Morgunblaðið - 29.05.2001, Qupperneq 20

LANDIÐ
20 ÞRIÐJUDAGUR 29. MAÍ 2001 MORGUNBLAÐIÐ
TÓNLISTARSKÓLA
Stykkishólms var slitið fyrr
í mánuðinum með mjög fjöl-
breyttum og skemmtilegum
tónleikum. Þar fengu gestir
að heyra árangur nemend-
anna í vetur. Ingibjörg Þor-
steinsdóttir tók við skóla-
stjórn Tónlistarskólans er
Daði Þór Einarsson flutti í
burtu eftir 19 ára starf. Í
skólaslitaræðu Ingibjargar
kom fram að í vetur stund-
uðu 120 nemendur nám við
skólann í hljóðfæraleik og
söng. Flestir leggja stund á
píanónám eða 42 nemendur
og 24 nemendur stunda
söngnám. Kynjaskipting er
heldur ójöfn því 82 konur voru í
skólanum á móti 38 körlum. Það
kom fram að 28 nemendur eru eldri
en tvítugir. 27 nemendur luku
stigsprófum í hljóðfæraleik og
söng, frá 1. stigi til 7. stigs. Auk
þess þreyttu tveir gestir stigspróf,
annar frá Hólmavík, sem lauk 4.
stigi í píanóleik, og einn frá
Tálknafirði, sem lauk 7. stigi í söng.
Kennarar við skólann eru sex.
Tveir nýir kennarar bættust við í
haust, annar frá Ungverjalndi og
hinn frá Póllandi. Engar breyt-
ingar verða á kennaraliði skólans
næsta haust.
Tónlistarskóli Stykkishólms var
stofnaður árið 1964. Það kom fram
hjá skólastjóra að aðstæður til
skólastarfsins eru mjög góðar og
kennarahópurinn samstilltur. Tón-
listarskólinn setti víða svip á menn-
ingarlífið í Stykkishólmi í vetur
eins og svo oft áður. Samstarf við
grunnskólann hefur verið gott og
næsta ár verður lögð áhersla á
meira samstarf við leikskólann í
Stykkishólmi.
Stykkishólmur
Söngnemendur við Tónlistarskólann í
Stykkishólmi héldu tónleika í Stykkis-
hólmskirkju. Mikill áhugi hefur verið
fyrir söngnámi síðustu ár og stunduðu 24
nemendur nám í söng í vetur.
Morgunblaðið/Gunnlaugur Árnason
120 nemendur stund-
uðu nám við skólann
BORHOLA í landi Öndverðarness í
Grímsnesi, í miðjum golfvelli Múr-
arafélags Reykjavíkur, gefur veru-
legt magn af 90 gráða heitu vatni
sem vonast er til að verði 40-50 sek-
úndulítrar þegar búið er að ganga
frá henni. Fyrirhugað er að bora
fleiri holur en þá sem var látin blása
á sunnudag. Náist það er tryggð
vatnsöflun fyrir 800 sumarbústaði í
Grímsnesi og Grafningi sem munu
fá vatn frá fyrirhugaðri hitaveitu í
Öndverðarnesi. Að sögn Ásgeirs
Margeirssonar, aðstoðarforstjóra
Orkuveitu Reykjavíkur, er mikill
áhugi hjá sumarbústaðaeigendum á
þessu svæði að fá vatn frá veitunni.
Áætlanir eru uppi um að hita-
veita Öndverðarness þjóni sum-
arbústöðum frá Öndverðarnesi,
upp með Soginu og Álftavatni að
Ljósafossi og Efri Brú yfir í Grafn-
ing. Hönnun á nýju veitunni er á
lokastigi og er gert ráð fyrir að
bora fleiri holur á svæðinu til að
afla vatns. Ásgeir Margeirsson
sagði mikið spurt um það hvort
ljósleiðari yrði lagður með hita-
lögninni en ekki væri hægt að segja
til um það núna.
„Við erum mjög ánægðir með
þessa holu hér í Öndverðarnes-
landi, það er stór stund að vera
kominn með vatn til að afhenda
fólkinu,“ sagði Ásgeir.
Ný borhola í miðjum golfvelli Múrarafélags Reykjavíkur
Tryggir vatn fyrir
800 sumarbústaði
Selfoss
Helgi Haraldsson, borstjóri hjá Jarðborunum, Hjalti Skúlason, Hallgrím-
ur Gústafsson, Ásgeir Margeirsson, Guðlaugur Sveinsson, Helgi Steinar
Karlsson, formaður Múrarafélags Reykjavíkur, og Þórólfur Hafstað,
jarðfræðingur hjá Orkustofnun. Að baki þeim blæs nýja borholan sem er
á milli brauta númar átta og níu á golfvellinum í Öndverðarnesi.
