Morgunblaðið - 31.05.2001, Page 21

LANDIÐ
MORGUNBLAÐIÐ FIMMTUDAGUR 31. MAÍ 2001 21
SAFNAÐARHEIMILIÐ í Þórs-
hafnarkirkju var formlega tekið í
notkun á uppstigningardag að lok-
inni helgistund í kirkjunni og var
eldri borgurum boðið í kaffi eftir
helgistund í tilefni af degi aldr-
aðra. Börn úr tónlistarskólanum
skemmtu kaffigestum með hljóð-
færaleik og einnig lék kennarinn
Angantýr Einarsson á harmonikk-
una, sem alltaf er vinsæl við slík
tækifæri.
Kirkjan var vígð fyrir tæpum
tveimur árum en safnaðarheimilið
á neðri hæðinni hefur ekki verið
nýtt sem skyldi þar sem engin
húsgögn eða eldhúsaðstaða voru
þar fyrir hendi. Ánægja er því með
þennan áfanga og hve mikið
ávinnst þegar heimamenn taka
saman höndum til uppbyggingar í
safnaðar- og menningarlífi, eins og
fram kom í máli sóknarprestsins,
séra Sveinbjörns Bjarnasonar.
Margir hafa unnið saman að því
að fjármagna húsgagna- og inn-
réttingakaup í safnaðarheimilið;
Þórshafnarhreppur var með mynd-
arlegt framlag, kvenfélagið Hvöt
lagði fram borðbúnað sinn og einn-
ig hafa félagasamtök gefið ágóða
af bingó- og fjáröflunarstarfsemi.
Safnaðarheimilið er rúmgóður og
vistlegur salur með góðu aðgengi
fyrir hreyfihamlaða. Góð aðstaða
er fyrir félagsstarfsemi aldraðra
og ýmsa aðra starfsemi, svo og
hvers kyns veisluhöld, og verður
safnaðarheimilið væntanlega vel
nýtt í framtíðinni.
Morgunblaðið/Líney Sigurðardóttir
Eldri borgurum var boðið í kaffi eftir helgistund
í tilefni af degi aldraðra.
Morgunblaðið/Líney Sigurðardóttir
Angantýr Einarsson lék á harmonikkuna.
Safnað-
arheim-
ilið í
notkun
Þórshöfn