Morgunblaðið - 29.05.2001, Qupperneq 33

LISTIR
MORGUNBLAÐIÐ ÞRIÐJUDAGUR 29. MAÍ 2001 33
„MÉR líður ljómandi vel. Sonur
minn, Bragi Agnar, var að senda
mér símbréf frá Toronto, þar sem
hann býr. Hann var í Chicago um
helgina að skoða byggingar sem
arkitektinn frægi Frank Lloyd
Wright teiknaði og sagði greini-
legt að bestu byggingarnar hefði
hann gert eftir að hann varð sjö-
tugur. Sonur minn kvaðst sann-
færður um að þessu yrði eins farið
með mig. Ég myndi mála mín bestu
verk eftir sjötugt. Mér þótti ákaf-
lega vænt um þetta,“ sagði Bragi
Ásgeirsson listmálari í samtali við
Morgunblaðið umvafinn gestum í
Galleríi Fold í gærkvöldi. Tilefnið
var opnun afmælissýningar en
Bragi varð sjötugur í gær.
„Sé hægt að segja að einhver
hafi helgað sig myndlist af lífi og
sál heitir sá maður Bragi Ásgeirs-
son,“ segir í sýningarskrá Foldar.
„Líf hans hefur frá æsku snúist um
þetta margvíslega listform og
áhrif hans á íslenskt myndlistarlíf
eru miklu meiri en flestir gera sér
grein fyrir. Bragi hefur ekki að-
eins verið álitsgjafi og aðal-
gagnrýnandi stærsta dagblaðs
landsins í áratugi, hann hafði einn-
ig gífurleg áhrif á fjölda okkar
merkustu núlifandi myndlist-
armanna, sem nutu leiðsagnar
hans í Myndlista- og handíðaskóla
Íslands.“
Á sýningunni í Galleríi Fold eru
fjörutíu nýjar og nýlegar myndir
en á laugardag var opnuð önnur
sýning á verkum listamannsins, í
Galleríi Sævars Karls. Þar sýnir
hann um tíu ný verk. Sýningin í
Fold stendur til 14. júní en sýning-
unni hjá Sævari Karli lýkur 26.
júní.
Bragi Ásgeirsson með tvær sýningar á sjötugsafmæli sínu
List af lífi og sál
Morgunblaðið/Jim Smart
Elín Pálmadóttir blaðamaður óskar Braga Ásgeirssyni til hamingju með sjötugsafmælið í Galleríi Fold.
MINNISPUNKTAR sem lagðir
hafa verið fram sem sönnunargögn
í málaferlum um samvinnu upp-
boðshúsanna Christie’s og Soth-
eby’s í Bandaríkjunum benda, að
sögn bandaríska dagblaðsins New
York Times, til þess að fyrirtækin
hafi haft með sér enn frekara sam-
starf en áður var talið. Í samvinnu
hafi uppboðshúsin horfið frá þeirri
venju að veita viðskiptavinum hag-
kvæm lán gegn lágum vöxtum, auk
þess sem þau hafi í sameiningu
hætt að styðja líknarfélög að vali
viðskiptavina er listmunir seldust á
hærra verði en áætlað hafði verið, í
því skyni að auka tekjur sínar.
Að stela ekki starfsfólki
hvort frá öðru
Einnig benda minnispunktarnir
að sögn blaðsins til þess að upp-
boðshúsin hafi haft með sér sam-
starf um að stela ekki starfsfólki
hvort frá öðru, ræða ekki illa um
keppinautinn á opinberum vett-
vangi og sleppa því að státa sig af
viðskiptaumfangi sínu. Þykir þetta
benda til þess að samstarf fyrir-
tækjanna hafi náð út yfir verðsam-
ráð um umboðslaun sem uppboðs-
húsin hafa áður gengist við, og að
samvinnan hafi verið kunnug fleiri
starfsmönnum en áður hefur verið
viðurkennt.
Þykja með merkari
sönnunargögnum
Minnispunktarnir, sem fundust
hjá Christie’s eftir að fyrirtækið hét
ríkissaksóknara fullu samstarfi
gegn vissri friðhelgi, þykja með
merkari sönnunargögnum í málinu
sem staðið hefur í ein tvö ár. Dóms-
málið hefur þótt hneisa fyrir upp-
boðsiðnaðinn, sem veltir um 400
milljörðum ár hvert, en einir
130.000 viðskiptavinir fyrirtækj-
anna hafa nú þegar höfðað mál á
hendur þeim.