Morgunblaðið/Sig. Jóns.
HJÓNIN Jón Gíslason og Eline
Schrijver á Hofi í Vatnsdal urðu
fyrst íslenskra bænda til að fá
fullnaðarúttekt á gæðastýrðri
hrossarækt á búi sínu. Gæðastýr-
ing sú sem verið er að koma á í ís-
lenskri hrossarækt miðar að því að
votta framleiðslu búanna sem vist-
væna gæðaframleiðslu og tekur á
þáttum sem lúta að áreiðanleika
ætternis og uppruna hrossanna,
velferð þeirra og verndun land-
gæða.
Öll þessi skilyrði hafa þau Jón
og Eline uppfyllt og hafa þær Sig-
ríður Björnsdóttir, dýralæknir
hrossasjúkdóma, og Anna Ólöf
Haraldsdóttir, héraðsdýralæknir í
A-Húnavatnssýslu, vottað loka-
áfangann, er varðar umhirðu
hrossanna.
Fyrsta stig vottunarinnar, er
lýtur að ætt og uppruna
hrossanna, er þegar komið til
framkvæmda og eru folöld fædd
1999 fyrstu gripirnir sem koma til
skráningar í þessu nýja kerfi.
Landnýting er annað stigið í
gæðastýringunni og hefur að leið-
arljósi „nýtum land en níðum ei“
og sér Landgræðslan um vottun
þessa þáttar. Jón og Eline voru að
vonum ánægð með lokaáfangann
en sögðu jafnframt að gæðastýrð
hrossarækt væri ekki nokkuð sem
menn kláruðu í eitt skipti fyrir öll
heldur væri um stöðuga vinnu að
ræða. Vinnu sem fólgin væri í ná-
kvæmu skýrsluhaldi á öllum svið-
um hrossaræktarinnar árið um
kring.
Fyrstir til
að uppfylla
skilyrðin
Jón Gíslason og Eline Schrijver á Hofi í Vatnsdal hafa fyrst íslenskra
bænda uppfyllt öll skilyrði gæðastýrðrar hrossaræktar.
Blönduós
Morgunblaðið/Jón Sigurðsson
HANDVERKSKENNSLA í Flúða-
skóla er í nokkru frábrugðin því sem
annars staðar er. Nemendur í 4.–7.
bekk nýta greinar úr skógi og hafa
unnið margs konar muni. Það er
Guðmundur Magnússon, húsasmíða-
meistari á Flúðum, sem annast
kennsluna en efniviðurinn er sóttur í
nokkurra hektara skóg, sem fyrst
var plantað í fyrir 50 árum, rétt hjá
trésmíðaverkstæði Guðmundar þar
sem kennt er. Börnin læra að lesa úr
skóginum efni í fjölbreyttustu hluti,
t.d. göngustafi, fugla, burðartré,
snaga og klemmur. Guðmundur seg-
ir þau afar áhugasöm og leggja sig
fram. Þau læri að meðhöndla sér-
staka hnífa í þessu skyni og ekki sá
fréttaritari betur en þau handléku þá
af leikni.
Guðmundur Magnússon, sem hef-
ur sótt mörg námskeið í Svíþjóð og
Danmörku í þessum efnum, og Ólaf-
ur Oddsson, upplýsingafulltrúi
Skógræktar ríkisins, hafa haldið
helgarnámskeið víðsvegar um landið
síðustu misseri í samvinnu við Garð-
yrkjuskóla ríkisins í Hveragerði.
Þeir félagar kalla námskeiðin „að
lesa í skóginn og tálga í tré“. Þeim
hefur verið mjög vel tekið og fólk
sýnt þeim mikinn áhuga en að sögn
Guðmundar er fyrirhugað að halda
þeim áfram með haustinu.
Fólk gerir ýmsa smíðisgripi og á
framhaldsnámskeiðum eru m.a.
smíðaðir stólar og borð beint úr
skóginum, sumir hafa einnig gert
gripi til að selja ferðamönnum. Guð-
mundur segir að grisja þurfi skóga
miklum mun meira en gert er nú og
tilgangurinn með þessu sé að sýna
fram á hve hægt er að nýta sé efni úr
íslenskum skógum. Hann nefnir að
sumar trjátegundir séu ágætar til að
vinna úr þeim, sérstaklega öspin.
Að lesa í skóginn
og tálga í tré
Morgunblaðið/Sigurður Sigmundsson
Nemendur í 4. bekk Flúðaskóla með muni unna úr afurðum skógarins.
Hrunamannahreppur