Morgunblaðið - 29.05.2001, Síða 27

NEYTENDUR
MORGUNBLAÐIÐ ÞRIÐJUDAGUR 29. MAÍ 2001 27
Verðhækkun á ferskum
nýrnabaunum
Uros Ivar Ivanovic hafði sam-
band við neytendasíðu til að vekja
athygli á mikilli verðhækkun á
ferskum nýrnabaunum og leita
skýringa.
„Í febrúar síðastliðnum keypti ég
500 grömm af nýrnabaunum í Ný-
kaupi á 148 krónur, í byrjun apríl á
185 krónur og nú kostar pokinn 219
krónur,“ segir Uros.
Aðspurður hvort hann hafi geymt
kassakvittanir
segir hann svo
ekki vera en
þetta séu engu
að síður réttar
tölur.
Þegar haft
var samband
við Árna Ingvarsson, kaupmann í
Nýkaupi, vegna þessa sagði hann að
ferskar nýrnabaunir tilheyrðu svo-
kallaðri hægsöluvöru, þ.e. þeim
vörum sem seljast mjög lítið. „Með-
alsala í mánuði eru u.þ.b. fimm sölu-
einingar. Við sáum okkur því miður
ekki fært að hafa vöruna í sölu miðað
við óbreytt verð þar sem töluverður
kostnaður fylgir því að halda úti úr-
vali af hægsöluvörum,“ segir Árni og
staðfestir að fersku nýrnabaunirnar
kosti í dag 219 krónur. „Verðið sem
var í gildi þar á undan var 169 krón-
ur og gilti það til 8. janúar 2001 en þá
hækkaði varan í 219 krónur. Annað
verð kannast ég ekki við.“
Uros hefur verið búsettur hér á
landi í fjórtán ár en hann er frá Slóv-
eníu. Aðspurður um verð almennt á
matvörum hér á landi segir hann að
sér finnist óskiljanlegt hvernig hægt
sé að halda verðinu svo háu. Hann
hafi t.d. nýlega keypt papriku í 11-11
á 124 krónur en fyrir sama verð hafi
hann í heimalandi sínu getað keypt
fjögur kíló af papriku. „Matvara er
miklu dýrari hér en í Slóveníu. Ég
skil ekki af hverju neytendur standa
ekki saman og berjast gegn þessu.“
Spurt og svarað
um neytendamál
MIKIÐ úrval af fersku kjúklingakjöti
er á boðstólum og er kjúklingakjöt
góður og vinsæll grillmatur. Holl-
ustuvernd ríkisins vill minna lands-
menn á að gæta fyllstu varúðar til að
koma í veg fyrir að góð grillmáltíð
endi með magapínu og veikindum.
Að sögn Elínar Guðmundsdóttur
matvælafræðings hjá Hollustuvernd
ríkisins hefur skráð tíðni matarsýk-
inga af völdum camphylobacter auk-
ist yfir sumarmánuðina á undanförn-
um árum. Talið er að skráð tilfelli séu
aðeins 10–15% af raunverulegum til-
fellum þannig að miklu fleiri hafa
veikst en tölur um skráð tilfelli gefa til
kynna.
„Camphylobacter er víða í um-
hverfinu og getur borist í fólk eftir
ýmsum leiðum, svo sem með meng-
uðu vatni, hrámjólk, snertingu við
gæludýr og menguðum matvælum.
Talið er að algengasta smitleiðin sé
neysla á menguðu kjúklingakjöti.
Camphylobacter getur bæði borist úr
kjöti, sem ekki er gegnsoðið eða
gegnsteikt, og með krossmengun sem
getur átt sér stað vegna ófullnægj-
andi aðgæslu við matreiðsluna.
Kjúklingaframleiðendur og heil-
brigðisyfirvöld hafa á undanförnum
árum gert verulegt átak til að koma í
veg fyrir að camphylobacter-mengað
kjúklingakjöt sé á boðstólum og hafa
aðgerðirnar skilað verulegum ár-
angri. Embætti yfirdýralæknis hefur
staðið fyrir reglubundnu eftirliti og
sýnatökum af kjúklingum vegna
camphylobacter-mengunar, bæði í
eldi og við slátrun, og Hollustuvernd
ríkisins og heilbrigðiseftirlit sveitar-
félaga hafa gert úttektir á kjúklingum
á markaði. Slík úttekt stendur einmitt
yfir um þessar mundir.
