Morgunblaðið - 31.05.2001, Qupperneq 8

FRÉTTIR
8 FIMMTUDAGUR 31. MAÍ 2001 MORGUNBLAÐIÐ
Enga óþekkt, Keikó, réttu mér dekkið, tími hjálpartækja ástarlífsins er liðinn, góði.
Málþing um verðbólgureikningsskil
Hver á að
standa að
breytingum?
MÁLÞING um verð-bólgureiknings-skil verður haldið
í Hvammi í Grand Hóteli
við Sigtún klukkan 16 til 19
í dag. Að þinginu stendur
Deloitte&Touche í sam-
starfi við Félag löggiltra
endurskoðenda og Félag
viðskipta- og hagfræðinga.
Þorvarður Gunnarsson
endurskoðandi er fundar-
stjóri og átti sæti í undir-
búningsnefnd þingsins.
Hann var spurður hvað þar
yrði efst á baugi?
„Við ætlum að fjalla um
verðbólgureikningsskil og
varpa fram þeirri spurn-
ingu hvort það sé orðið
tímabært að leggja af verð-
bólgureikningsskil á Ís-
landi. Síðustu tvo áratugi
hafa reikningsskil íslenskra fyrir-
tækja verið leiðrétt fyrir áhrifum
verðbólgu. Reikningsskil þeirra
erlendra fyrirtækja sem við berum
okkur saman við í viðskiptalöndum
okkar eru hins vegar eftir hefð-
bundnum kostnaðarverðsáhrifum.
Þar af leiðandi verður samanburð-
ur á arðsemi íslenskra fyrirtækja
og erlendra ekki eðlilegur.“
– Hverju breytir þetta?
„Tekjur fyrirtækja eru leiðrétt-
ar með verðbreytingafærslu sem
háð er verðbólgustigi og kemur
annað hvort til tekna eða gjalda
hjá viðkomandi fyrirtæki eftir pen-
ingalegri skuldastöðu þess. Í hefð-
bundnum reikningsskilum er þetta
hins vegar ekki gert og þetta leiðir
af sér að erfitt er að bera saman
rekstrarafkomu sambærilegra
fyrirtækja. Síðan er efnahags-
reikningurinn líka leiðréttur með
endurmati sem færist yfir eigið fé
og til hækkunar á eigin fé, það er
heldur ekki gert í hefbundnum
kostnaðarverðsaðferðum.“
– Af hverju viljið þið breyta
þessu núna þegar verðbólgan hef-
ur verið á uppleið?
„Verðbólgureikningsskil eiga
rétt á sér þar sem verðbólga er yfir
10% á ári. Hún hefur verið að með-
altali um 3% á ári hér sl. áratug.
Og þó að hún sé á uppleið núna
sjáum við það ekki sem varanlega
hækkun. Íslensk fyrirtæki eru sí-
fellt að verða alþjóðlegri og meiri
þörf á að veita erlendum aðilum
upplýsingar um rekstur þeirra og
þá verður krafan háværari um að
við notum sömu aðferðir og aðrir
við afkomumælingu þeirra. Er-
lendir bankar og fyrirtæki þekkja
ekki þessar aðferðir sem nú not-
aðar hér og það gerir erfiðara fyrir
íslensk fyrirtæki að koma sér á
framfæri á erlendum fjármagns-
markaði.“
– Hvenær var lögbundið að hafa
þessi verðbólgureikn-
ingsskil?
„Það er ekki lögbund-
ið í raun. Menn hætta
þessu hins vegar ekki
vegna þess að íslensk
skattalög eru miðuð
verðbólgureikningsskil
og því erfitt fyrir fyrir-
tæki að breyta reikningsskilum
sínum án þess að skattalögum sé
breytt jafnframt. Skattalögin og
reikningsskilin eru tvennt ólíkt.
Eins og gefur að skilja eru kröf-
urnar um breytingu í þessum efn-
um háværari hjá þeim fyrirtækj-
um sem eru á verðbréfaþingi. Á
málþinginu munum við velta þeirri
spurningu fyrir okkur hvort okkur
sé stætt á að standa fyrir utan þær
reglur sem viðurkenndar eru ann-
ars staðar sem góð reikningsskila-
venja. Ef við breytum þá vaknar
sú spurning hver á að standa að
breytingunni? Eiga stjórnendur
fyrirtækjanna að gera það, Alþingi
eða endurskoðendur – eða jafnvel
einhverjir aðrir?
– Myndi þetta breytast ef við
gengjum í Evrópusambandið?
„Þeirra tilskipanir byggjast á
kostnaðarverðsreglunni og þar
með byggist það á óverðleiðréttum
reikningsskilum. Þar með þyrftum
við að breyta okkar aðferðum.
