Morgunblaðið - 23.05.2001, Qupperneq 45

FRÉTTIR
MORGUNBLAÐIÐ MIÐVIKUDAGUR 23. MAÍ 2001 45
OPIÐ hús verður í Landakotsskóla
fimmtudaginn 24. maí, uppstign-
ingardag, frá 11.30–14.30. Á hausti
komanda verða liðin 105 ár síðan
St. Jósefssystur hófu kennslu barna
í Landakoti. Nemendur voru aðeins
fimm fyrsta árið og fór kennslan
fram í einu herbergi í gamla
prestsbústaðnum við Túngötu.
Síðastliðið haust var ný viðbygg-
ing við skólann tekin í notkun. Í
henni eru fjórar kennslustofur og
kjallari. Ennfremur hefur gamli
prestsbústaðurinn verið endurnýj-
aður og tengist nýja húsinu. Neðri
hæð hans er frá 1837 en byggt var
ofan á húsið árið 1896. Þar er fyr-
irhugað að koma upp bókasafni fyr-
ir skólann. Áformað er að byggja
íþrótta- og samkomusal vestan við
skólann þar sem áður stóð ÍR-húsið.
Opið hús
í Landa-
kotsskóla
Morgunblaðið/RAX
MORGUNBLAÐINU hefur borist
eftirfarandi athugasemd:
Í frétt Morgunblaðsins 20. maí sl.
er birtur útreikningur á kostnaði á
hvern nemanda í Hafnarfirði og
komist að þeirri niðurstöðu, að í Víði-
staðaskóla sé þessi kostnaður hæst-
ur.
Það kann að vera rétt, en ýmislegt
ber að hafa í huga þegar þessar tölur
eru skoðaðar. Víðistaðaskóli er safn-
skóli og tekur við nemendum úr
Engidalsskóla í unglingadeild. Þetta
þýðir að um helmingur nemenda
skólans eru í 8. – 10. bekk.
Nemandi í unglingadeild er tölu-
vert dýrari en nemandi í 1. – 7. bekk.
Tímafjöldi á unglingadeildarnem-
anda er 37 tímar á viku, en tímafjöldi
t.d. í 1-4. bekk er 30 tímar. Það segir
sig því sjálft að samsetning nemenda
í Víðistaðaskóla, þar sem í unglinga-
deild er um helmingur nemenda í
skólanum, hefur mikil áhrif á útkom-
una.
Að þessu leyti finnst mér menn
vera að bera saman hluti, sem ekki
eru sambærilegir.
Til upplýsinga fyrir Hafnfirðinga
og aðra vill Víðistaðaskóli koma því á
framfæri, að rekstur hans á síðasta
ári var innan fjárhagsáætlunar með
innan við 0,4% fráviki. Á því sést að
Víðistaðaskóli er ekki sú eyðslukló
sem lesa má úr umræddri frétt, held-
ur vel rekin stofnun eins og reyndar
allir skólarnir í Hafnarfirði, eins og
menn geta kynnt sér í niðurstöðu
ársreiknings bæjarfélagsins.
Sigurður Björgvinsson,
skólastjóri.
Athugasemd
KENNARAR og nemendur tann-
læknadeildar Háskóla Íslands munu
sitja fyrir svörum um nám við tann-
læknadeild Háskóla Íslands mið-
vikudaginn 24. maí kl. 15:00–18:00.
Námskynningin er haldin í
Læknagarði við Vatnsmýrarveg á
hæðinni sem gengið er inn á. Lækna-
garður stendur neðan Hringbrautar
gengt Landspítalanum.
Við tannlæknadeild stunda nú
þrjátíu og fimm nemendur nám, auk
tveggja meistaranema og eins dokt-
orsnema. Öflugt félagslíf nemenda í
deildinni fer fram á vegum Félags
tannlæknanema.
Nánari upplýsingar um námið í
deildinni má einnig finna á heima-
síðu guðfræðideildar, http://
www.hi.is/nam/tann/.
Kynning á
námi í tann-
læknisfræði
KENNARAR og nemendur
hjúkrunarfræðideildar Há-
skóla Íslands munu sitja fyrir
svörum um nám við hjúkrunar-
fræðideild Háskóla Íslands
miðvikudaginn 24. maí kl.
15:00–18:00.
Námskynningin er haldin í
Eirbergi við Eiríksgötu 34 í
anddyri hússins og víðar. Eir-
berg stendur á lóð Landspítal-
ans við Eiríksgötu. Við hjúkr-
unarfræðideild stunda nú um
tvö hundruð og sjötíu nemend-
ur nám, auk meistaranema.
Öflugt félagslíf nemenda fer
fram á vegum Curator, félags
hjúkrunarfræðinema.
