Morgunblaðið - 29.05.2001, Qupperneq 12

Morgunblaðið/Jón Svavarsson
ÚTSKRIFT úr Verzlunarskóla Ís-
lands fór fram á laugardag, líkt og
áætlað hafði verið, þrátt fyrir kenn-
araverkfall í vetur. Í fyrsta sinn fór
athöfnin fram í Háskólabíói en að
þessu sinni útskrifuðust 199 nem-
endur. Aðeins einu sinni áður hafa
fleiri útskrifast frá skólanum, eða
211 nemendur, árið 1999. Á mynd-
inni útskrifar Þorvarður Elíasson
skólastjóri dúx skólans að þessu
sinni, Garðbæinginn Henning Arn-
ór Úlfarsson. Henning náði 9,4 í
meðaleinkunn og hlaut einnig fleiri
viðurkenningar fyrir góðan náms-
árangur. Þess má geta að hann er
meðal þeirra sem fara á Ólymp-
íuleika í eðlisfræði fyrir Íslands
hönd í sumar. Foreldrar Hennings
eru Úlfar Henningsson flugmaður
og Hólmfríður E. Guðmundsdóttir
kennari.
Útskrift úr Verzló
FRÉTTIR
12 ÞRIÐJUDAGUR 29. MAÍ 2001 MORGUNBLAÐIÐ
FRAMKVÆMDASTJÓRI Ölgerð-
arinnar Egill Skallagrímsson, Jón
Snorri Snorrason, átti fund með
Áfengis- og vímuvarnaráði fyrir
um fjórum vikum um áfengisaug-
lýsingar. Þar komu sjónvarpsaug-
lýsingar um ölið Egils Gull til um-
ræðu en í þeim auglýsingum koma
börn meðal annarra við sögu. Í
samtali við Morgunblaðið segist
Jón Snorri hafa fallist á þá beiðni
ráðsins að hætta birtingu þessarar
auglýsingar. Því segist hann hafa
verið undrandi í framhaldi af fund-
inum að sjá áskorun frá ráðinu og
fleiri aðilum til framleiðenda og
innflytjenda áfengis þess efnis að
nota ekki börn í áfengisauglýsing-
um. Áskorunin birtist í Morgun-
blaðinu sl. sunnudag.
„Auglýsingastofan sem gerði
þessa auglýsingu passar upp á að
börn séu ekki notuð í auglýsingum
með þeim hætti að það brjóti í
bága við lög. Á þessum fundi
beindi Áfengis- og vímuvarnaráð
þeim tilmælum til okkar að hætta
að nota þessa auglýsingu með
börnin og ég féllst á það,“ sagði
Jón Snorri.
Þegar honum var bent á að við-
komandi auglýsing hefði birst á
einni sjónvarpsstöðvananna síðast
um helgina sagðist hann ætla að
athuga málið hjá markaðsdeild
sinni. Sjónvarpsstöðvar hefðu ver-
ið beðnar að stöðva birtingar á
henni og hún ekki birst í auglýs-
ingatímum síðan. Vel gæti verið að
þau boð hefðu ekki skilað sér varð-
andi t.d. auglýsingapakka í
íþróttaútsendingum.
Hann sagði umrædda auglýs-
ingu Ölgerðarinnar byggjast á því
að þrír félagar kæmu saman yfir
spilum og hyrfu í huganum aftur í
tímann, fyrst sem pollar í sverða-
leik, síðan um fermingaraldurinn
að leik á reiðhjólum og loks þegar
þeir væru orðnir unglingar í
„breik“-dansi. Auglýsingastofan
hefði byggt upp ákveðið þema í
kringum þetta og Ölgerðin treyst
henni til þess að koma ekki fram
með börn og unglinga með þeim
hætti að það bryti í bága við lög.
Jón Snorri taldi að í þessum aug-
lýsingum væri ekki verið að tengja
börn saman við viðkomandi vöru.
Þarna væru fullorðnir menn að
rifja upp gömul bernskubrek.
Umræða um áfengis-
auglýsingar afar brýn
Jón Snorri sagði að í framtíðinni
myndi Ölgerðin ekki hafa frum-
kvæði að því að börn væru notuð í
þeirra ölauglýsingum eða sam-
þykkja slíka hugmynd auglýsinga-
stofa, enda hefði Ölgerðin ekki
notað börn í sínum auglýsingum
almennt til þessa. Nauðsynlegt
væri einnig fyrir Samband ís-
lenskra auglýsingastofa, SÍA, að
setja sér ákveðnar reglur um notk-
un barna í auglýsingum. Jón
Snorri sagði þetta vandmeðfarið
mál.
„Annars teljum við umræðu um
áfengisauglýsingar almennt mjög
brýna. Lögin eru mjög sérstök.
Þau byggjast á því að innlendir
framleiðendur og fjölmiðlar mega
ekki birta áfengisauglýsingu en að
öðru leyti má slík auglýsing koma
fyrir sjónir barna og unglinga ef
framleiðandinn og fjölmiðillin er
erlendur. Áhrifin ættu að vera þau
sömu hvort sem að við kostum
auglýsinguna í sjónvarpið eða al-
þjóðlegt bjórfyrirtæki,“ sagði Jón
Snorri.
Viðræður á milli Ölgerðarinnar og Áfengis- og vímuvarnaráðs
Samþykkti að stöðva birtingu
auglýsingar með börnum
HÁTÍÐAHÖLD vegna sjó-
mannadagsins í Hafnarfirði
verða með hefðbundnu sniði, að
sögn Karels Karelssonar,
starfsmanns sjómannadagsins í
Hafnarfirði.