Samstarf Christie’s
og Sotheby’s nán-
ara en talið var
LEIKFÉLAG Íslands
hefur hafið undirbúning
að Höfundasmiðju sem
félagið hyggst starf-
rækja næsta vetur. Að
sögn Magnúsar Geirs
Þórðarssonar hjá Leik-
félagi Íslands er mark-
mið Höfundasmiðjunn-
ar að efla íslenska
leikritun, hvetja nýja
höfunda til að fást við
leikhúsformið og stuðla
að skrifum um málefni
líðandi stundar sem
höfðað geti frekar til
nýrrar kynslóðar leik-
húsgesta. „Samfélag
okkar tekur hröðum
breytingum og leikhúsið þarf stöðugt
að laga sig að þeim og helst að vera
leiðandi afl. Til þess þarf að virkja
ungt fólk með ferskar hugmyndir og
gera þeim kleift að hrinda þeim í
framkvæmd.
Leikfélag Íslands mun opna dyr
sínar fyrir 8 nýjum höfundum og
kappkosta að veita þeim aðstöðu og
leiðsögn til að kynnast leikhúsform-
inu,“ segir Magnús Geir.
Höfundarnir munu vinna undir
handleiðslu leikstjóra og leikhús-
fræðings. María Reyndal leikstjóri
mun leiða vinnuna. Leikarar munu
vinna með höfundunum
við að þróa verk sín. Af-
rakstur höfundasmiðj-
unnar mun líta dagsins
ljós á vordögum 2002,
bæði í formi leiklestra,
en einnig verða nokkur
þessara verka sýnd í
Hádegisleikhúsi þá um
sumarið.
María Reyndal segir
að víða hafi verið leitað
fanga við undirbúning-
inn. „Höfundasmiðja
var starfrækt í Borgar-
leikhúsinu fyrir nokkr-
um árum og þótti ágætt
framtak en framhald
varð ekki á starfinu. Við
uppbyggingu höfundasmiðju Leik-
félags Íslands er m.a. litið til höfunda-
smiðju sem rekin er í Royal Court
leikhúsinu í London. Það leikhús er í
fararbroddi við að finna nýja höfunda
og hlúa að þeim. Grindin sem við
byggjum höfundasmiðju okkar á er
að hluta byggð á reynslu þessara leik-
húsa en hugmyndin hefur verið sniðin
að íslenskum aðstæðum,“ segir María
og bætir því við að auglýst verði eftir
umsóknum í sumar, og að nánari upp-
lýsingar sé hægt að nálgast með því
að senda fyrirspurn á: hofundas-
midja@leik.is.
Höfundasmiðja
í fæðingu
María
Reyndal
Í RÁÐHÚSI Reykjavíkur
verður opnuð sýning á vinnu
nemenda í hönnun við Listahá-
skóla Íslands í dag, þriðjudag,
kl. 16.
„Á sýningunni má sjá til-
raunir nemenda við að bæta við
umhverfi okkar hlutum eða
myndum sem skírskota til tíð-
arandans. Hugtakið „tíðar-
andi“ er eitt mikilvægasta við-
fangsefni allrar hönnunar. Í
raun gramsa hönnuðir nú-
tímans í því sem er finnanlegt í
samfélaginu og síðan skapa
þeir hluti og efni sem fellur inn
í tíðarandann,“ segir Halldór
Gíslason, nýráðinn deildar-
stjóri hönnunardeildar
Listaháskólans. „Í vinnustofum
nýrrar hönnunardeildar
Listaháskólans fer fram sam-
felld krufning á því sem er að
gerast í samfélaginu og þörfum
þess. Þó að búið sé að stofna
nýja deild í skólanum sem sinn-
ir hönnun sérstaklega, þá hefur
hann og forveri hans, Mynd-
lista- og handíðaskólinn, alltaf
haft nemendur sem hafa unnið
við hönnun. Nú er aftur á móti
hönnunarhugarfarið tekið föst-
um tökum í skólanum og þessi
nýja deild ætlar að leggja sig
fram við að greina íslensku
þjóðarsálina jafnt sem hið ný-
tilkomna alþjóðlega umhverfi á
Íslandi og vinna verk sín sam-
kvæmt því.
Síðastliðið haust voru í fyrsta
sinn teknir inn í skólann nem-
endur í vöruhönnun. Þeir unnu
að verkefnum með kollegum
sínum, sem vinna við grafíska
hönnun og á sýningunni má
skoða afrakstur vetrarins.“
Sýningin stendur til 6. maí.