Nánari upplýsingar um nám-
ið í deildinni má einnig finna á
heimasíðu hjúkrunarfræði-
deildar, hppt://www.hi.is/nam/
hjukrun/.
Kynning
á námi í
hjúkrun-
arfræði
Í KVÖLD, miðvikudagskvöldið 23.
maí, stendur Hafnagönguhópurinn
fyrir gönguferð með strönd Skerja-
fjarðar.
Farið verður frá Hafnarhúsinu,
Miðbakkamegin, kl. 20:00 og með al-
menningsvögnum suður að Nesti í
Fossvogi. Þaðan verður farið kl.
20:25 og gengið eftir göngustígnum
með ströndinnni út að Lyngbergi og
ylströndinni og áfram fyrir flug-
brautina vestur í Sundskálavík. Það-
an farið með Suðurgötu, um háskóla-
svæðið, með tjörninni og eftir
Aðalstræti niður að Hafnarhúsi.
Hægt er að stytta gönguferðina með
því að taka SVR á leiðinni. Allir eru
velkomnir í ferð með Hafnagöngu-
hópnum.
Gengið með
strönd
Skerjafjarðar
BINGÓ verður haldið í hátíðarsal
Breiðholtsskóla miðvikudaginn 23.
maí kl. 19:00. Byrjað verður stund-
víslega því yngri kynslóðin þarf að
komast tímanlega í rúmið.
Foreldra- og kennarafélag Breið-
holtsskóla stendur fyrir þessu og
verða margir veglegir vinningar í
boli. Í fyrra var húsfyllir og seldust
upp öll spjöld og er því mjög mik-
ilvægt að mæta snemma til að fá góð
sæti og spjöld, segir í fréttatilkynn-
ingu.
Bingó
í Breiðholts-
skóla
SKÁTAKÓRINN í Reykjavík býður
til sumargleði miðvikudaginn 23. maí
nk. kl. 20:30.
Kórinn flytur skemmtidagskrá
undir stjórn Arnar Arnarssonar og
fleiri góðir gestir munu láta ljós sitt
skína. Þar á meðal má nefna einstak-
an viðburð því systkinin Ævar, Örv-
ar og Ólafía Aðalstein, munu troða
upp eins og þeim einum er lagið.
Skemmtileg kaffihúsastemmning er
takmarkið og veitingar verða á vægu
verði, segir í fréttatilkynningu.
Sumargleðin fer fram í sal Þjóð-
dansafélags Reykjavíkur, Álfabakka
14 a. Aðgangur er ókeypis.
Skátakórinn
með sumar-
gleði
SAMFÉLAGIÐ fyrir mannlega þró-
unstendur fyrir námskeiði fyrir leið-
beinendur í aðferðafræði fyrir til-
veru án ofbeldis miðvikudaginn 23.
maí nk. kl. 20.00 til 23.00 í Félags-
miðstöðinni Þróttheimum við Holta-
veg. Skráning þátttöku fyrir kl.
16.00 þriðjudaginn 22. maí í síma eða
á netfangið dui@islandia.is. Þátt-
tökugjald er kr. 1.500.
Námskeið í
aðferðafræði
ÁRLEG fjallasyrpa Útivistar hófst
29. apríl með göngu á Mosfellssveit-
arfjöllin, en önnur ferð af tíu verður
á uppstigningardag, fimmtudaginn
24. maí, og er brottför kl. 10.30 frá
BSÍ.
Ekið verður um Hvalfjarðargöng
að Akrafjalli og gengið á Geirmund-
artind, sem 643 metrar yfir sjávar-
máli. Um að ræða 4–5 klst. göngu.
Akrafjall
í fjallasyrpu
Útivistar
♦ ♦ ♦
♦ ♦ ♦
♦ ♦ ♦
SAMFYLKINGIN býður til vor-
blóts miðvikudaginn 23. maí í Iðnó í
Reykjavík. Boðið verður upp á
skemmtidagskrá frá klukkan 22:15
og að henni lokinni mun gleðisveitin
Geirfuglarnir leika fyrir dansi.
Húsið er opnað kl. 21:00 og verður
róleg stemmning á pallinum fyrir ut-
an Iðnó til að byrja með en síðan tek-
ur við skemmtidagskrá. Allir vel-
komnir og enginn aðgangseyrir.
Vorblót jafn-
aðarmanna
í Iðnó
♦ ♦ ♦
EPAL hf., Skeifunni 6, býður áhuga-
sömum á kynningu um gluggatjöld
miðvikudaginn 23. maí kl. 20. Ásdís
Jóelsdóttir textílkennari og híbýla-
hönnuður kynnir mismunandi gerðir
gluggatjaldaefna og gefur ráð. Að-
gangur er ókeypis.
Kynning og
ráðgjöf um
gluggatjöld
♦ ♦ ♦