Morgunblaðið - 29.05.2001, Síða 52

UMRÆÐAN
52 ÞRIÐJUDAGUR 29. MAÍ 2001 MORGUNBLAÐIÐ
HÉR Á landi er
stödd breska kona,
Denise Hastings að
nafni, en hún mun
halda nokkur golf-
námskeið hér á landi,
eða allt til 31. maí nk.
Denise kom til Ís-
lands sl. sumar og
hélt nokkur stutt
námskeið. Hún var
svo hrifin af landi og
þjóð að hún brást vel
við þegar Golfsam-
bandið fór þess á leit
við hana að koma aft-
ur til Íslands.
Ég, undirrituð, hef
verið svo heppin að
kynnast Denise á ferðum mínum
til Englands þar sem ég hef fengið
hennar tilsögn í fáein skipti sem
ég hef haft mikið gagn og feikilega
ánægju af. Denise er
þekktur kennari í
Englandi. Hún kennir
ekki aðeins hinum
venjulega kylfingi að
halda á kylfu, heldur
er hún einnig fyrst
breskra kvenna til að
öðlast réttindi til að
kenna verðandi golf-
kennurum. Hún heldur
námskeið á Abbotsley-
golfvellinum, sem er í
eigu American Golf
UK, stutt frá Cam-
bridge, þar sem hún er
aðalkennari (head-
pro). Að auki heldur
hún námskeið eða svo-
kallaða golfskóla víða annars stað-
ar, m.a. í Danmörku, á Írlandi,
Spáni og í Bandaríkjunum. Má
geta þess að hópur íslenskra
kvenna sótti golfnámskeið hjá
Denise í Danmörku sl. sumar og
voru þær svo ánægðar með nám-
skeiðið og alla tilhögun að önnur
slík ferð er fyrirhuguð í byrjun
júní nk.
Denise Hastings leiðbeinir ekki
aðeins konum en það er fyrir okk-
ur konur mikil uppörvun að fá til-
sögn frá svo frábærum golfkenn-
ara.
Heimsókn hennar til Íslands
ætti að gefa íslenskum golfkonum
dug og kraft til að nema þessa frá-
bæru íþrótt af krafti. Af öllum
þeim fjölda sem stundar golf á Ís-
landi eru aðeins rúmlega 14% kon-
ur. Þetta eru afar áhugaverðar töl-
ur þar sem t.d. meira en
helmingur félaga í golfklúbbum í
Þýskalandi eru konur og víða ann-
ars staðar er þátttaka kvenna í
golfi töluvert meiri en á Íslandi.
Íslenskar konur hafa ekki verið
hvattar nægilega til dáða og er nú
kominn tími til að snúa vörn í
sókn. Við höfum allt til brunns að
bera til að ná sama árangri og
grannkonur okkar í nálægum lönd-
um.
Frumkvæði Golfsambands Ís-
lands að fá Denise Hastings til að
halda hér golfnámskeið og sýna
okkur konum listina að leika golf
er glæsilegt og meira en þakk-
arvert.
Í menningu, listum og öllum
kennslugreinum er boðið upp á svo
kallaða “Master Class“ og því
skyldu þeir ekki einnig vera haldn-
ir í golfi.
Ég vona að þetta verði aðeins
byrjunin á áframhaldandi hvatn-
ingu fyrir konur til að koma út á
golfvelli landsins og taka þátt í
leiknum. Það er aldrei of seint að
byrja.
Ég hvet golfkonur, ungar sem
eldri, til að hitta Denise Hastings
og fá leiðsögn hjá henni. Hún segir
karlmönnum ekki síður til og eru
þeir einnig innilega velkomnir á
námskeiðin.
Ég vil þakka Golfsambandinu
fyrir framtakið og hvetkonur til að
láta ekki happ úr hendi sleppa.
Vonandi eykst hlutfall kvenna í
golfíþróttinni á Íslandi.
Edda
Svavarsdóttir
Golf
Íslenskar konur hafa
ekki verið hvattar nægi-
lega til dáða, segir Edda
Svavarsdóttir, og er nú
kominn tími til að snúa
vörn í sókn.
Höfundur er markaðsstjóri.