Hönnunar-
sýning í
Ráðhúsinu
ÞRÍR þekktustu tenórar heims,
Luciano Pavarotti, Placido Domingo
og José Carreras, munu halda sam-
eiginlega tónleika í Forboðnu borg-
inni í Beijing 23. júní næstkomandi.
Frá þessu var greint á blaða-
mannafundi umsóknarnefndar Ól-
ympíuleikanna 2008 í Beijing á dög-
unum en tónleikarnir eru liður í
viðleitni borgarinnar til að verða val-
in gestgjafi Ólympíuleikanna árið
2008.
Eitt aðalkynningarátak borgaryf-
irvalda verður á Alþjóðlega ólymp-
íudeginum, 23. júní, en þá verður
haldin röð menningarviðburða. Tón-
leikarnir verða haldnir í Forboðnu
borginni víðfrægu, tákni austur-
lenskrar siðmenningar og munu ten-
órarnir þrír ennfremur lýsa í sam-
einingu yfir stuðningi sínum við að
Beijing verði útnefnd sem gestgjafi
Ólympíuleikanna 2008.
Jiang Xiaoyu, formaður umsókn-
arnefndarinnar, sagði að tónleikarn-
ir verði þeir dýrustu til þessa í Kína
og að framkvæmd þeirra muni verða
á heimsmælikvarða.
Skipuleggjendur tónleikanna létu
gera skoðanakönnun meðal íbúa
Beijing sem sýndi fram á að höfuð-
borg Kína og þungamiðja menningar
landsins er fyllilega reiðubúin að
taka við vestrænni list. Yfir 90% að-
spurðra höfðu áhuga á að hlýða á
tónleikana, 80% þeirra höfðu heyrt
Pavarottis getið, og 40% aðspurðra
gátu nefnt alla tenórana þrjá réttu
nafni.
Tónleikarnir verða sendir út til
110 landa gegnum gervihnött, og 3,3
milljarðar manna um heim allan hafa
tækifæri til að fylgjast með viðburð-
inum í sjónvarpi. Þrjár miðasölur sjá
um að auglýsa tónleikana og selja að-
göngumiða, þ.á m. Ticketmaster sem
er ein sú stærsta sinnar tegundar í
heiminum.
Tenórarnir þrír í
Forboðnu borginni
Reuters
Placido Domingo, José Carreras og Luciano Pavarotti á tónleikum.
Í SUMAR verður efnt í sjötta sinn
til tónleika í Stykkishólmskirkju.
Efling Stykkishólms hefur staðið
fyrir sumartónleikunum í kirkjunni
en hefur nú fengið til liðs við sig
kór Stykkishólmskirkju. Nú liggur
fyrir dagskrá tónleikanna í sumar
en sumartónleikarnir eru að verða
fastur liður í menningarlífi Hólm-
ara. Tónleikarnir njóta vinsælda
flytjenda og var mikil eftirspurn
eftir að fá að vera með í sumar.
Efnisskráin er að venju fjöl-
breytt og verða fyrstu tónleikarnir
7. júní kl. 20.30 með Kór Flens-
borgarskóla í Hafnarfirði. Þá verða
tónleikar með saxófónleikaranum
Óskari Guðjónssyni 21. júní og 2.
júlí eru tónleikar með Eyþóri
Gunnarssyni píanóleikara.
Stúlknakór danska Ríkisútvarpsins
syngur 5. júlí og Laufey Sigurð-
ardóttir fiðluleikari og Páll Eyj-
ólfsson gítarleikari leika 19. júlí.
Þá leikur djasskvartettinn Dúett
Plús 16. júlí og Þór Breiðfjörð
Kristinsson söngvari flytur lög úr
söngleikjum 2. ágúst við undirleik
Ingibjargar Þorsteinsdóttur píanó-
leikara. Þverflautuleikarinn Bergl-
ind María Tómasdóttir og Arne
Jörgen Fæo píanóleikari koma
fram 19. ágúst. Tónleikar með
söngkvartettinum Út í vorið verða
19. ágúst. Þær Elísa Vilbergsdóttir
sópransöngkona og Ingibjörg Þor-
steinsdóttir píanóleikari reka
endahnútinn á tónleikaröðina að
þessu sinni með tónleikum 23.
ágúst.
Tónleikaröð í
Stykkishólmi
Stykkishólmi. Morgunblaðið.