Evrópusambandið hefur líka sam-
þykkt að laga reikningsskil
skráðra félaga á svæði samb-
andsins að reglum Alþjóðareikn-
ingskilanefndarinnar sem byggj-
ast á kostnaðarverðsreglum. Þetta
segir okkur það að jafnvel það að
vera á evrópska efnahagssvæðinu
þýðir að við þurfum að breyta um
aðferðir, a.m.k. þau fyrirtæki sem
eru skráð á verðbréfaþingi.“
– Er þetta þá ekki spurning um
hvort, heldur hvenær?
„Já. Vinnuhópur á vegum
Félags löggiltra endurskoðenda
hefur komist að þeirri niðurstöðu
að nauðsynlegt sé að breyta
skattalögunum líka til að vera ekki
með tvær tegundir af reikningskil-
um á landinu, skattaleg verðbólgu-
reikningsskil annars
vegar og hefðbundin
reikningsskil hins veg-
ar fyrir fyrirtæki á
verðbréfaþingi.“
– Er fleira sem þið
takið fyrir á mál-
þinginu í dag?
„Já, við munum líka
ræða um krónuna og varpa fram
þeirri spurningu hvort það eigi að
heimila íslenskum fyrirtækjum að
gera ársreikninga sína í erlendri
mynt eða hvort tími íslensku krón-
unnar sé liðinn. Um þetta viljum
við fá umræður á málþinginu.
Frummælendur á þinginu eru
endurskoðendur og lögmenn hjá
Deloitte&Touche auk tveggja for-
stjóra úr atvinnulífinu sem koma
með rök með og móti breytingum.“
Þorvarður Gunnarsson
 Þorvarður Gunnarsson fædd-
ist í Reykjavík 14. maí 1954.
Hann lauk stúdentsprófi frá
Verslunarskóla Íslands 1975 og
viðskiptafræðiprófi frá Háskóla
Íslands 1981. Hann fékk löggild-
ingu sem endurskoðandi 1982.
Hann hefur síðan verið meðeig-
andi í Endurskoðun Sigurðar
Stefánsson og síðar Deloitte&-
Touche. Þorvarður var formaður
Félags löggiltra endurskoðenda
1998 og 1999. Hann er kvæntur
Þórlaugu Ragnarsdóttur kjóla-
meistara og eiga þau fimm börn.
Er tímabært
að leggja af
verðbólgu-
reikningsskil
á Íslandi?
Í BÚDAPEST var haldinn fyrsti
sameiginlegi fundur utanríkisráð-
herra Atlantshafsbandalagsins og
Evrópusambandsins 30. maí sl.
Ráðherrarnir ræddu einkum
nauðsyn náins samstarfs ESB og
NATO á sviði öryggismála. Lögðu
þeir sérstaka áherslu á þann ár-
angur sem náðst hefði í samstarfi
stofnananna á Balkanskaga, eink-
um samvinnu þeirra í þágu friðar
og stöðugleika í fyrrverandi júgó-
slavneska lýðveldinu Makedóníu.
Halldór Ásgrímsson utanríkis-
ráðherra tók undir þessi sjónar-
mið og fagnaði þeim árangri sem
samstarf NATO og ESB hefði
þegar skilað á Balkanskaga. Ráð-
herra undirstrikaði jafnframt
nauðsyn þess að koma sem fyrst á
varanlegum starfstengslum milli
NATO og ESB til að tryggja
grundvöll samstarfsins til fram-
búðar.
Fögnuðu árangri sam-
starfs ESB og NATO
VEGAGERÐIN hefur opnað tilboð í
framkvæmdir við Skorradalsveg
(508), Fossamelar – Borgafjarðar-
braut. Alls bárust 13 tilboð í verkið.
Lægsta tilboðið kom frá Vöruflutn-
ingum LG, Borgarnesi, og hljóðaði
upp á 25,3 milljónir en næstlægsta
tilboðið kom frá Jörfi ehf., Hvann-
eyri, upp á 26,8 milljónir. Hæsta til-
boðið hljóðaði upp á rúmar 46 millj-
ónir. Kostnaðaráætlun verkkaupa
nam rúmum 34 milljónum króna.
Tilboð
opnuð vegna
Skorradals-
vegar
♦ ♦ ♦
ÞAÐ má ekki á milli sjá á þessari
mynd hver hefur betur í hlaupa-
keppni manna og hunda í fjörunni
við Garðskagavita. Þórólfur Hersir
Vilhjálmsson veitir hvolpinum
Húna allharða keppni og Úlfar Júl-
íusson gefst ekki upp þótt hann hafi
dregist aðeins aftur úr. Húni var
talinn sigurstranglegur fyrir hlaup-
ið enda eiga tvífætlingar sjaldnast
möguleika gagnvart seppum lands-
ins þegar kemur að kapphlaupum.
Morgunblaðið/Ingólfur
Húna
veitt hörð
keppni