Sá árangur hefur nú náðst í barátt-
unni við camphylobacter að lítil sem
engin mengun hefur greinst í eldi og
við slátrun kjúklinga og svo virðist
sem tekist hafi að koma í veg fyrir að
kjúklingar sem voru hreinir í eldi
menguðust í sláturhúsi.
Því bendir allt til þess að camphylo-
bacter-mengun í þeim kjúklingi sem
boðinn er ferskur til sölu sé í lágmarki
og jafnist á við það besta sem gerist í
öðrum löndum.
Engu að síður eru neytendur hvatt-
ir til að gæta ávallt fyllstu varkárni
við meðferð og eldun á kjúklingum og
fylgja leiðbeiningum á umbúðum
þeirra. Þetta á einnig við um önnur
matvæli. Hollustuvernd vill minna
neytendur á eftirfarandi ráðlegging-
ar.
 Gegnhitið matvæli við mat-
reiðslu.
 Matvæli eru nægilega hituð þeg-
ar kjötsafinn í miðjum þykkasta bita
er orðinn tær (ekki blóðlitur) eða þeg-
ar steikingarhitamælir sýnir 75°C.
Alltaf þarf að
gegnsteikja
kjúkling
 Við matreiðslu, t.d. á fugla-
kjöti, drepast bakteríur ef
kjötið er gegnsteikt. En
berist þær af hráa kjötinu í
hrásalatið eða t.d. á
diskana er hætta á sýkingu!
 Látið ekki hráa kjúklinga
og önnur hrá matvæli
snerta annan mat.
 Komið í veg fyrir að bakt-
eríur berist milli matvæla
með höndum, áhöldum og
ílátum, skurðarbrettum,
borðum, með því að nota
sérstök bretti og áhöld og
ílát fyrir hrátt kjöt og önn-
ur fyrir grænmeti og enn
önnur fyrir eldaðan mat.
Látið aldrei eldaðan mat
(eða t.d. salöt) á disk/ílát
sem hrátt eða illa eldað
kjöt hefur verið á. Notið
ekki sömu töng né sama
disk fyrir hrátt og grillað
kjúklingakjöt.
 Þíðið fuglakjöt í bakka
neðst í ísskáp til að koma í
veg fyrir að blóðvökvinn
berist í annan mat í ís-
skápnum.
 Notið ekki kryddlög (mar-
íneringu) aftur á annað
kjöt.
 Þvoið oft hendur, borð
áhöld og ílát.
Þetta er sérstaklega mik-
ilvægt eftir að hrátt fugla-
kjöt hefur verið meðhöndl-
að. Einnig á að fylgja þeirri
reglu að þvo hendur eftir
salernisferðir, bleiuskipti,
umönnun gæludýra o.fl.
Komið í
veg fyrir
kross-
mengun
NÝTT merki í háreyðandi vörum,
Veet, er komið á markað en dreifing-
araðili þess er Eggert Kristjánsson
hf. Veet-
háreyðing-
arkrem
eiga að
halda húð-
inni mjúkri
í allt að
eina viku.
Kremin innihalda mýkjandi og raka-
gefandi olíur og jafnframt örsmáar
lyktaragnir sem gefa ilm á meðan á
notkun stendur.
Með því að nota Veet-vax á að vera
hægt að halda fótleggjum mjúkum í
allt að fjórar vikur.
Veet-vörurnar er hægt að nálgast
í öllum matvöruverslunum og í apó-
tekum.
Nýtt
Vax og hár-
eyðingar-
krem
Aðeins það besta
fyrir andlit þitt
Estée Lauder andlitsmeðferðin
miðar öll að því að veita þér
slökun og dekra við þig - allt frá
vandvirkri hreinsun húðarinnar
að yndislega róandi nuddinu.
Nútímaleg húðumhirða
okkar vinnur gegn
vandamálum sem stafa
af þurri húð eða feitri,
hrukkum, slælegri blóðrás,
þreytulegri húð og öðru sem
hrjáir húðina. Öll er meðferðin
umvafin ljúfri munúð og slökun.
Veittu þér andlítsmeðferð eins
og þær gerast bestar og sjáðu
hvað svolítið dekur gerir
húðinni gott.
Það kostar aðeins kr. 1.500.
Hringdu og pantaðu tíma.
Síminn er 562 9020.
Austurstræti 12,
sími 562 9020
Snyrtiklefi