Morgunblaðið - 06.04.2001, Blaðsíða 14
FRÉTTIR
14 FÖSTUDAGUR 6. APRÍL 2001 MORGUNBLAÐIÐ
SAMNINGUR um samstarf milli
Heilbrigðisstofnunarinnar Ísafjarð-
arbæ (HÍ) og Íslenskrar erfða-
greiningar ehf. (ÍE) var undirrit-
aður á Fjórðungssjúkrahúsinu á
Ísafirði eftir hádegið í dag. Samn-
ingurinn er hliðstæður mörgum
öðrum sem ÍE hefur gert við heil-
brigðisstofnanir víða um land. Að
auki var undirrituð viljayfirlýsing
um frekara samstarf.
Samningurinn heitir fullu nafni:
„Samningur um vinnslu heilsu-
farsupplýsinga og flutning þeirra í
gagnagrunn á heilbrigðissviði.“ At-
hygli vekur, að hann er dagsettur
„Reykjavík“ 5. apríl 2001. Rætur
þess má væntanlega rekja til þess,
að til stóð að samningurinn yrði
undirritaður syðra í síðustu viku.
Þær ráðagerðir breyttust hins
vegar „af óviðráðanlegum ástæð-
um“. Af hálfu HÍ undirritaði Þröst-
ur Óskarsson framkvæmdastjóri
samninginn en ekki stjórnarfor-
maðurinn Magdalena Sigurðardótt-
ir.
Stjórnarformaður vildi ekki
skrifa undir samninginn
Á stjórnarfundi um hádegið í
gær lagði Magdalena fram yfirlýs-
ingu, þar sem segir m.a.:
„Upplýsingar sem sjúklingur
gefur lækni sínum eru gefnar í
þeirri góðu trú, að leynt muni fara.
Þann trúnað getur enginn rofið
nema viðkomandi einstaklingur
sjálfur. Í ljósi þess ætti, að mínu
áliti, enginn að hafa vald til að ráð-
stafa upplýsingum úr sjúkraskrám
án skriflegs samþykkis viðkomandi
sjúklings. Að mínum dómi er þetta
grundvallaratriði.
Samvisku minnar vegna get ég
ekki brugðist því trausti, sem ég tel
nauðsynlegt að sjúklingar beri til
Heilbrigðisstofnunarinnar Ísafjarð-
arbæ með því að undirrita fyrir
hennar hönd fyrirliggjandi samning
við Íslenska erfðagreiningu um
flutning heilsufarsupplýsinga úr
sjúkraskrám stofnunarinnar.
Ljóst er, að meirihluti stjórnar
Heilbrigðisstofnunarinnar Ísafjarð-
arbæ er á öndverðri skoðun í þessu
máli. Þess vegna verður áður-
nefndur samningur undirritaður,
þrátt fyrir andstöðu mína. Fram-
kvæmdastjóri Heilbrigðisstofnun-
arinnar Ísafjarðarbæ, Þröstur Ósk-
arsson, mun því undirrita
samninginn fyrir hönd stofnunar-
innar.“
Samstarfssamningur HÍ og ÍE undirritaður á Ísafirði
Lýst yfir vilja til
frekara samstarfs
Morgunblaðið/Halldór Sveinbjörnsson
Þröstur Óskarsson og Kristján Erlendsson undirrita samninginn.
Ísafirði. Morgunblaðið.
VERÐI frumvarp samgönguráð-
herra að lögum, sem hann hefur
kynnt ríkisstjórninni, mun öll
stjórnsýsla og eftirlit með starf-
semi leigubifreiða færast úr sam-
gönguráðuneytinu til Vegagerðar-
innar. Á minnisblaði með frum-
varpinu segir að tilgangur þess sé
að laga lög um leigubifreiðar að
breyttum aðstæðum í þjóðfélaginu.
Gera á auknar kröfur til starfs-
stéttarinnar og bifreiðastöðva um
aukið öryggi.
Bent er á að þjónusta leigu-
bifreiða sé á margan hátt frá-
brugðin annarri þjónustu. Hún sé
óstaðbundin og notandi hennar því
hugsanlega staddur einn á óskil-
greindum stað með bifreiðastjóra.
Á þessu byggist krafa um aukið
traust og trúverðugleika stéttar-
innar.
Gefur út atvinnuleyfi og
starfrækir gagnagrunn
Hlutverk Vegagerðarinnar mun
felast í útgáfu atvinnuleyfa og
skírteina fyrir afleysingabílstjóra,
að hafa umsjón með námskeiðum
og að starfrækja gagnagrunn sem
mun geyma allar nauðsynlegar
upplýsingar til þess að umsýsla og
skipulag verði með viðunandi
hætti. Starfssvið Vegagerðarinnar
mun auk þessa felast í leyfisveit-
ingum og eftirliti með bifreiða-
stöðvum.
Á höfuðborgarsvæðinu hefur frá
því í nóvember 1999 útgáfa akst-
ursleyfa verið í höndum þriggja
stéttarfélaga leigubifreiðastjóra.
