Morgunblaðið - 06.04.2001, Blaðsíða 69

FÓLK Í FRÉTTUM
MORGUNBLAÐIÐ FÖSTUDAGUR 6. APRÍL 2001 69
Í KVÖLD og annað kvöld munu
nemendur á söngleikjanámskeiði í
Domus Vox setja upp stytta útgáfu
af söngleiknum Þrek og tár eftir
Ólaf Hauk Símonarson.
Sýningarnar verða kl. 18 og 20 á
föstudaginn, en kl. 14 og 20 á laugar-
daginn og kostar 700 kr. inn. Kenn-
ari og leikstjóri er söngkonan Mar-
grét Eir, en leikarar og söngvarar
eru á aldrinum 12–31 ára og hafa
lagt mikinn tíma og orku í að gera
uppsetninguna sem fagmannlegasta.
Gamlir smellir og nýir leikarar
„Það er búið að vera rosalega
skemmtilegt,“ segir Margrét Eir,
„en líka erfitt. Það er mikið verk að
læra allan þennan texta, og leik-
ararnir hafa reddað öllu sjálfir. Þau
hafa fengið finna fyrir því nákvæm-
lega hvernig er að setja upp heila
sýningu frá búningum upp í sviðs-
mynd, þar sem gjafmildar ömmur
hafa hjálpað til, og svo sjá þau um
tónlistina, míkrafóna, allt saman,
voða gaman.“
Bjarni Snæbjörnsson leikur aðal-
hlutverkið, hann Davíð.
„Leikritið byrjar þannig að Davíð
kemur úr námi í útlöndum, en síðan
er strax farið aftur í tímann og
horft á þegar hann var sautján
ára,“ útskýrir Bjarni sem hefur
stundað nám við Söngskólann í
Reykjavík í tvö ár.
„Ég er frá Tálknafirði og var í
áhugamannaleikhúsinu þar og hef
alltaf haft áhuga á leiklist og söng.
Söngleikir höfða mjög mikið til
mín, meira en klassíkin.“
Söngleikurinn gerist árið 1961 og
lögin eru gamlir smellir frá þessum
tíma, sem þau flytja í eigin útsetn-
ingum. En Bjarni segist líka hafa
fundið sjálfan sig mikið hvað varðar
leik. „Margrét Eir er líka búin að
vera frábær. Hún er hreinskilin og
veit hvað hún vill. Skemmtilegast
hefur verið að kynnast þessu fólki
og að vinna með því. Og svo er mað-
ur búinn að læra svo mikið,“ segir
Bjarni að lokum.
Morgunblaðið/Jim Smart
Margrét Hildur Jónasdóttir og
Ragnar Pálsson.
Morgunblaðið/Jim Smart
Stefán Torfi Höskuldsson og Ásta S. Sveinsdóttir leika hjónakornin.
Gaman að
redda öllu sjálf