Lyftistöng fyrir golf á Íslandi
ÞESSA dagana hef-
ur verið í fréttum 20–30
ára gömul hugmynd
um fyrirhuguð jarð-
göng á milli Reyðar-
fjarðar og Fáskrúðs-
fjarðar sem ákveðið
hefur verið að hefja
framkvæmdir við á
næsta ári. Þessa hug-
mynd eru ekki allir
Austfirðingar sáttir við
eins og íbúar Seyðis-
fjarðar, Egilsstaða og
Austur-Héraðs sem
frekar vilja vegteng-
ingu milli Egilsstaða og
Vopnafjarðar í formi
jarðganga undir Hellisheiði. Fyrir-
huguð jarðgöng á milli Reyðarfjarð-
ar og Fáskrúðsfjarðar breyta engu
fyrir íbúa Seyðisfjarðar og Neskaup-
staðar þótt þau tengi Egilsstaði og
Austur-Hérað við suðurfirði Austur-
lands á meðan íbúar Neskaupstaðar
þurfa enn sem komið er að treysta á
gömlu Oddskarðsgöngin sem standa
á snjóflóðasvæði í meira en 600
metra hæð yfir sjó. Fyrir íbúa Seyð-
isjarðar er Fjarðarheiði eina leiðin
sem hægt er að treysta á og þykir ill
viðureignar vegna blindbyls og mik-
illa snjóþyngsla. Suðurfirðir Austur-
lands myndu tengjast byggðakjarna
Miðausturlands enn betur ef gerð
yrðu önnur 4–5 km löng jarðgöng úr
Fáskrúðsfirði í gegnum Þverfell inn í
Stöðvarfjörð og þaðan önnur jarð-
göng í gegnum Fanndalsfjall eða
Lambafell til Breiðdalsvíkur sem
hugsanlega gætu orðið 3–4 km að
lengd. Þetta myndi líka breyta miklu
fyrir íbúa Djúpavogs ef lagður yrði
vegur beint yfir Berufjörð. Nú skipt-
ir miklu máli að fyrirhuguð jarðgöng
milli Reyðarfjarðar og Fáskrúðs-
fjarðar verði tvíbreið til þess að auka
umferðaröryggið þótt þau verði 500
miljónum króna dýrari heldur en
einbreið jarðgöng með 32 metra löng
útskot til mælinga sem yrðu með 160
metra millibili. Einbreið jarðgöng
með 32 metra löng útskot myndu
strax bjóða upp á stóraukið öng-
þveiti ef tveir eða fleiri flutningabílar
með löngum tengivögnum aftan í
sem kæmu hvor úr sinni áttinni færu
á sama tíma inn í báða gangamunn-
ana án þess að bílstjórar þeirra
hefðu hugmynd um
mótumferð. Þá yrði það
ekkert öfundsvert fyrir
bílstjórana að þurfa að
bakka þessum stóru
farartækjum út úr öðr-
um gangamunnanum
til þess að hleypa í gegn
mótumferðinni. Þarna
geta stórir flutningabíl-
ar sem kæmu hvor úr
sinni áttinni inn í báða
gangamunnana í ein-
breiðum jarðgöngum
lokað inni lögreglu-,
slökkviliðs- og sjúkra-
bíla þegar mannslíf
geta verið í hættu.
Þetta eiga menn að geta séð fyrir á
sama tíma og bílum stórfjölgar í
landinu. Fyrir íbúa Hornafjarðar
yrði það mikil samgöngubót við Suð-
urfirði Austurlands, Egilsstaði og
Austur- Hérað ef gerð yrðu tvíbreið
jarðgöng undir Almannaskarð þegar
höfð eru í huga jarðgöng á milli
Reyðarfjarðar, Fáskrúðsfjarðar,
Stöðvarfjarðar, Breiðdalsvíkur og
lagning vegar rétt fyrir norðan
Djúpavog beint yfir Berufjörð. Þetta
gæti stytt landleiðina milli Djúpa-
vogs og Egilsstaða um 100 km.
Vegna staðsetningar Fjórðungs-
sjúkrahússins í Neskaupstað sem
frekar ættti heima á Egilsstöðum
þar sem varaflugvöllurinn var
byggður hefði þurft að kanna mögu-
leika á tvíbreiðum jarðgöngum undir
Oddskarð nálægt sjávarmáli vegna
þess að gömlu Oddskarðsgöngin eru
á snjóflóðasvæði og standa í allt of
mikilli hæð yfir sjó. Einbreið jarð-
göng á Austfjörðum geta aldrei flutt
þá umferð sem áætlað er að fari um
þau. Þá geta stórir flutningabílar al-
veg eins farið um Vattarnesskriður.
