrá vegna
slælegrar mætingar. „Skólasókn
hefur verið með eindæmum léleg
á þessari önn þannig að við höfum
látið allmarga nemendur hætta.
Að auki höfum við sent bréf heim
til foreldra og forráðamanna og
talað við þá sem illa hafa mætt,“
segir hann.
Hann segir að vafalaust sé um
eftirverkanir frá verkfallinu að
ræða. „Eftir verkfall var mjög
skarplega byrjað með próf og síð-
an keyrt beint inn í vorönn þann-
ig að þetta er rökrétt niðurstaða
af tveggja mánaða verkfalli.
Nemendurnir voru í löngu fríi
þar sem langflestir þeirra voru að
vinna. Síðan komu þeir inn í próf-
alotu á óeðlilegum tíma og hófu
vorönn strax beint ofan í þá lotu
þannig að þetta eru allt saman
mjög óvenjulegar aðstæður.“
Ástandið er að sögn Sölva svip-
að í öðrum framhaldsskólum þar
sem mætingin hefur sjaldan verið
jafnslæm. Hann segir aðra skóla-
stjórnendur því hafa gripið til
svipaðra úrræða. „Ég veit ekki
betur en að menn séu alls staðar
að reyna að herða tökin því það er
alveg vonlaust verk að reka skóla
þegar það vantar svona marga.“
Los á nemend-
um að loknu
verkfalli
Afleiðingar verkfalls
kennara í framhaldsskólum