Morgunblaðið - 23.05.2001, Qupperneq 21

VIÐSKIPTI
MORGUNBLAÐIÐ MIÐVIKUDAGUR 23. MAÍ 2001 21
BÚIST er við að British Airways
selji lággjaldaflugfélagið Go, sem
flýgur reglulega til Íslands, fyrir
u.þ.b. 100 milljónir punda eða um
14,4 milljarða íslenskra króna.
Hugsanlegur kaupandi er fjárfest-
ingarfélagið 3i Group, en aðrir koma
einnig til greina, að sögn Rod Edd-
ington, forstjóra BA á fréttavef Fin-
ancial Times. Samningaviðræður
hafa gengið hægt en Eddington seg-
ir líklegt að þær endi með því að 3i
Group kaupi Go, en hann vilji fá
sanngjarnt verð fyrir félagið. Brit-
ish Airways er stærsta flugfélag í
Evrópu og í gær voru birtar af-
komutölur fyrir síðasta rekstrarár
sem lauk í mars. BA var rekið með
150 milljóna punda eða 21,6 millj-
arða króna hagnaði á tímabilinu.
Rekstrarárið á undan nam hagnað-
urinn aðeins 5 milljónum punda eða
um 720 milljónum íslenskra króna.
Talið er að stefnumótun Rod Edd-
ingtons, sem verið hefur forstjóri
BA undanfarið ár, sé nú að skila ár-
angri, að því er fram kemur á frétta-
vef BBC. Eddington hefur m.a. lagt
áherslu á að draga úr framboði á
leiðum sem skila ekki hagnaði, að ná
til fjársterkra einstaklinga og að
bjóða upp á rúm á fyrsta farrými.
Forsvarsmenn BA leggja áherslu
á að aðhaldi sé beitt í rekstrinum,
staða flugfélagsins í hægari hag-
vexti í heiminum sé ávallt í huga
stjórnendanna og einnig áhrifin af
gin- og klaufaveikifaraldrinum sem
hjó stór skörð í ferðaþjónustu í
Bretlandi.
BA vill selja Go
fyrir 100 millj-
ónir punda
Reuters
MARKAÐSSTOFAN Markhúsið
var innsigluð í gær af sýslumann-
inum í Reykjavík. Samkvæmt heim-
ildum Morgunblaðsins var það gert
vegna vanskila fyrirtækisins á op-
inberum gjöldum en auk þess hefur
fyrirtækið ekki staðið skil á gjöldum
vegna starfsmanna til Verzlunar-
mannafélagsins. Um 30 til 35 starfs-
menn hafa unnið á föstum vöktum
hjá Markhúsinu auk starfsmanna í
hlutastörfum. Heildarfjöldi starfs-
manna fyrirtækisins er í kringum 60
og er allt í óvissu um framtíð þeirra.
Frjáls fjölmiðlun hf. og önnur
félög tengd henni áttu meirihluta í
Markhúsinu en Síminn átti 40%
hlut. Að sögn Eyjólfs Sveinssonar,
framkvæmdastjóra Frjálsrar fjöl-
miðlunar, seldi fyrirtæki hans hlut
sinn í Markhúsinu fyrir síðustu ára-
mót.Samkvæmt upplýsingum frá
Símanum hefur gengið erfiðlega að
fá upplýsingar um rekstur fyrirtæk-
isins og varð það til þess að Síminn
dró sína tvo menn út úr stjórn fyr-
irtækisins síðastliðið haust, að því
er fram kemur á fréttavef Morg-
unblaðsins.
Markhús-
inu lokað af
sýslumanni
BRESKA heilbrigðisráðuneytið,
Medical Research Council, MRC,
og Wellcome-sjóðurinn hafa lagt
60 milljónir punda í fyrirtæki, UK
Medical Population Collection.
Ætlunin er að safna heilbrigðis-
upplýsingum um hálfa milljón
Breta, sem verða valdir úr hópi
sjálfboðaliða. Hópnum verður fylgt
eftir í tuttugu ár. Að sögn Fin-
ancial Times er ætlunin með
gagnagrunninum að rannsaka
áhrifa erfða, umhverfis og lifnað-
arhátta á heilsu.
Samtök breska lyfjaiðnaðarins
standa í samningaviðræðum við
nýja fyrirtækið fyrir hönd inn-
lendra og erlendra lyfjafyrirtækja
um aðgang að gagnagrunninum.