Bréf til vega-
málastjóra
Guðmundur
Karl Jónsson
Höfundur er farandverkamaður.
Jarðgöng
Þessa hugmynd, segir
Guðmundur Karl Jóns-
son, eru ekki allir Aust-
firðingar sáttir við.
Hald á lofti kyndli friðar
og frelsa fjallkonu
landsins!
Granda ei fossbúum
fjallsins
né vængjabliki gælum
vorsins.
Hald á lofti kyndli friðar
og helga andardrátt
jarðar!
Heimsóknir er-
lendra ferðamanna
stefna enn í eitt met-
árið. Landið hefur
fram að þessu verið
kynnt sem óspillt og
er víðfrægt fyrir til-
komumikil öræfi. En
hve lengi ef við höldum áfram eyð-
ingu einstæðra náttúrudjásna.
Heimsbyggðin hneykslast nú á
virkjunaráformum Kínverja á Gulá,
þar verður einstökum svæðum, hof-
um og fornminjum sökkt. Stórar
vatnsfallsvirkjanir eru mjög um-
deildar vegna þess landrýmis sem
er fórnað. Þjóðir heims vinna af
kappi að því að beisla sólarorku,
sjávarföll og vindorku. Í Evrópu
rísa nú víða vindmyllur í hnapp á
litlum svæðum nálægt þorpum og
verksmiðjum sem nota rafmagnið.
Íslendingar ættu að líta á vindmyll-
ur sem valkost við framleiðslu raf-
magns til húshitunar, því að nógur
er blásturinn hér á Fróni og kapp-
kosta að friða hálendið eða það sem
eftir af því er. Erlendir sérfræð-
ingar hafa bent á að eigi Vatnajök-
ulsþjóðgarður að standa undir nafni
þurfi að friða allt svæðið frá Skafta-
felli að ósum Jökulsánna fyrir norð-
austan og talað hefur verið um
Snæfellsþjóðgarð á þessu svæði. En
yfir Fljótsdalinn gnæfir Snæfellið,
1.833 metrar á hæð. Verði af virkj-
anaáformum Landsvirkjunar norð-
an Vatnajökuls þar sem tveim tug-
um fallvatna er smalað úr farvegum
sínum þá verða einu ósnortnu öræfi
Íslands sunnan megin við Kjöl sem
standa undir nafni.
Áð á Kili
Óspillt öræfi eru nú óðum að
hverfa á Íslandi. Í fyrrasumar ók-
um við hjónin suður Kjalveg milli
Langjökuls og Hofsjökuls til
Reykjavíkur. Við ókum eftir virkj-
anavegi Blöndulóns langleiðina inn
að Kili og keyrðum eftir Blöndu-
stíflunni. Á hálendinu norðan megin
hafa gróðursælar heiðar og lækir
horfið undir uppistöðulón. Öðrum
megin var þverhnípið og á hina
hliðina gruggugt lón af gríðarlegri
stærðargráðu og lítið augnayndi.
Auðkúluheiði er ekki lengur svipur
hjá sjón orðin manngerð. Við flýtt-
um okkur framhjá. Ef þetta er það
sem koma skal á öræfum Íslands
kýs ég heldur gömlu malarvegina. Í
ægifegurð óbyggðanna áðum við
svo inn á Kili þar sem nokkrir er-
lendir ferðmenn sátu og hvíldust
með stórbrotna jökla-
sýn á báðar hendur.
Þeir höfðu lagt á sig
að fara á reiðhjóli upp
á Kjöl. Þó að vegurinn
suður gerðist nú sein-
farinn nutum við þess
að setjast út í náttúr-
una og virða fyrir okk-
ur fíngerðan heiða-
gróðurinn og geta
okkur til hvað fjöllin
inn á milli jöklanna
heita. Öræfin sunnan
megin á Kjalvegi eru
laus við þyrnikórónur
járnskóganna. Eftir
góðar stundir á fjöll-
um lá leiðin suður um
Haukadal, þar sem Gullfoss er
ósnortinn! Þökk sé Herdísi í Bratt-
holti.