Karel sagði að sjómannadag-
urinn í Hafnarfirði yrði með
hefðbundnum hætti eins og
verið hefði undanfarin ár. Há-
tíðahöldin yrðu við suðurhöfn-
ina. Siglingaklúbburinn Þytur
og Björgunarfélag Hafnar-
fjarðar myndu meðal annarra
taka þátt í hátíðahöldunum og
siglt yrði með börnin í Elding-
unni, hvalaskoðunarbátnum
Húna II, í nýja hafnsögubátn-
um Hamar og jafnvel fleiri bát-
um.
Samþykkt Sjómanna-
dagsráðs Reykjavíkur
breytir engu
Karel sagði að samþykkt sjó-
mannadagsráðs Reykjavíkur
og Hafnarfjarðar á dögunum,
þar sem ákveðið var að óska
ekki eftir því við sjávarútvegs-
ráðherra og fulltrúa útgerðar-
manna að flytja ávörp á sjó-
mannadaginn ættu ekkert við
um hátíðahöldin í Hafnarfirði,
sem haldin hefðu verið með
sjálfstæðum hætti áratugum
saman. Útvegsmenn í Hafnar-
firði hefðu ekki flutt ávörp á
sjómannadeginum í Hafnar-
firði síðustu 3–4 ár, þó leitað
hafi verið eftir því við þá, og
sjávarútvegsráðherra hefði
aldrei flutt ávarp á sjómanna-
deginum í Hafnarfirði.
Karel sagði að við hátíða-
höldin á sjómannadaginn
myndi fulltrúi sjómanna flytja
ávarp, auk fulltrúa frá kvenna-
deildinni Hraunprýði og for-
manns hafnarstjórnar. Sjó-
menn yrðu heiðraðir og þyrlan
myndi koma, auk listflugs og
fleira. Um kvöldið yrði síðan
hóf á Hótel Sögu, eins og verið
hefði.
„Við Hafnfirðingar höldum
okkar sjómannadag á hefð-
bundinn hátt með glæsibrag,“
sagði Karel að lokum.
Sjómannadagurinn
í Hafnarfirði
Hátíða-
höldin
með hefð-
bundnum
hætti
SPELLVIRKI voru unnin á gömlu
Seljavallalauginni undir Eyjafjöllum
um helgina. Nýbúið var að mála
laugina og vinna á henni endurbætur
þegar hópur drukkinna ungmenna
olli skemmdum á henni. Búið var að
mála klefa og laugina sjálfa og var
málningin ekki þornuð þegar hópur-
inn kom að lauginni. Þegar að var
komið á sunnudagsmorgun var búið
að bera málningu um alla laug og um
klefa og brjóta klæðningu í einum
þeirra. Búið var að mála laugina,
sem er ekki lengur í notkun, með
kalkmálningu en veitt var vatni í
hana í nótt og í morgun var eins
metra hátt vatn öðrum megin í
henni.
Talið er að tjón af völdum um-
gangs og drykkjuskapar ungmenn-
anna nemi tugum þúsunda króna.
Einn maður fannst sofandi við sund-
laugina um morguninn, en búið er að
handtaka fjögur ungmenni, um tví-
tugt, til viðbótar. Gert er ráð fyrir að
fleiri ungmenni tengist málinu en
það er í rannsókn lögreglunnar á
Hvolsvelli. Samkvæmt upplýsingum
lögreglu var um aðkomufólk að
ræða.
Ungmennafélag Eyfellinga, sem
reisti laugina, hefur kært málið til
lögreglu. Hópur Eyfellinga hefur
unnið að endurbótum á lauginni ár
hvert til þess að varðveita hana, en
nokkuð er um að skemmdir séu unn-
ar á henni.
Heilbrigðiseftirlit Suðurlands lét
loka lauginni fyrir nokkrum árum,
en laug var fyrst reist á þessum stað
árið 1922, en þarna var fyrsta
skyldunámskeiðið í sundi haldið. Nú-
verandi útlit Seljavallarlaugar er
hins vegar frá 1937.
Skemmdir unnar
á Seljavallalaug
ÖÐRU Landsþingi Slysavarna-
félagsins Landsbjargar var slitið á
Akureyri um helgina en þingið
stóð í tvo daga. Um 350 manns víðs
vegar að af landinu sóttu þingið.
Við upphaf þingsins var undirrit-
aður samstarfssamningur milli
Slysavarnafélagsins Landsbjargar
og samgönguráðuneytisins en meg-
inmarkmið hans er að stuðla að
bættu öryggi íslenskra skipa og
þeirra sem stjómennsku stunda.
Það verður gert með því að tengja
saman afl og kunnáttu Slysavarna-
félagsins Landsbjargar og hina
stjórnskipulegu ábyrgð og mark-
miðssetningu ráðuneytisins. Á
þinginu var samþykkt ályktun sem
send var dómsmálaráðherra en þar
segir að þingið vísi því til dóms-
málaráðherra að hann beiti sér
fyrir því að notkun öryggisbelta
verði efld, bæði með því að útrýma
undanþágum um notkun öryggis-
belta og með því að gera löggæslu
sýnilegri.
Morgunblaðið/Kristján
Um 350 fulltrúar víðs vegar að af landinu sátu landsþing Slysvarna-
félagsins Landsbjargar í Íþróttahöllinni á Akureyri um helgina.
Annað Landsþing Slysavarna-
félagsins Landsbjargar
Samningur um
bætt öryggi
íslenskra skipa