Ráðuneytið telur það fyrirkomulag
ekki hafa gefist vel. Erfitt hafi
verið að tryggja samræmda fram-
kvæmd félaganna og ákveðins
trúnaðarbrests hafi gætt milli ein-
stakra félaga.
Í frumvarpinu er gert ráð fyrir
þyngri viðurlögum, séu lög brotin
um starfsemi leigubifreiða. Sjálf-
stæð úrskurðarnefnd leigubifreiða-
mála mun taka til meðferðar
kærumál sem upp kunna að koma
við framkvæmd laganna. Verði
frumvarpið að lögum mun hlutverk
ráðuneytisins fyrst og fremst vera
setning reglna. Í minnisblaðinu
kemur fram sú skoðun ráðuneyt-
isins að umsýsla með leigubifreið-
um ætti alfarið að vera í höndum
sveitarfélaganna. Sérstök nefnd
var stofnuð með Sambandi ís-
lenskra sveitarfélaga haustið 1999
en síðar kom í ljós að enginn vilji
var hjá sveitarfélögunum til þess
að taka við málaflokknum, að því
er fram kemur í minnisblaðinu.
Sérleyfi boðin
út eftir 2005
Samgönguráðherra hefur jafn-
framt kynnt frumvarp um fólks-
flutninga, vöruflutninga og efnis-
flutninga á landi. Lög um þessa
starfsemi eru samtvinnuð og ein-
földuð samkvæmt EES-samningn-
um. Í frumvarpinu er m.a. gert ráð
fyrir að starfræksla sendibifreiða,
sem áður féll undir lög um leigu-
bifreiðar, falli undir almenn
ákvæði frumvarpsins. Þetta þýðir
að ekki verður lengur stöðvar-
skylda fyrir sendibifreiðar.
Önnur meginbreyting laganna
snýr að fólksflutningum. Vega-
gerðin mun hafa skýlausa heimild
til að gera svokallaða þjónustu-
samninga við sérleyfishafa. Jafn-
framt er gert ráð fyrir að núver-
andi sérleyfisfyrirkomulag haldist
að mestu óbreytt fram til 1. ágúst
2005. Eftir þann tíma á að bjóða út
öll sérleyfi. Þó er heimilt að bjóða
út ákveðin sérleyfi strax við gild-
istöku laganna eða þegar núver-
andi sérleyfi renna út í júlí 2002.
Breyta á lögum um starfsemi leigubifreiða
Stjórnsýslan færist
til Vegagerðarinnar
Utanríkisráð-
herra hefur
ákveðið að Eiður
Guðnason sendi-
herra fari til
starfa í Winnipeg
í Kanada sem að-
alræðismaður Ís-
lands þar í borg.
Verkefni hans
verða einkum að
efla og treysta menningarsamskipt-
in við Vestur-Íslendinga og auka við-
skiptatengsl Íslands við mið- og
vesturfylkin í Kanada, Manitoba,
Saskatchewan, Alberta og Bresku
Kolumbíu. Eiður mun fara til starfa í
Winnipeg í byrjun ágúst.
Eiður Guðna-
son til starfa
í Kanada
Eiður
Guðnason
Rithöfundurinn Ein-
ar Kárason hefur
afhent hand-
ritadeild Lands-
bókasafns – Há-
skólabókasafns
margvísleg gögn
um ritun bókanna
Þar sem djöflaeyjan
rís og Gulleyjan.
Meðal þess sem Ein-
ar hefur afhent
safninu eru uppköst
og drög að verk-
unum svo og seg-
ulbandsspólur og
fleira sem hann studdist við þeg-
ar hann skrifaði þessi verk.
Eyjabækurnar, eins og bæk-
urnar tvær eru oft
kallaðar í daglegu tali,
komu út um miðjan ní-
unda áratuginn og eru
meðal best seldu
skáldsagna hérlendis á
seinni árum. Þær hafa
einnig verið þýddar á
fjölda tungumála og
urðu grundvöllur leik-
rits og kvikmyndar.
„Því má ætla að ýmsir
kunni að hafa áhuga á
að kynna sér sköp-
unarsögu þessara
verka,“ segir í frétt
frá Eddu – miðlun og útgáfu, sem
gefur bækur Einars út á Íslandi.
„Einar vann að ritun bókanna í
nokkur ár í byrjun níunda ára-
tugarins og meðal þess sem hann
studdist við voru frásagnir vinar
hans, Þórarins Óskars Þórarins-
sonar, sem hann talaði að beiðni
Einars inn á segulbandsspólur.
Þessar spólur hafa nú verið af-
hentar handritadeildinni ásamt
útskrift af öllu því sem á þeim er
sagt.
Af hálfu Einars eru engar
kvaðir á þeirri útskrift né
uppköstunum, svo allir þeir sem
vilja rannsaka tilurðarsögu verk-
anna og skoða hvernig munn-
legar heimildir eru ofnar inn í
skáldaða frásögn geta skoðað
gögnin í því skyni,“ segir enn
fremur.