Gruggug virkjunarlón
eða þjóðgarður
Í vorleysingum í Svíþjóð í fyrra
urðu mikil náttúruspjöll vegna
flóða. Stóru fljótin flutu yfir bakka
sína og ollu gífurlegri eyðileggingu.
Virkjunarlón þar voru þegar yf-
irfull af vatni og gátu því ekki tekið
á móti meira vatni. Eftir eldgosið í
Vatnajökli fyrir fáum árum, þá
voru jökla- og jarðfræðingar í vafa
um hvort flóðbylgjan ryddi sér
braut suður eða norður um Jökuls-
árgljúfrin til hafs. Á meðan beið
þjóðin með öndina í hálsinum. Nú
stendur til að virkja jökulfljótin fyr-
ir norðan. Þetta gæti gerst aftur.
Nær minnið ekki lengra eða hvað?
Verði Landsvirkjun hleypt inn á
svæðið norðan Vatnajökuls þá verð-
ur hálendið norðan jökla: Langjök-
uls, Hofsjökuls og Vatnajökuls ekk-
ert augnayndi. Ásýnd landsins
gjörbreytist og allt verður meira og
minna manngert. Gruggug lón
munu fylla gróðurlendi á öræfun-
um. Kringilsárrani mun hverfa und-
ir vatn þar sem meðal annars stór
hluti hreindýrahjarðanna bera kálf-
um sínum og leita dýrin þá meira
til byggða. Sama gildir um heið-
argæsirnar þegar þrengir að.
Margir af fegurstu fossum og berg-
vatnsám á hálendi Íslands hverfa
undir jökulvötn. Línumöstur koma
svo til með að liggja í margföldum
röðum yfir allt hálendið og fíngerð-
ur jökulaur fjúka yfir sveitir. Er
mönnum ekki sjálfrátt? Norðan
jökla verða öræfin álíka spennandi
og allar virkjanirnar kringum
Þjórsá á Sprengisandsleið. Fólk
stansar ekki en flýtir sér hjá. Öll
þessi eyðilegging og fórn á hálend-
inu norðan sem sunnan jökla fyrir
risaálver og dugir þó varla til. Er
ekki varasamt fyrir vel menntaða
þjóð að festa sig í svo einhæfum at-
vinnuvegi, frumframleiðslu, þar
sem allt rafmagnið er selt á útsölu
og hálendi Íslands einskis metið?
Ekkert rafmagn verður síðan af-
gangs til nýsköpunar? Ætla rík-
isstjórnin og kjörnir fulltrúar þjóð-
arinnar að láta þjóðina borga
mengunarkvóta fyrir álverin? Þjóð-
in á rétt á svari!!
Vistkerfi jarðar er viðkvæmt og
vísindamenn telja að á þessari öld
verði skortur á neysluvatni í heim-
inum og ómæld auðæfi séu fólgin í
hreinu vatni og óspilltu landi. Ís-
lendingar eru aðilar að Árósa-
samningnum frá 1998. Samningur-
inn fjallar um umhverfisrétt og
mannréttindi, en þar segir m.a. „…
að menn hafi skyldum að gegna
gagnvart komandi kynslóðum…“
Hvaða skýringar gefum við niðjum
okkar á að blóðmjólka og fórna há-
lendi Íslands? Ég trúi því ekki að
það sé með vilja þjóðarinnar. Klæð-
um ekki fjallkonuna í tötra!
Ljóðið er úr ljóðabókinni Rödd
úr djúpinu eftir greinarhöfund.
Klæðum ekki fjall-
konuna í tötra
Ólöf Stefanía
Eyjólfsdóttir
Umhverfisvernd
Verði af virkjana-
áformum norðan Vatna-
jökuls, segir Ólöf
Stefanía Eyjólfsdóttir,
þá verða einu ósnortnu
öræfi Íslands sunnan
megin við Kjöl.
Höfundur er húsmóðir og ljóðskáld.
Dragtir
Neðst á Skólavörðustíg
Eru
Florena
bestu snyrtivörurnar?
Eru vandamál á toppnum?
Ofnæmi, flasa, exem, psoriasis, feitur eða þurr hársvörður?
ÚTSÖLUSTAÐIR: HEILSUVÖRUVERSLANIR OG APÓTEK UM ALLT LAND.
HÁRVÖRUR LEYSA VANDANN
OG ÞÚ BLÓMSTRAR.