Óljóst hvort aðgengi verði veitt
Yfirvöld eru þó tortryggin á að-
gang lyfjafyrirtækja að gagna-
grunninum, því í honum verða
upplýsingar tengdar einstakling-
um nafngreindar. Það er því enn
sem komið er óljóst hvernig að-
gengi fyrirtækja verður og hvort
þau fá það. Í frétt Financial Times
um gagnagrunninn er sagt að lönd
eins og Eistland og Ísland hafi
þegar veitt fyrirtækjum aðgang að
opinberum heilbrigðisupplýsing-
um.
Andstætt því sem er haldið fram
á Íslandi um að sérstaða íslenskra
heilbrigðisupplýsinga felist í því
hve þjóðin sé einsleit er því haldið
fram um breska gagnagrunninn að
hann gæti verið einkar áhugaverð-
ur því hann endurspegli heims-
byggðina. Fjölbreytnin er því álit-
in styrkur, þar sem upplýsingar úr
slíkum grunni gefi mun breiðari
mynd en ella.
MRC er opinber stofnun er fjár-
magnar læknisfræðilegar rann-
sóknir í Bretlandi. Wellcome-sjóð-
urinn er stærsti rannsóknarsjóður
í heimi á sviði læknisfræði af þeim
er teljast til góðgerðarstofnana.
Sjóðurinn veitir árlega um 400
milljónir punda til rannsókna og er
stofnaður á grundvelli arfleifðar
Sir Henry Wellcome, sem stofnaði
samnefnt lyfjafyrirtæki, en er
ótengdur Glaxo Wellcome-lyfjafyr-
irtækinu.
Breskur heilbrigð-
isgagnagrunnur
London. Morgunblaðið.
ÍSLENSKA útvarpsfélagið hefur
fengið tilraunaleyfi frá Póst- og
fjarskiptastofnun til að hefja staf-
rænar sjónvarpsútsendingar.
Hreggviður Jónsson forstjóri
Norðurljósa segir að stafrænar
sjónvarpsútsendingar séu næsta
skrefið í þróun sjónvarps. Hinn
hliðræni staðall sem sjónvarpsút-
sendingar hafi byggst á hingað til
sé að breytast og það þurfi að gera
ráð fyrir að framleiðsla og dreif-
ing sjónvarpsefnis í framtíðinni
byggist á stafrænum staðli.
Frumkvöðull í stafrænum útsend-
ingum hafi verið Sky Digital í
Bretlandi en þar er merkinu varp-
að um gervihnött og einnig sé
hægt að flyja merkið með ljósleið-
ara.
Hreggviður segir að tilrauna-
leyfið sem hafi fengist nú sé svo-
kallað landdreifingarkerfi þar
sem merkinu verði varpað frá
þeim stöðum sem ÍÚ dreifi sjón-
varpsútsendingum frá eins og
Vatnsenda. Merkjum verði dreift
með þeim hætti sem nú er, það er í
lofti, en það verði stafrænt. Helsti
munurinn fyrir neytendur eru
aukin myndgæði og að notandinn
þarf að vera með myndlykil.
Loftdreifing stöðva
ódýrasta dreifileiðin
Hreggviður segist sannfærður
um það að loftið sé enn ódýrasta
leiðin til að dreifa sjónvarpsefni
og ÍÚ ætli að skila greinargerð til
Póst- og fjarskiptastofnunar fyrir
1. júní um hvernig fyrirtækið
hyggist haga tilraunasútsending-
unum. Hreggviður segir að ætl-
unin sé að fara hægt af stað í að
senda út stafrænt merki og það
eigi eftir að koma í ljós hvernig
stafrænt sjónvarpsmerki hagar
hér við aðstæður hérlendis. Með
stafrænum útsendingum sé hægt
að senda út merki 6-8 stöðva á
einni rás og einum sendi en í nú-
verandi kerfi sé einungis hægt að
senda út eina stöð á einni rás frá
einum sendi. Hreggviður segir að
við séum nokkuð á eftir nágranna-
þjóðunum hvað varði lagasetning-
ar á þessu sviði. Það komi til með
að líða að minnsta kosti 12-24
mánuðir þar til stafrænar útsend-
ingar hefjist á reglubundinn hátt.
Betri mynd í staf-
rænni útsendingu
Hreggviður Jónsson,
forstjóri Norðurljósa
Eru vandamál á toppnum?
Ofnæmi, flasa, exem, psoriasis, feitur eða þurr hársvörður?
ÚTSÖLUSTAÐIR: HEILSUVÖRUVERSLANIR OG APÓTEK UM ALLT LAND.
HÁRVÖRUR LEYSA VANDANN
OG ÞÚ BLÓMSTRAR.