Gögn um Djöflaeyjuna
afhent Landsbókasafni
Einar Kárason
TILLÖGU sem Júlíus Vífill Ingv-
arsson, borgarfulltrúi Sjálfstæðis-
flokksins, flutti í borgarráði 13.
mars sl. um að leitað yrði utanað-
komandi ráðgjafar á sviði fjármála-
stjórnar fyrir Reykjavíkurborg,
hefur verið vísað frá. Júlíus Vífill
segir skuldir borgarinnar aukast
um 7 milljónir kr. á degi hverjum.
Í tillögunni kom fram að lögð
yrði höfuðáhersla á að vinna með
ráðgjöfum úr þeim mikla vanda
sem skuldasöfnun undanfarinna ára
hafi komið Reykjavíkurborg í og
gera áætlun um stöðvun skulda-
söfnunar og niðurgreiðslu skulda.
Í bókun sem Júlíus Vífill lét gera
segir að af frávísunartillögunni
megi ráða að borgarstjóri neiti að
horfast í augu við kaldan sannleik-
ann varðandi hrikalega skuldastöðu
borgarinnar. Þá alvarlegu þróun
sem einkennt hafi fjármálastjórn R-
listans eftir að hann tók við völdum
í borginni árið 1994 verði að stöðva
hið bráðasta og snúa vörn í sókn. Á
sama tíma og borgarstjóri hreyki
sér af dyggri fjármálastjórn sinni
aukist skuldir borgarinnar um 7
milljónir króna á degi hverjum.
Nettóskuldastaðan hafi farið úr 5,5
milljörðum árið 1994 í 21,5 milljarð
á þessu ári.
Í bókuninni segir að furðulegt sé
að kasta frá tillögu sem miði að því
að leita ráðgjafar á mikilvægu sviði.
Segir
skuldirn-
ar aukast
um 7 millj-
ónir á dag
Júlíus Vífill Ingvars-
son, borgarfulltrúi
Sjálfstæðisflokksins
♦ ♦ ♦
HÆSTIRÉTTUR staðfesti í gær
farbann yfir erlendum karlmanni
sem sakaður er um að hafa ráðist
að manni og veitt honum tvö
stungusár með hnífi. Árásin var
gerð fyrir utan skyndibitastað í
Faxafeni hinn 5. janúar sl.
Hinn 2. apríl sl. úrskurðaði
Héraðsdómur Reykjavíkur mann-
inn í áframhaldandi farbann til 2.
júlí nk. Maðurinn skaut málinu
samdægurs til Hæstaréttar sem
hefur staðfest úrskurð héraðs-
dóms.
Í dómi réttarins segir að mað-
urinn sé af erlendu bergi brotinn
og hafi hvorki atvinnu né fjöl-
skyldu hér á landi. Í málinu liggi
fyrir gögn sem benda til þess að
hann hafi um nokkurn tíma haft
áhuga á því að halda af landi brott.
Fallast verði á það með lögregl-
unni að vegna rannsóknarhags-
muna verði að tryggja nærveru
hans hér á landi. Ekki sé heldur
að sjá að óþarfa tafir hafi orðið á
rannsókn málsins.
Markús Sigurbjörnsson, Árni
Kolbeinsson og Gunnlaugur Cla-
essen dæmdu í málinu.
Hæstirétt-
ur staðfestir
farbann
LÖGREGLAN í Reykjavík hef-
ur að undanförnu fengið nokkr-
ar fjársvikakærur þar sem
vörur hafa verið sviknar út úr
fyrirtækjum. Við fjársvikin voru
notuð nöfn, kennitölur og eftir
atvikum reikningsnúmer fyrir-
tækja eða stofnana.
Samkvæmt upplýsingum frá
lögreglunni sætti karlmaður ný-
verið fimm daga gæsluvarðhaldi
vegna rannsóknar á einu slíku
máli. Hann var grunaður um að
hafa svikið út vörur fyrir um
hálfa milljón króna og reynt að
svíkja út vörur fyrir um 130 þús-
und krónur til viðbótar.
Ómar Smári Ármannsson, að-
stoðaryfirlögregluþjónn í
Reykjavík, segir að ástæða sé til
að hvetja starfsmenn fyrirtækja
til að sýna árvekni gagnvart
slíkum afbrotum. Til að minnka
líkurnar á því að verða fyrir
slíku tjóni sé hægt að krefja
þann, sem tekur út vörur í
reikning, um sannanleg skilríki
og skrá kennitölu hans og aðrar
upplýsingar á vörureikninginn.
Slíkt þykir sjálfsagt þegar verið
er að taka við tékkum upp á mun
lægri fjárhæðir en í ofangreind-
um málum ræðir. Ennfremur sé
ástæða til að benda stjórnend-
um fyrirtækja á að huga vel að
innra öryggi fyrirtækja sinna.
Vörur
sviknar út
á reikn-
ingsnúmer